Gɛlaɠaa 26:1 - Yálá laawoo hɛɓɛ (dc)

¹ Agripa yɛ Polə ɓa: «Mąąlaa kaa ə́ yəi, yɛ pɛli ə́ nwun mąąkɔ̨nwɔ̨i.» Polə ə ɲee haŋą, yɛ kɛa nwoo hukulɔ, yɛ kɛ:

Yálá laawoo hɛɓɛ

¹ Agripa yɛ Polə ɓa: «Mąąlaa kaa ə́ yəi, yɛ pɛli ə́ nwun mąąkɔ̨nwɔ̨i.» Polə ə ɲee haŋą, yɛ kɛa nwoo hukulɔ, yɛ kɛ:

Bible

¹ Nya ƃe Agulepa e mò Pɔ̂ɔ ma, ǹyɛɛi, “Ya pɔ̂ri nâa lônoi íkpîŋ mɛni ma.” Nya ƃe Pɔ̂ɔ e ǹyée sâa gɛ nâa gbîŋ maa kɔ̃ɔ, ǹyɛɛi:

Gɛlaɠaa 26:1 Referans Kwoze

Gɛlaɠaa 9:15

Kɛlaa, gu Ną́mu yɛ mą: «'Li, mąąhɔlɔɓo, ŋą́ą́ ɉəɠə ɉu a níiɓa, a nwɔ́ kóló kɛ hɛn, yɛ pɛli náá mąą kɛla hvaaɓoi huwu takpɛliɠaa da tɔɔɓɛlaa diɛ, ə mą kɛ, Israɛlə lonnii.

Gɛlaɠaa 26:2

«Mɛ̨nį tamąąɠaai kpɔ Ɉuifəɠaa daa ɉee nwúɔ, Tɔɔmun Agripa, gwə́inɛ̨ɛ̨i háákələi, gɛ́ pɛli də́lənmoi mɛ̨nįɠaa ti hu, ə́ lii la.

Ɉaan 7:51

«Gu wɔ tɔ́n a mɔ̨ɔ̨ pɛli nu ta kiti teei, yii di hvo nwoo mɛ̨n ni, di hvo ɉɔn gaa.»

Hanwon 1:24

Yii kpɔ ŋą́ą́ ka təli, kaa diɛ kpaa, ŋą́ą́ ɲéé haŋąn nu ta hvo ɉon ni,

Lomaŋ 10:21

Kɛlaa, yii hvilɛn na Israɛlə lonnii diɛ: «Yálá yɛ: ‹Yələ kəlee, nuąi kɛ di kwɛli təɛ, diɛ kulɔ nwóó mu, diɛ ɓə ɲee haŋąa kɛ di pɔ pələ.›»

Gɛlaɠaa 25:16

Ŋą́ di woo ŋąapənə, gɛ́ diɛ: Romə nuą yíi pələ hvaa, di kiti kala nu ɓa, yii da galamąɓo nuą di hvo di woo hukulɔ li; ɛlɛɛ, hvo kɛli mąą nu a pɛli gbɔwɔ nwun mąąkɔ̨nwɔ̨i mɛ̨nįɠaai di kaa bɛlɛi nwuɔ di yəi.

Gɛlaɠaa 22:1

«Ną́n nonnii da ną́nni, ka ká wəli tɔɔ, mɛ̨nįi gaa ná yiihu gɛ́ gbɔ́ɔ́ mąąkɔ̨nwɔ̨ la, ká mɛ̨n.»

Hanwon 18:17

Mɛ̨nį too tɔwɔmun, a kɛ yɛ tɛ̨ą a kɛ bɔ, gɔ́ yɔwɔ a pa, ə ɉɔn mo.

Hanwon 18:13

Nui hva nwəli tɔɔ nu woo ɓa, yɛ mɛ̨nį hutoo, ɓowo mɛ̨nį kɛnɛ̨ li, mąą nu a nwumɛ̨ tɛ a gbɔwɔ.

Izikiɛ 16:27

Yili ɓə gɛ ŋą́ ɲéé pɛlɛ yɛ́, ə́ kɔ̨nɔ̨n ə kpɛɛ, ŋą́ ə́ tɛɛ ə́ yowoɠaai di kaa a Filisti nɛ̨ɛ̨lɛa di pɔ, diɛi tii ə́ wɔ túwɔ pələ ɲɔ̨n tii aa kɛ nwumɛ̨ hee di ɲɛ̨i.

Mąątɛ̨nɛ̨ 119:46

Gáá pai kɛi ə́ wɔ tiɓoɠaai hukulɔi tɔɔɓɛlaa ɲɛ̨i ɓa, hvə́ pai nwumɛ̨i yili kɛi.

Gɛlaɠaa 25:27

Mąąhɔlɔɓo, ɓowo mɛ̨nį ɓaa, nu ya gaho nąmu tɛɛ, hva pɛli ɉɔn nɛi.»