Gɛlaɠaa 24:25 - Yálá laawoo hɛɓɛ (dc)

²⁵ Kɛlaa, yii kɛa nono woo ə hvilɛn, tələnmo yíí ɓa, da nu kpɔwɔ huhon mɛ̨nį, ɛlɛɛ, gitii gaa nuą tɔwɔ; Felisə ə ɲɔw, yɛ mą: «'Li kɛa, gáá pai ə́ təlii a yələ takpɛli.»

Yálá laawoo hɛɓɛ

²⁵ Kɛlaa, yii kɛa nono woo ə hvilɛn, tələnmo yíí ɓa, da nu kpɔwɔ huhon mɛ̨nį, ɛlɛɛ, gitii gaa nuą tɔwɔ; Felisə ə ɲɔw, yɛ mą: «'Li kɛa, gáá pai ə́ təlii a yələ takpɛli.»

Bible

²⁵ Pɔ̂ɔ kɛ́ɛ a lóno a pîlaŋ tɔ̃yâ laa-la ma, da nuu-kpiŋ mɛi-kaa ma, e pɛlɛ mɛni-ŋa-teɛɛi ma nyíi pâi pâi, Feli e yào, ǹyɛɛi, “Lí nâa; ŋà tãi kàa ŋa pâi ítolîi.”

Gɛlaɠaa 24:25 Referans Kwoze

Ɉaan 16:8

Ɓɛlɔwai gaa pai pai la, ya ɓə pai tɛ̨ą lɛi nuą diɛ, yii hvilɛn na nɛ̨ŋɛ̨n mɛ̨nį ɓa, yii hvilɛn na tələnmo mɛ̨nį ɓa da yii hvilɛn na Yálá nwɔ kitii ɓa.

Piɛrə dɔlɔɔ 3:15

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.

Piɛrə veelɛ 1:6

ka ka hvaŋąlɔ ka kpɔɔhon naa pɛlɛ ka wɔ mɛ̨nį kɔ́lɔn ŋąą ɓa, ka liikpələ pɛlɛ ka wɔ kpɔɔhon naa ɓa, ka Yálá kɔ́lɔn ŋąą pɛlɛ ka wɔ liikpələ ɓa;

Galatə 5:23

lii nɛ̨ɛ̨ gwəilaa, nu yee pɛliɛɛ gbɔwɔ ɓa, mɛ̨nįɠaai ti nwɛi, tɔ́n və tɔɔ li da ɓa.

Gɛlaɠaa 10:42

Ə vɛli kuɔ, yɛ ku mąą mɛ̨nį laa həli nɔi nuą diɛ, ɛlɛɛ, ku nɛ diɛ kuɔ diɛ yaa ɓə Yálá aa ɉəɠə ɉu, aa gɛ a nu hvulúmąąɠaa da haaɓɛlaa di kiti teemun.

Zɔ̂ŋ Maa-ŋuŋ 3:7

Nónnii pɛlɛɛɠaa, nui lɔpee ta hvo ká lan. Nui a tələnmo tuwɔ ɓo, dələnmoɔi, yɛ bələi yaa tii a Jesus dələnmoɔi la.

Zĩi 2:19

Ə́ laai na yɛ́ kɛ, Yálá kaa taanɔ̨n? Yáá gɛ a lɛlɛɛ. Ɲįnɛ̨nŋaa diɛ kpɛlimąn di laai lɔ ti na, ɛlɛɛ, yɛ di mąą kpɛlin.

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.

Hebreu 4:1

Yili ɓa tii, ɲɔw ə kɛ kani gu hu, hvo gaai, gu lɔ mɛ̨nį vįitɔɔ tii hu laakwɛlanmoɔi guɔ, ɲɔw ə kɛ kani gu hu, guɔ kɛ, nu ta hvo lɛɛ pulu, nąą mɛ̨nį hu.

