Gɛlaɠaa 24:5 - Yálá laawoo hɛɓɛ (dc)

⁵ Kwaa gaa kuɔ ɉulɔnui ŋɛ̨i kaa a lɔi kala ɲɔ̨n gbɔkpɔɔ, Ɉuifəɠaai kpɔ yɛnɛ̨ɛ̨ nąą kəlee a di ɲąą hee di kee ɓa. Nuąi da kɛ diɛ: Nazarɛtə lɛɛ kalan gɛ nuą, di nwun nąmu ta li.

Yálá laawoo hɛɓɛ

⁵ Kwaa gaa kuɔ ɉulɔnui ŋɛ̨i kaa a lɔi kala ɲɔ̨n gbɔkpɔɔ, Ɉuifəɠaai kpɔ yɛnɛ̨ɛ̨ nąą kəlee a di ɲąą hee di kee ɓa. Nuąi da kɛ diɛ: Nazarɛtə lɛɛ kalan gɛ nuą, di nwun nąmu ta li.

Bible

⁵ Kpɛ́ni fêi, kwa nalôŋ ŋí káa a mɛni-kɔri-nuu da núu líi su-kara-nuu Zûu-ŋai kélee sama ǹɔii su gwaa kélee. Gáa ŋɔ́nɔ a Nâzarɛ lɛɛ-mɛni lɛ-nuu-kpului tuɛ-nuu.

Gɛlaɠaa 24:5 Referans Kwoze

Gɛlaɠaa 28:22

Kɛlaa, yii ə́ kwəi, ku kaa bɔ ku mɛ̨n ə́ la. Mąąhɔlɔɓo, ə́ wɔɔ kpɔn tii nwɛi, da mąą hɛatoo kɛɛnąą lɔpee gəlee ɓa.»

Gɛlaɠaa 24:14

Kɛlaa, yii gíli kaa ɉu, ya ka: Gáá ku nąnni di wɔɔ Yálá ŋą kóló ɓa, yɛ bələi Gbaalə nįnɛ̨i ŋɛ̨i a mo la, yai di wɛi, di kaa gaai a: Lɛɛ kpaalə. Mɛ̨nįɠaa kpɔ dɔn ɉɛɓɛ́ hu da yiiɠaai kpɔ Yálá kwəi mɛ̨nį hukulɔ nuą di bɛ̨ɛ̨, náái gəlee la.

Gɛlaɠaa 26:5

Di gɔ́lɔn gbɔ a ɉu kwɛa, ɛlɛɛ, da kɛ bɔ, da pɛli di mą́ą́ mɛ̨nį kɛla hvaaɓo, diɛ ŋą́ nwɔ́ yɛnɛ̨ɛ̨ kɛ a nuąi da ku wɔɔ kalan mɛ̨nįi mąą yɛlɛkɛ, nu kəlee ɓa, di wɔɔ pələi mɛ̨i, Farisiɛ̨ laa hu.

Gɛlaɠaa 15:5

Kɛlaa, galan nɛa taɠaa, di gbɛa kɛ a Farisiɛ̨ɠaa, di həɠə di tɔɔ, diɛ mą: «Hvo kɛli da nu yiiɠaa ti hee kɛ́nɛ̨ ɓa, ɛlɛɛ, di Moisə nwɔ tɔ́n ɉɛɓɛ́ pɔ yíi ɓo.»

Korɛntə dɔlɔɔ 4:13

Da ku laa kala, kuɔ di liilaa, gwa mo kpɔ tii, ku kaa kpɔ háá ɓa háá, a hɛn da bili túlún ŋą, yɛnɛ̨ɛ̨ nu kan gəlee ɲɛ̨i ɓa.

Gɛlaɠaa 21:28

Di kɛi tomą diɛ kɛ mą: «Israɛlə nuą, ka lɛɠɛ kuɔ! Nui ŋɛ̨i aa kɔ́ pɛlɛ gu huwu ɓa, aa bɛlɛ dɔn ɉɛɓɛ́ ɓa, da Gɛɛnąą mąąhəɠɛɛ ŋɛ̨i, a nwɔ kalan a kɛ lia gɛ nu kəlee ɓa, kɛɛnąą kəlee. Aa tɔɔ kpɔ hɔlɔɔmun Grɛkəɠaa tɔwɔ, yɛ lɔ a diɛ Yálá hee pɛlɛ́ mu, ɛlɛɛ, yɛ gɛɛnąą ŋɛ̨i kɔ́hɔɓo la.»

Gɛlaɠaa 5:17

Ɉaláá laa həli mun gɛnɛ̨ da ɲee pɔ nuą; diɛ ɓaa: Sadusiɛ̨ɠaa, ɓɛlɔwai di yili kaa la ti, di líí ə holi kpɔ kɛnɛ̨ gɛlaɠaa pɔ.

Lukə 23:2

Di həliɛ, diɛ kɛa lɛɛ tamąą kɛ a nąą, diɛ kɛ mą: «Nui ŋɛ̨i, ku gaa yɛ nɔi nuą kwɛitee, yɛ kɛ diɛ: ‹Ka hvo nįįhɔ̨nwɔ̨ kulɔ Sesarə ɓa.› Ə lɛɛ, yɛ kɛ diɛ: ‹Yaa ɓə gaa a Nwun mąąɓomun Yálá ə naakwɛlanmo, yɛ ɓo nwɔ̨nɔ̨ a tɔɔmun.›»

Piɛrə dɔlɔɔ 2:19

Mąąhɔlɔɓo, mɛ̨nį lɛlɛɛ ɓaa, nu ə niikpələ hvulu mɔ̨nɔ̨ mu Yálá mąą mɛ̨nį ɓa.

