Gɛlaɠaa 26:11 - Yálá laawoo hɛɓɛ (dc)

¹¹ Ŋį́ kɛli lia tɛɛ Yálá hvɛli pɛlɛ́ɠaa kəlee mu, gɛ́ di laa nɔ̨nwɔ̨ ɓo a pələi lɔpee, gɛ́ hee di hu, gɛ́ kɛ, di Yálá ɓɛlɛtoo woo ɓo; gbɔ́lu pələ di la, ŋą́ kɛli kpɔ hvilɛn di pulu nwɛ̨ą taaɠaa hu.»

Yálá laawoo hɛɓɛ

¹¹ Ŋį́ kɛli lia tɛɛ Yálá hvɛli pɛlɛ́ɠaa kəlee mu, gɛ́ di laa nɔ̨nwɔ̨ ɓo a pələi lɔpee, gɛ́ hee di hu, gɛ́ kɛ, di Yálá ɓɛlɛtoo woo ɓo; gbɔ́lu pələ di la, ŋą́ kɛli kpɔ hvilɛn di pulu nwɛ̨ą taaɠaa hu.»

Bible

¹¹ Ŋá tɔ̂ŋ kpɛ̀ dîa Ŋ̀âla-fɛli kêre-ŋai kélee mu a tãi támaa, ŋa díkɛ dí tɛ-ŋɛi kɛ́; berei ńii ŋwánai kɛ̀ la dîa kpɔ́ a dámaai, ŋá díkpɔ̀ara máŋ taa da kpɛni-ŋa su.

Gɛlaɠaa 26:11 Referans Kwoze

Gɛlaɠaa 22:19

Ŋą́ nwoo ɲąąpənə gɛ́ mą: ‹Ną́mu, di kili kaa ɉu diɛ: ŋį́ kɛli lɔ Yálá hvɛli pɛlɛ́ɠaa mu, nuąi kɛi laa ə́ la, gɛ́ di hon, gɛ́ di kɛlɛ, gɛ́ daɠaa too gaho ŋą.

Gɛlaɠaa 13:45

Yii kɛa Ɉuifəɠaa di nu kpului ti kaa, di kɛli hvɛɛ a lííholi, diɛ Polə laa hɛatoo, diɛ nalan.

Maafîu 10:17

'Ka ka mɛ̨i kaa, nuą mąą mɛ̨nį ɓa. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; diɛ ka kɛ́lɛ́ a hvaɠa di wɔ Yálá hvɛli pɛlɛ́ɠaa mu.

Gɛlaɠaa 22:5

Galanɉonŋaa da di wɔ ɉaláá laa həli mun gɛnɛ̨ɛ̨, da pɛli di yili dɛ̨ą ɓo. Diɛi ti ɓə hɛɓɛ́ tɛɛ bɔ́, diɛ ŋą́ li Damasə, ku nąn nonnii di kaa laa, ŋą́ di yili ŋį́ pa a diɛ Ɉerusalɛmə, di hutɔɔ mɛ̨nį ɓa.»

Gɛlaɠaa 9:1

Solə yee ə kɛ lɔ gu Ną́mu nwɔ kalan nɛai hu taɠa mɛ̨nį, da di paa mɛ̨nį hu. Ə li,

Piɛrə veelɛ 2:16

Kɛlaa, nwɔ woo tee ŋą laa mąą mɛ̨nį ɓa, hoohvaalən yii hva hvaa, ə nu woo ɓo, ə gɛ, ə Balaamə nwɔ ɓowo mɛ̨nįi ti kpəla bələi.

Zĩi 2:7

Kɛlɛi diɛ lɔ ɓə da kɛ, Naa lɛlɛɛ ká kɛ vɛlii, mąą kun ɲɔ̨n vaa ɓoi-e?

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Lukə 21:12

«Kɛlaa, gɛɛ yili kəlee ə kɛ, di kaa pai kɛi ka hon ɉii diɛ ka ɓɛlɛkpɛɛ kaa, diɛ ka kiti tee di wɔ Yálá hvɛli pɛlɛ́ɠaa mu, diɛ ka too gaho ŋą. Di kaa pai kɛi lii a kaa nwun nąmįną da ɲɛ̨itɔwɔ nuą lííla, náá mąą mɛ̨nį ɓa.

Lukə 15:17

Hvóló ta, ə hee, ə giliŋąhiɛ, yɛ mą: ‹Kóló kɛ nuą tamąą kaa ną́n ɲəi bɛlɛ́n, diɛ kɔ̨nɔ̨n mį́į́ diɛ gbəli lɛɛ! Kɛlaa, ɲą́ą́ mun, gɛ́ ɓo ɓɛ, gɛ́ haa a pulu!

Lukə 6:11

Nuą tii kɛ laa, gəlee líí ə holi kpɔ kɛnɛ̨, diɛ di kee ni mąąni kɛ diɛ kɛ mą: «Lə ɓə gwa pɛli gu gɛ a Jesus ŋɛ̨i?»

Markə 13:9

«Kɛlaa, ka ka kpɔwɔ mɛ̨i kaa a nɛlɛɛ. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; di wɔ Yálá hvɛli pɛlɛ́ɠaa mu diɛ ka kɛ́lɛ́, diɛ li a kaa nwun nąmįną da tɔɔɓɛlaa lííla ɲą́ą́ mą́ą́ mɛ̨nį ɓa. Yili kaa pai kɛi diɛ a mąą kɛlahvaa ɓoɔ.

Markə 3:28

«A tɛ̨ą kpɔ-kpɔ gáá moi kaa, nɛ̨ŋɛ̨nŋąąi nuą da gɛ, ə mą kɛ Yálá ɓɛlɛ too mąą wooɠaai da mo, da pɛli di mąąhvaalɛɛ hɔlɔɓo;

Ikilisiati 9:3

Mɛ̨nį ɲąąnwąnąąi gaa lɔi mɛ̨i, ya ɓaa: hɛn gəlee ŋąąkpɛɛi kɛ mɛ̨nį tanɔ̨n. Nuąi da di kpɔwɔ lɔ mɛ̨nį ɲɔ̨n gɛɛ hu, ɛlɛɛ, di liiɓa yɛ ɓo a kilikpɛɛgwəi túwɔ́ ɓoɔ, yii lɔ a lɛɛ nąą pulu, ya lɔ ɓaa a haa.

Mąątɛ̨nɛ̨ 102:8

Gɛ́ yiikpəlin ɉəɠə, gɛ́ nwóó laa, yɛ nwɛ̨ni a kɛ dɔ̨nɔ̨ kɔn ɉu, pɛlɛ́ kɔ́nma.