Hebreu 3:13

Kɛlaa yaamun, ká ká keeni hvaŋąlɔ a yələɓɔ pələ tɛitɛi, yii kpɔ ni háákələi kaa ɉui, əgɛ, ká ta hvo pa gili walawala, nɛ̨ŋɛ̨n yɛ mowo.

Galatə 3:22

Kɛlaa, ɉɛɓɛ́ ə mo yɛ: Nu kəlee kaa nɛ̨ŋɛ̨n ŋą huwalawala yee mu, ə gɛ, nuąi da laa Jesus Kristə la, mɛ̨nįi Yálá ə naakwɛlanmo, di ɉɔlɔɓo.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Zɔ̂ŋ Maa-ŋuŋ 3:10

Mɛ̨nįi a Yálá lonnii da nąnį lonnii di lowai tɔɔ, ya ka: Nui lɔpee hva tələnmo laa kɛ Yálá nwɛi ta hvə li, ə mą kɛ, nui nwɔ̨nɔ̨, nąn non nwɛli hvo mą.

Timote veelɛ 4:1

Gáá ə́ mąąnɛ̨ɛ̨i Yálá ɲɛ̨i ɓa da Jesus Kristə ɲɛ̨i ɓa, yai pai nu hvulúɠaa da haaɓɛlaa kiti teei, gáá moi yɛ́, gu Nąmu pai lɔwai veelɛnąą, da ŋą tɔɔlaa mąą mɛ̨nį ɓa:

Korɛntə veelɛ 6:2

Hvo gaai, moɔi diɛ mą: «Ŋą́ ə́ woo mu hon, a mɛ̨inɛ̨ɛ̨ yələ, ŋą́ ə́ mąąkpɔnmąąɓo, a nwun mąąɓo yələ, ɲələ lɛlɛɛ ka kani aa həli.» Nuą ɓalo hvoló di vaaɓo, aa həli.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Gɛlaɠaa 24:15

Gílitɔɔi ɓə Yálá ɓa, diɛ kpɛlimąn gili tɔ̨nɔ̨i tii kaa lɔ di kwəi, ya ɓaa tələnmo nuą-o, wɛa nuą, di kaa pai pənəi di nwun.

Gɛlaɠaa 17:32

Yii lɔ Polə ə nu nwun mɛ̨nį yɛ kulɔ haaɓɛlaa lɔwai mɛ̨nį ɓo, di taɠaa di kɛli yɛlɛ mą; daɠaa diɛ kɛ: «Ku kaa pai ku wəli tɔɔi ə́ woo ɓa a yələ takpɛli.»

Gɛlaɠaa 17:2

Yɛ bələi Polə a gɛ la a bɔlɔ, ə li ə Ɉuifəɠaa kaa di wɔ Yálá hvɛli pɛlɛ́ mu. Hvįįtɔɔ yələ haaɓa yee mu, lɔ ti gee la, ə kɛli pələ ɓo diɛ, yɛ kulɔ Yálá lawoo hɛɓɛ́ hu.

Gɛlaɠaa 2:37

Nwooi ti mɛ̨n di mo, di kwəi ə pili diɛ, di Piɛrə da mɛlaa di mąąni kɛ diɛ mą: «Ku nąn nonnii, lə ɓə kani mąąnɛ̨ɛ̨ ku gɛ?»

Hebreu 6:2

nu mąąwaa mɛ̨nį mąą kalan, nu yee pɛlɛɛ nu nwuɔ̨, haaɓɛlaa nwun mɛ̨nį, da giti kpəli tee mɛ̨nį.

Egaa 1:2

«Yai-Laa Mɛ̨nį Kəlee ŋą Hééɓomun, yɛ diɛ: Nuą ŋɛ̨i kaa kɛi diɛ: Yai-Laa hee pɛlɛ́ tɔɔi lɔwai hvo ni həli li.»

