Bib sou entènèt

Gɛlaɠaa 27:1 - Yálá laawoo hɛɓɛ (dc)

¹ Ɓɛlɔwai di mo la diɛ ku tɛ gələn ɉu kwəli Itali lɔi hu, di Polə da gaho nąmįną takpɛliɠaa tɛɛ holahi nwun dɔ̨nɔ̨ nwun nąmu pɔ, diɛ kɛ mą Ɉuliusə, a gɔ́laɠai di kɛli kɛ mą, Augusta, ɉu yalanąmu ta.

Gade chapit la Kopi

Yálá laawoo hɛɓɛ

¹ Ɓɛlɔwai di mo la diɛ ku tɛ gələn ɉu kwəli Itali lɔi hu, di Polə da gaho nąmįną takpɛliɠaa tɛɛ holahi nwun dɔ̨nɔ̨ nwun nąmu pɔ, diɛ kɛ mą Ɉuliusə, a gɔ́laɠai di kɛli kɛ mą, Augusta, ɉu yalanąmu ta.

Gade chapit la Kopi

Bible

¹ Tãi e nâa kpɛ̀tɛ la a gɛ́ɛ ku yá ŋá-keleŋ siɣe ku li Etele, dí Pɔ̂ɔ da pelesinɛi da kpɛni-ŋa tɛ̀ɛ kɔkuluƃa-kpului, da kâa dòli a Agɔtɔɔ, m̀ɛi-nuui pɔ, nyíi da kâa dòli a Zûliɔi.

Gade chapit la Kopi

tounen moute ⬆

Gɛlaɠaa 27:1
29 Referans Kwoze

Gɛlaɠaa 25:25

Yii ɓaa nwɛ́i və́ mɛ̨nį ta kaa li mą, yɛ pɛli ɉu haa ɓo. Kɛlaa, yɛ bələi yaa kpinįi ə ɉuhvɛli la, yɛ nwɔ mɛ̨nįi ə ɓo nɔi nwun nąmu lii la, ya ɓə gɛ, gɛ́ diɛ: gáá dɛɛi mą.

Gɛlaɠaa 25:12

Nąąlɔwai, yii kɛa Fɛstusə da gwɛlɛ nuą di di nwun dɔɔ, ə nwoo ɲąąpənə, yɛ mą: «Yii yáá nɔi Nąmu laa too ɉui, ka káá lii nííla.»

Gɛlaɠaa 10:1

Hulɔnu ta ə kɛ Sesare daai, diɛ kɛ mą: Kɔrnɛyɛ. Ə kɛ a Romə kɔlaɠai da kɛ mą: «Italikə» nwun nąmu kɛnɛ̨ ta.

Gɛlaɠaa 27:11

Ɉolahi nwun dɔ̨nɔ̨ nąmui tii, laai kɛ gələn nwun nąmu da gələn nąmįną la, ə tɛɛ Polə woo ɓa.

Gɛlaɠaa 18:2

Niɛ, ə kwiɛn a Ɉuifə ta, diɛ kɛ mą: Akilasə; ə kɛ a Pɔn lɔi hu mun. Ə pa lɔ tii a nįnɛ̨, da nɛ̨ą Prisilə daa həɠə kɛ Itali lɔi hu, mąąhɔlɔɓo, Klodə aa kɛ mo, yɛ: Ɉuifəɠaa kəlee di kulɔ Romə daai; da Polə ni di di yee lɔ kee hu.

Hebreu 13:24

Nuąi da kɛ tɔɔi gbɔn ɲɛ̨i tɔwɔ, 'ká di kəlee di túwɔ́ɓo, ə pɛlɛ la Kristalɛa kəlee diɛ. Gu nąn nonnii di kaa a Itali, diɛ ká túwɔ́ɓo.

Gɛlaɠaa 28:16

Ɓɛlɔwai ku həli la Romə, di hvaa mą, Polə ə kɛ gbɔwɔ pɛlɛ́ mu, holahi tɔ̨nɔ̨ yɛ ɲɛ̨i kaa.

Gɛlaɠaa 27:43

kɛlaa, ɉolahi nwun dɔ̨nɔ̨ nąmu nwɛi, ə kɛ bɔ ə Polə nwun gulɔ ɉu, ya ɓə gɛ, hvo hvaa di woo ti ɓa. Ə mo yiiɠaai kɛ di wəlɛɛ yá kɛlɛi, di too ɲąi, di li tɔlɔɔ gbonwo ɓa.

Gɛlaɠaa 27:6

Ku həliɛ laa ɉolahi nwun dɔ̨nɔ̨ nąmu ə Alɛsandri kələn da kaa laa yɛ li Itali pələ, ə ku tɛ ɉu.

Gɛlaɠaa 24:23

Ə mo ɉolahi nwun dɔ̨nɔ̨ nąmu ɓa, ə ɲɛ̨i kɛ Polə ɓa gaho ŋą, kɛlaa ə da wolo lɛɛ gbɔwɔ ɓa, ɛlɛɛ, nwɔ nuą da kɛ di mąą mɛ̨nį ɲɛ̨i kulɔ ə di lɛɛ laa di gɛ.

Gɛlaɠaa 23:17

Ya ɓə, Polə ə ɉolahi nwun dɔ̨nɔ̨ nąmu təli, ə mo yɛ mą: «Ɉulɔnon ŋɛ̨i hon, ə́ li la ɉolahi nwun nąmu pɔ; mɛ̨nį ta kaa gwəi, ə mo mą.»