Korɛntə dɔlɔɔ 11:19

Hvo kɛli kpɔ yili ə kɛ tii, ə gɛ, gu pɛli huwalawala nuą kɔlɔn ɉii ká lɔwai ɲąąhɛn mɛ̨nįɠaa hu.

Gɛlaɠaa 22:22

Ɉuifəɠaa wəli tɔɔ kɛ Polə woo ɓa, ə lɛɛ ɉu, ə həli nwooɠaa tii ɓa, nuąi kɛli nwoo mɛ̨n di tómą, diɛ kɛ: Nu ɲɔ̨nwɔ̨mą taaləi ŋɛ̨i, mąąnɛ̨ɛ̨ ə həɠə lɔi mɛ̨i, mąą hvo nɛ̨ɛ̨li hvo lɛɛ yɛnɛ̨ɛ̨.

Gɛlaɠaa 6:13

Di liɛ, di lɛɛ hvaa tamąą ɓo a Etiɛnə laa di kɛ mą: Nui ŋɛ̨i ka káá gaai, hvo ta kpəla li woo ɲɔ̨n moɔ ɓa a guɔ Yálá hee pɛlɛ́i laa da Moisə nwɔ tɔ́n laa.

Lukə 23:25

Nui ŋɛ̨i gwɛitee laa lɔ nuą hu, ə lɛɛ, ə nu paa, ə ɓo yili ɓa, mąąhɔlɔɓo, yili ɓə di hvɛli ma. Ə Jesus tɛɛ di pɔ, yɛ diɛ: ka li ka gɛ yɛ pələi ka káá la bɔ.

Lukə 23:19

Di Barabasə too gaho ŋą, mąąhɔlɔɓo, ə lɔ nuą hu di di kwɛitee daa lee hu, yili pulu, ə nu paa.

Lukə 23:5

Kɛlaa, di tómą kpɔ a di woo kɛnɛ̨, diɛ mą: «Kuɔ yɛ́, nwɔ kalan gɛ pələ ə kɛi nuą kwɛitee, ə gɔɠɔ tɔɔ kpɔ Galile lɔi hu, ə tɛɛ la Ɉude lɔi hu, ya ka aa pa aa həli la ɓɛ.»

Maafîu 10:25

Mąąnɛ̨ɛ̨ lɔ kalan non ə kɛ yɛ galamɔ̨ɔ̨. Luwɔ ə kɛ yɛ nuwɔ nąmu. Akɛ di kɛ pɛlɛ́ nąmu ɓa: Beɛlzebulə, gu hvo mun kɛ bɛlɛ́n nuą! Da di laa hee a ɲɔ̨nwɔ̨ɔ̨ ə tɛɛ la bɛlɛ nąmu ɓa.»

Maafîu 2:23

Ə li kɛa ə hee Nazarɛtə daai, ə gɛ, mɛ̨nį Yálá kwəi mɛ̨nį hukulɔ nuą di mo, naa ə hon; yai di mo, diɛ kɛ la mą: «Di kaa pai kɛi nokoloi tii ɓa Nazarɛtə mun.»

Amɔsə 7:10

Nąąlɔwai, Amasia ŋɛ̨i kɛ a haláá laa həli mun Betɛlə daai, ə wɛlɛɛ tɔɔ Israɛlə tɔɔmun Ɉeroboamə pɔ, yɛ mą: «Amɔsə kaa bɔ, ə ə́ wɔ tɔɔlaai kulɔ ə́ yəi Israɛlə lɔi hu, nɔi nuą kəlee di hvo kɛa pɛli di wəli tɔɔi nwoo ɓa.

Ɉeremi 38:4

Nɔi hu kóló kɛ nuą kpɛa kpɛa diɛ tɔɔmun ma: «Di nui ŋɛ̨i paa, mąąhɔlɔɓo, mɛ̨nįɠaai gaa lia mo, gaa daa mąą kɔ̨nwɔ̨ nuą yiiɠaai daa lɛɛ, gaa di yeehu haai, ə mą kɛ nɔi lonnii. Ɉulɔnui ŋɛ̨i hvo nɔi lonnii di wɔ nwun na nɛ̨ɛ̨ pɔ, hvo kɛli di wɔ nwun na pili.»

Ɉeremi 37:13

Ɉəliɛ Bɛnɉamɛn nwɔ kpon ma, ə nɔi kóló kɛ mun da kaa laa, diɛ kɛ mą: Yiriya, yai kɛ a Selemia lon, Hanania nwɔ lon. Yili ə Ɉeremi tɔɔ, yɛ mą: «Ə́ kaa bɔ ə́ tɛɛ Kalde nuą pɔ pələ ka ŋɛ̨i!»

Markə 1:24

«Lə ɓə ə́ kaa bɔ ə́ gɛ a kuɔ, Jesus Nazarɛtə mun? Ə kaa bɔ ə́ ku nwun napili? Ŋą ə kɔ́lɔn, gɛ́: Ə́ kaa a Yálá nwɔ nu mąąhəɠɛɛ.»

Gɛlaɠaa 24:4

Kɛlaa yaamun, və́ bɔ və́ ə́ hvįikpɛɛ. Mɛ̨nįi gɛ́ ŋį́ mo, hvo kwɛa li; Gáá ɉu hvɛlii ə́ wɔ wɛlikɛmąąlaa ɓa, ə́ ə́ wəli tɔɔ kuɔ yɛ bələi yá gɛ la a bɔlɔ.

Gɛlaɠaa 25:7

Ɓɛlɔwai ŋɛ̨i di paa la a Polə, Ɉuifəɠaa ti həɠə Ɉerusalɛmə diɛ pa, di Polə mąą tinɛ̨n, di mɛ̨nį tamąą ɓo a naa, yii kɛ diɛ kpinįi di hva pɛli dɛ̨ą ɓoi.