Habakukə 3:16

Ŋą́ din tii mɛ̨n, ɉú ə pu mą́ą́ kpɔ kɛnɛ̨; nááwuluun yɛ kɛlɛ gee ɓa a ɲɔw, gɔ́lɔi kəlee ə haa, gɔ́wɔ́ɠaa diɛ kɛlɛ di kee hu. Ŋą́ hee lɔ tin, və́ hvaa, gɛ́ mąąwɛli hvólói tii mąą kpɔn, ə gɛ, nɔi ŋɛ̨i aa hee ku mɛ̨i, diɛ li pɛlɛi mą.

Amɔsə 6:12

Akɛti, hoo a mɔ̨ɔ̨ gilɛ həɠə kwɛni kpuwuluɠaa mɛ̨i? Akɛti da mɔ̨ɔ̨ pɛli kɛɛ hii a gboloyá ŋąą? Lə mɛ̨nį ɓa, ka mɛ̨nį haŋąą mąąhvalin a pilimąą? Ɛlɛɛ, kaa tɛ̨ą mąąhvalin a nɛ̨ŋɛ̨n naa?

Amɔsə 5:24

Kɛlaa, yii gáá bɔ, ya ɓaa: Mɛ̨nį haŋąą ə kɛ ka lɔwai, yɛ pələi ya lee a kɛ tɛɛi la. Tələnmolaa yɛ hiɛ ka lɔwai, yɛ ya ton yii hva kpala.

Osia 10:12

'Ka tələnmo kɛɛ hin, kaa pɛli liinɛ̨ɛ̨ gwəi mɔ̨nin deei, 'ka tíi nįnɛ̨ kɛ, yiihu, mąąnɛ̨ɛ̨ ka Yai-Laa kwɛli, ə gɛ, ə pa ə tələnmo tulɔ pu ka mɛ̨i.

Osia 10:4

Nuą kaa lɔ di woo kwɛlɛi, diɛ di kwɛla, ɛlɛɛ, diɛ mįnɛ towələ mį́i, a lɛɛ. Yiliɓa, bələi kpɔlɔ nu paa kala tiliin a ɓɔn na kɛɛ hinŋąą mɛ̨i, bələ kpɔlɔɔ ɓə di hutɔɔ mɛ̨nį kaa pai ɓɔn ɉii la kɛɛ kəlee.

Osia 7:5

Ku wɔ tɔɔmun nwɔ hvólói, nɔi ɲɛ̨itɔwɔ nuą, da di kpɔwɔ kɛ a ɲɔ̨n gɛ nuą, a lɔɔ laa pɔɔ, tɔɔmun aa ɲɛ̨i tinɛ̨n yɛlɛ kulɔɉu nuą pɔ pələ.

Danîa 12:2

Nuą tamąą daa haa, di kaa laani di kámą hu, di kaa pai di muhəɠəi, di kɛ a di hvulú. Daɠaa da di muhəɠə də li yɛnɛ̨ɛ̨ kpɛɛ hvo mą ɉu; daɠaa də li nwun napili hu, nwumɛ̨ hu yii hva kpɛɛ.

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Izikiɛ 45:9

Mɛ̨nį kəlee ŋą Hééɓomun Yálá woo ka, yɛ: «Aa tɛɛ ɲɛ̨n ɉu, Israɛlə ɲɛ̨itɔwɔ nuą, 'ká kpəla wea da toomɛ̨i kɛɛ ɓa; ka túwɔ a tɛ̨ą da tələnmolaa. Ka hvo kɛa hee nwɔ́ lɔi lonnii mɛ̨i, Mɛ̨nį kəlee ŋą Hééɓomun Yálái woo li.

Ɉeremi 23:29

Nwóó kaa yɛ nwɔ̨n, gaa yɛ madalan, a kwɛni wolo, Ɲą́ą́ Yai-Laa nwóó li!»

Azaya 61:8

Mąąhɔlɔɓo, ɲą́ą́ Yai-Laa, tɛ̨ą ɓə nwɛli kaa mą́ą́, nwuɔ̨, da kɛɛ kala mɛ̨nį wɛli hvo mą́ą́, gáá pai ka hvɛla kulɔi a tələnmolaa, kwa kaani guɔ yələ kəlee mįnɛ̨ həɠə.

