Gɛlaɠaa 26:29 - Yálá laawoo hɛɓɛ (dc)

²⁹ Polə ə nwoo ɲąąpənə yɛ mą: «Ə kɛ a yiihu-o, ə kɛ a ɉu kwɛa-o, yii gáá Yálá hvɛli la, ya ɓaa: yɛ́, ə mą kɛ a nuąi di kaa di wəli tɔɔi mą́ą́ háákələi, ka kɛ yɛ ɲą́ą́, ka hvo kɛ a gaho nąmįną.»

Yálá laawoo hɛɓɛ

²⁹ Polə ə nwoo ɲąąpənə yɛ mą: «Ə kɛ a yiihu-o, ə kɛ a ɉu kwɛa-o, yii gáá Yálá hvɛli la, ya ɓaa: yɛ́, ə mą kɛ a nuąi di kaa di wəli tɔɔi mą́ą́ háákələi, ka kɛ yɛ ɲą́ą́, ka hvo kɛ a gaho nąmįną.»

Bible

²⁹ Nya ƃe Pɔ̂ɔ è mò mà, ǹyɛɛi, “À nɛ̀ɛ ma máŋ é kɛ́ a tãi kpua kpaa máŋ tãi kôya, ŋa Ɣâla fɛlîi a gɛ́ɛ ya tɔnɔ nɔ́ fei, kɛ́lɛ, diai kélee ŋ́oo mɛnîi sâai, dí kɛ́ yɛ̂ɛ ńyãa é kúla nɔ́ ǹyɔlɔi-ŋai ŋí pôlu gáa ḿâi.”

Gɛlaɠaa 26:29 Referans Kwoze

Ifisiɛŋ 6:20

yai mąą kɛla ɓaa a ɲą́ą́, gɛ́ ɓo la yɔwɔn ɲą, 'ká Yálá hvɛli, ə gɛ, gɛ́ pɛli naa həli a kili la tee, yɛ bələi mąąnɛ̨ɛ̨i ŋą́ gɛ la.

Kolosə 1:28

Yaa tii ɓə ku kaa mąą mɛ̨nį la həli, kuɔ nu kəlee kilaa pono, kuɔ di mąąkwɛli a kilikɛɲəi laa kəlee, əgɛ, nu kəlee mąą mɛ̨nį laa ə kulɔ kpɔ a neelee, Kristə hu.

Lomaŋ 10:1

Nąn nonnii, yii gáá bɔ, gɛ́ vɛli Yálá ɓa di mąą mɛ̨nį ɓa, ya ɓaa: Di kəlee di nwun mąą ə ɓo.

Gɛlaɠaa 21:33

Nąąlɔwai, gɔ́laɠa nwun nąmu ə lɛɠɛ Polə ɓa, ə Ɉon, yɛ diɛ: Ka ɲili a yɔwɔn veelɛ. Yili pulu ə di mąąni kɛ yɛ diɛ: Gbɛɛ ɓɛi, ɛlɛɛ, lə ɓə ə gɛ?

Korɛntə veelɛ 11:1

Akɛ ká pɛli ká liikpələi tiikpə, nwɔ́ ɓowo hvaa ɓoɔ mui; yaan, a tɛ̨ą, hvo kɛli ká ká liilaa bɔ́!

Korɛntə dɔlɔɔ 7:7

Gáá kɛ bɔ, nu kəlee di kɛ ɲą́ą́, kəlee, nu tɛitɛi ə Yálá nwɔ mɛ̨inɛ̨ɛ̨ hɔlɔɓo a dee-tee; nu yii nwɛi a pɛli kɛi a yii, awala kɛ tii, yii.

Korɛntə dɔlɔɔ 4:8

Káá gbɛa pilɛ! Káá gbɛa kɛ a hɛn gɔw nąmįną! Ə kulɔ ku pulu, ká kaa kɛ a tɔɔɓɛlaa! Kɛlaa, ku wɛi, ku hvo la! Ə li kɛ, ka kaa kɛ la a neeleei, kuɔ kpɛli ku li kɛ tɔɔlaa hu gwa gaa ni.

Gɛlaɠaa 25:14

Yɛ bələi di kɛi pa hvoló tamąą kɛi la bɔɔli, Fɛstusə ə Polə mąą mɛ̨nį hukulɔ tɔɔmun Agripa ɓa, yɛ mą: «Hulɔnu ta kaa ɓɛ, Felisə ə nɛɛ gaho ŋą yɛ li.»

Gɛlaɠaa 12:6

Ɲələi ŋɛ̨i Herodə ə kɛi pa giti teei la, nu kəlee ɲɛ̨i ɓa, mąąyíi yələ, Piɛrə ə kɛ laa ni holahi hveelɛ lɔwai yɛ yíi ɲilɛɛ a yɔwɔn veelɛ, gaho pɛlɛ́ mɛ̨ikaa nuą kəlee tɔɔ di tɔɔi bɛlɛ́ laa ləi, diɛ nąą mąąkpɛ.

Ɉaan 5:34

Nwɛ́i, mą́ą́ kpaan və nu ta nwɔ kɛla hvaa ɓa, kɛlaa, gáá mɛ̨nįɠaai tii ɓoi kaa, əgɛ, ka nwun mąą ə ɓo.

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Tɔɔɓɛlaa veelɛ 5:3

Yələ ta, nɛ̨ɛ̨non tii yɛ neenɛ̨ą ɓa: «Ŋį́ mo kɛ néénɛ̨ą a pɛli lii Yálá kwəi mɛ̨nį hukulɔ mun ŋɛ̨i Samari daai, ə həli mąi, a pɛli mą kɛ ə malo, ə gulɔ volóɲɔ̨n tii yəi.»

Lonon mo 11:29

Moisə yɛ Ɉosue ɓa: «A kɛ tii ə́ kaa mą́ą́ toló kulɔi? Ə li kɛ mun, Yai-Laa a hvaa mą, ə nwɔ Kilii tɛɛ nwɔ nu kpului ŋɛ̨i kəlee pɔ, gəlee di kɛ a Yálá kwəi mɛ̨nį hukulɔ nuą!»

Lɛɛ gbɔwɔ ɓa 16:3

Israɛlə lonnii diɛ diɛ: «Yai-Laa ə li kpɛli kɛ ku paa Eziptə lɔi hu, ɓɛlɔwai ku kɛ la heeni ləɠiɠaa kwɛlɛ, naahvɛɛ a huwɔ, kuɔ kɔ̨nɔ̨n mįi a ku liiɓa! Ka pa a kuɔ nɔi pun ŋɛ̨i hu, nu kpului ŋɛ̨i kəlee haa mɛ̨nį ɓa a pulu!»

Ɉeremi 38:20

Ɉeremi yɛ mą: «Di hva ə́ tɛɛ di pɔ, Yai-Laa woo mɛ̨n; ya ka ŋɛ̨i, gáá moi yɛ́, yá mɛ̨n, ɉu a nɛ̨ɛ̨ yɛ́, ə́ wɔ yɛnɛ̨ɛ̨ a lɛɛ ə́ yəi.