Gɛlaɠaa 23:11

Bulu ɓa kpini pɛlɛɛ kɛa, gu Ną́mu gbɔwɔ lɛ Polə ɓa, yɛ mą: «'Ə́ liikpələ, yaa mą́ą́ kɛla hvaa ɓo ɓɛ Ɉerusalɛmə, hvo kɛli ə́ da ɓo Romə daai.»

Gɛlaɠaa 22:26

Nwoo ti mɛ̨n ɉolahi nwun dɔ̨nɔ̨ nąmu ə mo, ə li yɛ di nwun nąmu ɓa: «Lə ɓə ŋɛ̨i ə́ kɛli pa gɛi a kuɔi? Ɉulɔnui ŋɛ̨i ə́ dɛɛ ku pɔi, Romə kaalon da li.»

Gɛlaɠaa 21:32

Ə holahi taɠaa həɠə da di ɲɛ̨i tɔwɔ nuą, di gilɛ həɠə di pa nu kpulu hu. Ɓɛlɔwai kɛa Ɉuifəɠaa di gɔ́laɠaɠaa ti kaa la da di nwun nąmu ni diɛ pa, di kpəla kɛa Polə kɛlɛɛ ɓa.

Gɛlaɠaa 19:21

Mɛ̨nįɠaa ti tɛɛ pulu, Polə ə kɛ bɔ ə Masedoanə huɓɔ da Akaiə taa, yɛ li Ɉerusalɛmə. Ə mo yɛ diɛ: «Ŋą́ pa həlii la, hvo kɛli ŋį́ li Romə kpɛlimąn.»

Gɛlaɠaa 16:10

Ɉįi ti kaa pulu, ɲąąɓa, ku pələ kwəli kpɔlɔɔ ti mą, kuɔ li Masedoanə lɔi hu pələ. Mąąhɔlɔɓo, ku gaa, kuɔ, Yálá aa ku təli, yɛ kɛ, ku nwəlɛɛ lɛlɛɛ laa həli laa.

Gɛlaɠaa 10:22

Di nwoo ɲąąpənə diɛ mą: «Ɉolahi nwun nąmui a Kɔrnɛyɛ, ya ɓə ku tɔɔ, tələnmomun ni, naa lɛlɛɛ tɛɛi Ɉuifəɠaa lɔwai. Malaka mąąhəɠɛɛ ta ə mo mą, yɛ mąąnɛ̨ɛ̨ ə ə́ təli ɲəi bɛlɛ́n, mɛ̨nįɠaai ə gaa, ə mo yɛ́.»

Lukə 23:47

Mɛ̨nįi tii gɔ́kulaa nwun nąmui tii ə gaa, ə nɛɛ ŋąąɓa ə mąąwiɛ tɛɛ Yálá pɔ, yɛ diɛ: «A tɛ̨ą, hɔn və kɛ ɉulɔnui ŋɛ̨i ɓa.»

Lukə 7:2

Romə holahi nwun nąmu ta, koló kɛmun da ə kɛ ɲəi, nwɛli yɛ ɓo kpɔ ma kɛnɛ̨. Góló kɛmun tii kɔ́lɔi hvo kɛ pono li. Ɲɔn ɉiɛ kpɔ kɛ ɉu kɛnɛ̨, yɛ kɛ ə baa.

Maafîu 27:54

Nɔi kpɛlinɉąą, da mɛ̨nįɠaa tii kɛɛpulu, ɉolahi nwun nąmu da nwɔ holahiɠaai ŋɛ̨i kɛi di ɲɛ̨i kɛ Jesus ɓa, di yiliɠaai kaa di ɲɔ̨w kpɔ kɛnɛ̨, diɛ kɛ diɛ: «Nui ŋɛ̨i ə kɛ kpɔ a Yálá Lon a tɛ̨ą.»

Woolaa 3:27

Nu ə mɔ̨nɔ̨ mįi a ə́ muhəɠə yələ hviɛlaɓoɔi.

Hanwon 19:21

Mɛ̨nį tamąą ka tii nu a mąą kili tee gwəi, Yai-Laa kwəi kili ɓə a nɛ̨ɛ̨ mą.

Mąątɛ̨nɛ̨ 76:10

A ɓɛlɔwai Yálá a muhəɠə la, giti mɛ̨nį ɓa, yɛ nɔi lonnii mąąwɛliɛ kəlee ɓalo.

Mąątɛ̨nɛ̨ 33:11

Yai-Laa kwəi kili kaa lɔ a yələ kəlee mɛ̨nį, mɛ̨nįɠaai a mąąkili tee gwəi, kwɛlan gəlee mɛ̨nį li.

Zɛnɛse 50:20

Ka kɛ bɔ ka mɛ̨nį ɲɔ̨n gɛ a ɲą́ą́, kɛlaa, Yálá ə mɛ̨nį ɲɔ̨n tii mąą pənə a nɛlɛɛ, ə gɛ, nu kpulu tamąą ə ɓalo, yɛ pələi kaa kpinįi kaa gaa la háákələi.

Gɛlaɠaa 28:1

Ku nwun gulaa mɛ̨nįi tii hu, ku mɛ̨n diɛ Gahin ti laa ɓa: Maltə.

Swiv nou:

Lyen patwone

Piblisite

Piblisite