Azaya 55:6

'Ka Yai-Laa kwɛli, ɓɛlɔwai, a gbɔwɔ lɛɛ laa diɛ gaa, 'ka dəli, ɓɛlɔwai, nɛɠɛɛi la kaa.

Azaya 41:21

Yai-Laa yɛ diɛ: 'Ka pa ka ka wɔ mɛ̨nįi too, Ɉakɔbə nwɔ tɔɔmun yɛ diɛ; 'ka pa ka ka woo hukulɔ.

Azaya 32:11

Ka mąą kaa pai kpɛlin, kaai ɲɛ̨i mɛ̨nį ta hva ka lii kulɔ kaa, ka nwun mini-mini ə yɛɛ a kaa, a kaa ŋɛ̨i kiliŋąhiɛ hvo kaai, ka ɉəɠəɠaa kulɔ kaa, ka ka kpuwuluɓo, ka həɠə kpulon ka niŋəi.

Azaya 16:5

Wɛlikɛmąąlaa a dɔɔkpəlin hee gbilin, ɛlɛɛ, Davidə yəi bɛlɛ́n, kiti tee mun ɉaŋąą kaa pai heei laa, yɛ tɛ̨ą hu kpɛ, ɲee mąąhulaa mɛ̨nį ɲɛ̨i kulɔi.»

Azaya 1:21

Ə kɛ pələ kɛ ləi yai, daai ŋɛ̨i kɛ nwoo pulu, mąą aa pənə a wɛlikɛ taa? Mąąwiɛ ə kɛ laa, mɛ̨nį haŋąą yɛ ɓo laa daai, tələnmolaa mąąkilɛ taa, Kɛlaa, yiihu kɛa, nu paa nuą daa lɛɛ a daa nąmįną.

Hebreu 12:21

Mɛ̨nįi ti kɛ laa, ɲɛ̨i kɛnɛ̨ pələ, Moisə yɛ diɛ: «Ɉú aa haa, mą́ą́ yɛ kpɛli.»

Lomaŋ 14:12

Yili ɓa, nu kəlee a tinąą di kwɛlanmo Yálá ɓa.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Lomaŋ 2:16

Yɛ bələi nwɛlɛɛ lɛlɛɛ ŋɛ̨i gáá naa həli gaa moi la, yɛ diɛ: Ɲələi Yálá kaa pai nuą túwɔ́ pələ loɔɠaa kiti teei la Jesus Kristə laa hu, ɲələi ti ɓə mɛ̨nį kəlee a too la ponoɲą.

Gɛlaɠaa 26:28

Agripa yɛ Polə ɓa: «Nąą wolo aa lɛɛ kpɔlɔ tikpə, yɛ ə́ gɛ́ a Kristalon.»

Gɛlaɠaa 17:13

Kɛlaa, yii lɔ Tesalonikə Ɉuifəɠaa di bələ mɛ̨n diɛ Polə kaa nwɔ̨nɔ̨ Yálá lawoo laa həli Bere, di pa laa, nuą muhəɠə mɛ̨nį ɓa, da di hu pu mɛ̨nį ɓa diɛ.

Gɛlaɠaa 9:6

Kɛlaa, 'Ə́ muhəɠə, 'tɛ taai, mɛ̨nįi mąąnɛ̨ɛ̨ ə́ gɛ, di kaa lii moi yɛ́.»

Maafîu 22:5

«Kɛlaa, nuąi tii di di təli, di hvo kpɛli di təli mɛ̨nį kaa a mɛ̨nį walawala, di kəlee di kɛi li di liiɓa kɛɛnąąɠaa ɓa: daɠaa diɛ li di yəi ɲɛa, daɠaa diɛ li lɔwɔ́tɔɔ ɓa.

Danîa 5:30

Gbini tɔ̨nɔ̨i tii hu, Kalde nuą di tɔɔmun Bɛlsasarə paa.

