Gɛlaɠaa 26:19 - Yálá laawoo hɛɓɛ (dc)

¹⁹ «Tɔɔmun Agripa! Yili ɓə gɛ, gwɛlɛɛn gɛɛ ti ŋį́ gaa yɛ həɠə yələi pələ, və́ nwún gulɔ mu.

Yálá laawoo hɛɓɛ

¹⁹ «Tɔɔmun Agripa! Yili ɓə gɛ, gwɛlɛɛn gɛɛ ti ŋį́ gaa yɛ həɠə yələi pələ, və́ nwún gulɔ mu.

Bible

¹⁹ “Mɛni ma, Gâloŋ Agulepa, fe zĩ̂ai ti su-wooi píli ni.

Gɛlaɠaa 26:19 Referans Kwoze

Azaya 50:5

Nąmu Yai-Laa, ə nwə́li wolo laa ɓo, ɛlɛɛ ɲą́ą́n və́ gwɛli tee ɲəi, və́ bulu tɔɔ mą.

Galatə 1:16

ə Non nɛ mą́ą́, ə gɛ, ŋį́ mąą wɛlɛɛ lɛlɛɛ laa həli huwu takpɛliɠaa diɛ, və́ nwún dɔɔ a nui lɔpee ta;

Ɉeremi 20:9

Ŋą́ tɔɔ gɛ́ kɛ diɛ: «Vá kɛa náá tunwɔ̨n mą, vá kɛa mɛ̨nį ta ɓo naa hu.» Ŋą́ gɛ tii, yaamun, a hee ɉú pələ yɛ nwɔ̨n gbəɠiɛ, gánan ŋąą gɔ́w hu. Ŋą́ tɔɔ kpɔ a nwą́nąąi, gɛ́ kɛ ŋį́ ɉu hon, Kɛlaa vá pɛli mą.

Zôna 1:3

Ɉonasə ə pu, ə tɛɛ yɛ li Tarsisə daai pələ, ə gɛ, ə now Yai-Laa ɓa. Ɉonasə ə li Ɉafa daai, ə kələn da kaa laa gɛ pələ pɛliɛ kɛa yɛ li Tarsisə daai pələ. Ɉonasə ə gələn ɉala tɛɛ, ə tɛ diɛ li, ə gɛ ə now Yai-Laa ɓa.

Izikiɛ 3:14

Yálá nwɔ Kilii ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

Gɛlaɠaa 26:2

«Mɛ̨nį tamąąɠaai kpɔ Ɉuifəɠaa daa ɉee nwúɔ, Tɔɔmun Agripa, gwə́inɛ̨ɛ̨i háákələi, gɛ́ pɛli də́lənmoi mɛ̨nįɠaa ti hu, ə́ lii la.

Azaya 6:8

Ŋą́ Ną́mu woo mɛ̨n, yɛ kɛ diɛ: «Gbɛɛ ɓə ŋą́ dí? Gbɛɛ ɓə pai kɛi a nwɔ́ wɛlɛɛ ɓomun?» Gɛ́ mą: «Ɲą́ą́ ɓə, 'dí!»

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Izikiɛ 12:7

Ŋą́ gɛ yɛ bələi di mo la mą́ą́, ŋą́ díɛ̨ kulɔ hvóló ŋą; yɛ nui di kaa líí la luwɔlaa hu, nwɔ tiɛ̨. Ɛlɛɛ, ŋą́ wolo ɓɔ ɉį́i hu a ɲéé yələ wilii pɔ; kpinį pɛlɛɛ kɛa, ŋą́ nwɔ́ tiɛ̨ɠaai kulɔ ŋą́ di laa gálan ŋą, ɲą́ą́ dɔ̨nɔ̨, di ɲɛ̨i ɓa.