Gɛlaɠaa 24:17 - Yálá laawoo hɛɓɛ (dc)

¹⁷ «Gwɛlan damąą kulaa ɉu, ŋą pənə ŋį́ pa nwɔ́ nuąi pɔ a mɛ̨inɛ̨ɛ̨ wali da Yálá kɔ wali.

Yálá laawoo hɛɓɛ

¹⁷ «Gwɛlan damąą kulaa ɉu, ŋą pənə ŋį́ pa nwɔ́ nuąi pɔ a mɛ̨inɛ̨ɛ̨ wali da Yálá kɔ wali.

Bible

¹⁷ Kóraŋ kpɛ́-kpɛ̂ɛ tɛ̂ɛi pôlu ma ŋá pà a gɛ́ɛ ŋá sama-sɛŋ tɛɛ ŋálɔii-ŋuŋ pɔ́, ŋa sâla kula.

Gɛlaɠaa 24:17 Referans Kwoze

Galatə 2:10

Di kɛ lɔ kuɔ: 'Ká ká kili kɛ yeehvowolo nuą mąą mɛ̨nį hu, yaan yili kpɔ ɓə ŋą́ kɛi gɛ a nɛlɛɛ.

Korɛntə veelɛ 9:12

Mąąhɔlɔɓo, ɲee ɲąąkpɔn daaləi ŋɛ̨i hvo lɔ a kristalɛa mąąkpɔnmąą ɓo mɛ̨nį, kɛlaa gaa a gu wɔɔ mɛ̨inɛ̨ɛ̨ hu kɔlɔn ɉɛɠɛɛɓoi, a tɛ Yálá pɔ pələ.

Korɛntə veelɛ 8:9

Bələi gu Ną́mu Jesus Kristə ə mɛ̨inɛ̨ɛ̨ kɛ la káá, gbaɠala kaa káá, yaa ti kɛ a hɛn nąmu, ə gbɔwɔ kɛ a yeehvowolomun, ə gɛ, ká kɛ a hɛn nąmįną.

Lomaŋ 15:31

Ka Yálá hvɛli mą́ą́, ə gɛ gili walawala nuąi di kaa Ɉude, ŋą́ kulɔ di yəi; əgɛ, ɉamą tiɛ̨i ŋɛ̨i gáá lii naa lɛi Ɉerusalɛmə Yálá nwɔ nuą pɔ, di di yee hee mu a kwəinɛ̨ɛ̨.

Gɛlaɠaa 20:16

Yaan, Polə ə naa gwəi ə Efɛsə taa mąąlaa, hva tɔɔ kɛ laa, ə gɛ, hvo pa lɔwai tamąą kɛ Asi lɔi hu. Ə mąą hulɔ ə gɛ Pantəkotə hɛli ə ɉɔlɔɓo Ɉerusalɛmə.

Gɛlaɠaa 21:26

Mąą yələ laa ɓoɔ, Polə ə nu nąąn ti həɠə, ə li a diɛ, di di waa kɔwɔ tɔɔ da diɛni yɛ bələi di huwu la mɛ̨nį kaa la. Polə ə li Yálá hee pɛlɛ́ mu, volói mąąnɛ̨ɛ̨ di paa la a nu tɛitɛi nwɔ Yálá kɔ́ hɛn, di mąąhəɠə haláá kulaa pulu, ə guu hee.

Gɛlaɠaa 20:31

Ka ka kili lɛɛ ɉu kaa diɛ kwɛlan ɉaaɓa kuu mu, hvóló da kpinį ŋį́ kɛi ka kili pu mɛ̨nįɠaa hu, gɛ da kɛ kpɔ a ɲɛ̨iyá wɔlɔ.

Gɛlaɠaa 24:26

Ə kɛ gwəi yɛ kɛ, Polə kaa pai kɛ wali tɛɛi bɔ, mɛ̨nįi ə kɛli dəli la kɛlɛ-kɛlɛ da yaa diɛ lono kɛ, yaa li.

Korɛntə veelɛ 8:6

Yili ɓə gɛ, ku nɛ̨ɛ̨mąą hvə Titə ɓa kpɔ a nwalawalaa, kuɔ kɛ ə nú-kpɔwɔlaa kólói tii laa kulɔ a nɛlɛɛ ká pɔɔli, yɛ bələi ə gɔwɔ tɔɔ la.