Gɛlaɠaa 26:24 - Yálá laawoo hɛɓɛ (dc)

²⁴ Polə ə lɛɛ lɔ nwoo hukulɔi, Fɛstusə ə bələ hon na, ə tomą kpɔ a nwoo kɛnɛ̨, yɛ mą: «Polə, ɓowo ɓə yáá mo? Nakwəli kɛnɛ̨i ŋɛ̨i ə́ gɛi, yɛ ə ə́ ɓowo?»

Yálá laawoo hɛɓɛ

²⁴ Polə ə lɛɛ lɔ nwoo hukulɔi, Fɛstusə ə bələ hon na, ə tomą kpɔ a nwoo kɛnɛ̨, yɛ mą: «Polə, ɓowo ɓə yáá mo? Nakwəli kɛnɛ̨i ŋɛ̨i ə́ gɛi, yɛ ə ə́ ɓowo?»

Bible

²⁴ Tãi Pɔ̂ɔ è kpɛ̀ɛ la a gbîŋ maa kɔ̃ɔ̂i, Fɛtɔ è mò mà a ŋ̀óo su kɛ́tɛ, ǹyɛɛi, “Pɔ̂ɔ, íŋuŋ su káa nyɔ̃ɔ. Kɔlɔ támaa kɔ́lɔŋɔɔ káa a íŋuŋ su kɛ̂i nyɔ̃ɔ.”

Gɛlaɠaa 26:24 Referans Kwoze

Korɛntə dɔlɔɔ 1:23

kɛlaa ku wɛi, Ɓalomun di gbanwo kolɔwa ɓa, ya ɓə ku kaa mąą mɛ̨nį laa həlii, yai a nu kɔwɔ tuwɔ kwɛnį Ɉuifəɠaa diɛ, yɛ ɓo a ɓowo mɛ̨nį huwu takpɛliɠaa ɲɛ̨i ɓa.

Korɛntə veelɛ 5:13

Akɛ ɓowo hvaa ɓə ku mo, ku mo Yálá ɓa. Kɛlaa, akɛ kilimąą woo ɓə, akɛtii, ká mąą mɛ̨nį ɓə.

Korɛntə dɔlɔɔ 4:10

Ku kaa a ɓowo nuą Kristə mąą mɛ̨nį ɓa, kaa ɓo a kilimąą nuą Kristə hu. Ku hvįikpɛɛi, ká huwalawalai, da ká mąąwiɛ, diɛ ku ɓɛlɛ too.

Markə 3:21

Yii kɛa ɲei bɛlɛ́n nuą di mąą mɛ̨nį bələ mɛ̨n, di hvilɛn bulu, əgɛ, di ɉon də li la bɛlɛ́ laaləi. Mąąhɔlɔɓo, di kɛi kɛ diɛ: «Ɉu aa pu mą.»

Gɛlaɠaa 26:11

Ŋį́ kɛli lia tɛɛ Yálá hvɛli pɛlɛ́ɠaa kəlee mu, gɛ́ di laa nɔ̨nwɔ̨ ɓo a pələi lɔpee, gɛ́ hee di hu, gɛ́ kɛ, di Yálá ɓɛlɛtoo woo ɓo; gbɔ́lu pələ di la, ŋą́ kɛli kpɔ hvilɛn di pulu nwɛ̨ą taaɠaa hu.»

Ɉeremi 29:26

«Yai-Laa ɓə ə́ hee a ɉaláá laa həli mun a Yehoyada mąąhvalin, a haláá laa həli mun yai Yálá hee pɛlɛ́ mąą mɛ̨nį kaa nwuɔ̨; da nuą lɔpee mɛ̨nį kulɔi di nwun ɉu, diɛ yɛ mo, yɛ gbɔwɔ kɛ a Yálá kwəi mɛ̨nį hukulɔ mun. Mąą nɛ̨ɛ̨ ə́ di too kpɔ̨nɔ̨ ŋą, ə́ di kɛlɛ.

Tɔɔɓɛlaa veelɛ 9:11

Ɉehu ə kulɔ ə li tɔɔmun nwɔ tínuąi pɔ, yiliɠaa diɛ mą: «Gu mɛ̨n nąą bələ! Lə mɛ̨nį ɓə mowomun ə paa la ə́ pɔ?» Ɉehu yɛ diɛ: «Kaa kpinįi ka nui kɔ́lɔn, da nwoo tɔ̨nɔ̨i lɔ gaa na!»

Gɛlaɠaa 17:32

Yii lɔ Polə ə nu nwun mɛ̨nį yɛ kulɔ haaɓɛlaa lɔwai mɛ̨nį ɓo, di taɠaa di kɛli yɛlɛ mą; daɠaa diɛ kɛ: «Ku kaa pai ku wəli tɔɔi ə́ woo ɓa a yələ takpɛli.»

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Gɛlaɠaa 24:25

Kɛlaa, yii kɛa nono woo ə hvilɛn, tələnmo yíí ɓa, da nu kpɔwɔ huhon mɛ̨nį, ɛlɛɛ, gitii gaa nuą tɔwɔ; Felisə ə ɲɔw, yɛ mą: «'Li kɛa, gáá pai ə́ təlii a yələ takpɛli.»

Gɛlaɠaa 22:1

«Ną́n nonnii da ną́nni, ka ká wəli tɔɔ, mɛ̨nįi gaa ná yiihu gɛ́ gbɔ́ɔ́ mąąkɔ̨nwɔ̨ la, ká mɛ̨n.»

Ɉaan 8:52

Ɉuifəɠaa diɛ mą: «Kwaa gɔlɔn kuɔ diɛ: ɲį́nɛ̨n gaa ə́ pulu. Abrahamə aa haa, Yálá kwəi mɛ̨nį hukulɔ nuą diɛ kpɛli daa haa; yili ɓə ya kɛ diɛ: ‹Nui a nwóó hon hva haa kɔ́lɔn a yələ ta!›

Ɉaan 8:48

Ɉuifəɠaa di nwoo pulu pənə, diɛ mą: «Akɛ tii, tɛ̨ą kaa ku pɔ, kuɔ kɛ yɛ: Samari mun mąą a yɛ́, ɛlɛɛ, ɲį́nɛ̨n gaa ə́ pulu.»

Ɉaan 7:15

Ɉuifəɠaa kwəi ə pili diɛ, diɛ kɛ di kee ɓa: «Nui ŋɛ̨i ə Ɉɛɓɛ́ kɔ́lɔn bələ kɛ ləi, yai hvo lakwəli kɛ li?»

Gɛlaɠaa 24:27

Kwɛlan veelɛ kulaa ɉu, Porsiusə Fɛstusə ɓə Felisə mąąhvalin nɔi nwun nąmu laa hu. Kɛlaa kɛi Felisə ə mo bɔ ə Ɉuifəɠaa lii hon, ya ɓə gɛ, ə Polə lɛɛ gaho ŋą.

Timote veelɛ 3:15

Ə həɠə ə́ lokolo yələ ɓa ə həli yiihu ɓa, ə́ ɉɛɓɛ́ mąąhəɠɛɛ hu wooɠaa kɔ́lɔn, da pɛli di kili tɛɛ ə́ pɔ, yai a nu lɔ nwun mąąɓo laa hu a nu laa Jesus Kristə la.