Ɉeremi 22:3

Yai-Laa yɛ ka mɛ̨nį ɓo a tɛ̨ą da tələnmolaa. Nui daa hee mɛ̨i, 'ká gulɔ ɲəi kɛ. Yɛ ə kɛ a nwɛ̨ą, yɛ ə kɛ a təlilon da kalanin, 'ká hvo hee da mɛ̨i, 'ká hvo da mɔ̨nɔ̨ɓo. 'Ká hvo kwəi kwələ mun ɲąmą pu gɛɛnąąi ŋɛ̨i ɓa.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Azaya 1:18

Yai-Laa yɛ diɛ: 'Ka pa, gu gu keeni woo ŋąą kaa, Akɛ ka kɛ nɛ̨ŋɛ̨n gbɔluɔ yɛ ɲąmą, a kwələ yɛ yeehunwɔ̨. Ka kɛ nɛ̨ŋɛ̨n a kɛ a gbɔluɔ mutɛɠiɛ, a kwələ yɛ wiɛ hunwɔ̨.

Ikilisiati 12:14

Yálá kaa tínąą nu kəlee da di kwɛlanmo Yálá ɓa; yii kpɔ hvilɛn na nu kɛ mɛ̨nįɠaa diɛ, ə kɛ a nɛlɛɛ, ə kɛ a ɲɔ̨nwɔ̨ɔ̨, ə mą kɛ, yiiɠaai di gɛ loo hu, da tínąą gəlee gwɛlanmo kɛ Yálá ɓa.

Ikilisiati 11:9

Yɛ́i a nunwunu, ə́ wɔ nunwunulaa ɲąąnɛ̨ɛ̨ kulɔ, ə́ ɲąąnɛ̨ɛ̨ kulɔ nąąlɔwai. Yii kpɔ a nɛ̨ɛ̨ yɛ́, gɛ. Yii yá gaa a nɛlɛɛ, yili kɛ. Kɛlaa, ə́ kili lɛɛ ɉu a nɛlɛɛ, yɛ́ kɛ: Yálá kaa pai ə́ kɛ mɛ̨nįɠaa tii kəlee kiti teei.

Ikilisiati 5:8

Yii viɛlaɓoɔ lɔi nuą diɛ, ya ɓaa: tɔɔmun da ə kɛ di yəi, yɛ tíi yɛa kóló ɓɛlɛ kɛ mą. Mąąhɔlɔɓo, yɛa kóló ɓə tɔɔmun gɔ̨nɔ̨n a kulɔ ɉu.

Hanwon 16:12

Nwąnąlɔ túwɔ́ wɛli kpɛɛi kpɔ tɔɔɓɛlaa diɛ kpɔ tɛ̨ɛ̨tɛ̨ɛ̨?. Mąąhɔlɔɓo, tɔɔlaa lamun ɉɛn maa tələnmolaa.

Mąątɛ̨nɛ̨ 119:120

Ŋą́ kɛ ə́ ɲɛ̨i ɓa, ɉúwɔ hu a kpɛlin, gɛ́ ɲɔ́w ə́ wɔ kiti wooɠaa diɛ.

Mąątɛ̨nɛ̨ 99:1

Yai-Laa kaa a Heeɓomun, yɛnɛ̨ɛ̨ nuą 'ka ɲɔw mą! Gaa heenin mąąkpɛ malakaɠaa nwun mɛ̨i pələ. Lɔi ə tɔɔ takpa takpa.

Mąątɛ̨nɛ̨ 72:2

Yɛ pɛli ə́ wɔ lɔi lonnii ɲąąwooɓoi la a tələnmolaa, ə mą kɛ mąąwɛli nuą, tɛ̨ą pələ mɛ̨i.

Mąątɛ̨nɛ̨ 45:7

Ee kə Yálá! Yɛ́i yɛ́ Heeɓolaa kpɛlai hvo mą, yɛ́ tɔɔ-hvilii, tələnmo hvili li!

Mąątɛ̨nɛ̨ 11:7

Mąąhɔlɔɓo, Yai-Laa tələnmoɔi, tələnmolaa wɛli kaa mą, ɛlɛɛ, tələnmo nuą diɛ ɲɛ̨ilai gaa.

Zôo 29:14

Tələnmolaa ɓə kɛ a mą́ą́yili həɠə, tɛ̨ą ə ɓo a nwúɔ ɓɔlɔ.

Ɛsdrasə 10:9

Voló haaɓai tii yee mu, Ɉuda nu huwu da Bɛnɉamɛn nwɛiɠaai di di ŋąąkpɔn Ɉerusalɛmə ɲąnin mɛ̨inąąn ną nwɔ hvóló pow hveelɛ yələ. Nɔi lonnii kəlee di kɛ tɔɔni Yai-Laa líílaa, diɛ kpɛlin, mɛ̨nį tii mąą mɛ̨nį ɓa, da dulɔ mɛ̨nį ɓa.

Ɛsdrasə 10:3

Gwa gu wɔ Yálái ni gu mįnɛ̨ həɠə yiihu, ku ku yee kulɔ nwɛ̨ą nɛ̨ąą kəlee hu da di lonnii, yɛ bələi yɛ́i a ku wɔ mɛ̨nį nąmu, ka nuąi kpɔ da ɲɔw gu wɔ Yálá nwɔ tíɓoi ɓa, ka ku liɛwoo kɛ la.

Tɔɔɓɛlaa veelɛ 22:19

yii kpɔ ə́ lii ə too pulu, ə́ ə́ mąą həɠə huɓɛla, yɛ́ wɔlɔ nííla, yili ɓa, ɲą́ą́ gbɛli mąn, ŋą́ą́ mɛ̨n, Yai-Laa nwóó li.

Tɔɔɓɛlaa dɔlɔɔ 21:27

Ɓɛlɔwai Akabə ə bələi tii mɛ̨n na, ə mąą həɠə huɓɛla, ə ɓíi haɠa too gwaną, ə hįn nɔ, yɛ yíi ɓíi haɠaɠaa mɛ̨i, yɛ mąąwɛli hiɛ ɓo.

Samia Veerɛi 23:3

Israɛlə nwɔ Yálá ɓə mo, Israɛlə nwɔ kwɛnii ɓə mo mą́ą́, yɛ mą́ą́: «Nui a tɔɔlaa kɛ nuą nwun mɛ̨i a tələnmolaa, yɛ ŋaawooɓo kɛ a Yálá nwɔ ɲɛ̨i ɲɔw maa laa, gɛ pələ kaa yɛ yələwala pɔ kɛɛ pɔ̨nɔ̨, ɓɛlɔwai hvóló a muhəɠə la,

Samuɛlə dɔlɔɔ 12:7

Ka tɔɔ kɛa yiihu Yai-Laa lííla, mɛ̨nįnɛɛɠaa ə di kɛ kaa, da ka nąn ni diɛ, gáá di hukulɔi ka ɲɛ̨i ɓa.

Gɛlaɠaa 24:26

Ə kɛ gwəi yɛ kɛ, Polə kaa pai kɛ wali tɛɛi bɔ, mɛ̨nįi ə kɛli dəli la kɛlɛ-kɛlɛ da yaa diɛ lono kɛ, yaa li.

Ɉeremi 36:16

Nwooɠaai tii mɛ̨n di mo, di kəlee di kwəi ə pili diɛ, diɛ di ɲɛ̨i hee di kee ɓa. Yili pulu, diɛ Barukə ɓa: «Ku kaa pai nwooɠaai ŋɛ̨i kəlee hukulɔi tɔɔmun ma.»

Taitɔ 1:8

Mąąnɛ̨ɛ̨i ə kɛ a, nui ɲɛ̨i ponoɔ nu kəlee tɔwɔ, mɛ̨nį lɛlɛɛ wɛli ə ɓo mą, ɲee pɛliɛ gbɔwɔ ɓa mɛ̨nį kəlee hu, ɉaŋąą, mąąhəɠɛɛ, bɛliɛ gbɔwɔ mu,