Gɛlaɠaa 24:16 - Yálá laawoo hɛɓɛ (dc)

¹⁶ Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Yálá laawoo hɛɓɛ

¹⁶ Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Bible

¹⁶ Ŋa kɔ̂i kpɔ́ a gbanaŋɔɔ a tãi kélee a gɛ́ɛ kili-ŋa-sia maa waa é kɛ́ ńyêei Ɣâla ŋɛi da núu-kpune.

Gɛlaɠaa 24:16 Referans Kwoze

Gɛlaɠaa 23:1

Polə ə ɲɛ̨i hee kpɔ tɔ́n vili nąmįną diɛ, yɛ diɛ: «Nąn nonnii, kiliŋąhiɛ yii kɛ mą́ą́ gɛ́ kólo kɛ la Yálá ɓa, aa lɛɛ la ɉu háákələi yələ aa ɉəli, gaa a kiliŋąhiɛ lɛlɛɛ.»

Timote dɔlɔɔ 1:5

Diɓoi ti ŋį́ dɛɛ ə́ pɔ, nwun gaa mą, ya ɓaa a wɛlikɛmąąlaai a kulɔ lii lɛlɛɛ hu, kili lɛlɛɛ hu, da laa na laa kpɔ-kpɔ.

Korɛntə veelɛ 4:2

Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Lomaŋ 2:15

Da nɛ diɛ kɛ: Yálá ŋą tɔ́n bɛ̨ɛ̨ kaa di kili pɔ, di wɔ kiliŋąhiɛ yɛ mąą kɛla hvaa ɓo, di wɔ mɛ̨nį hutɔɔ pələ yɛ nɛ, diɛ di kpɔwɔ kaa la a hɔnmąąmun awala kɛ tii, a tələnmomun.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,

Taitɔ 1:15

Mɛ̨nį kəlee mąąhəɠɛɛi, nuą di mąąhəɠɛɛi di ɲɛ̨i ɓa. Kɛlaa, nuą di kɔ́hɔɓoɔ, di hvo bɔ di hvo laa na laa kɛ, mɛ̨nį ta mąą hvo həɠə li di ɲɛ̨i ɓa. Kɛlaa yaamun, di wɔɔ nwun-gɛ-ɉulaa, da di kili ɓə gɔhɔɓoɔ.

Korɛntə dɔlɔɔ 4:4

A tɛ̨ą, gwə́i kili hva ɉɔ́n gaa mą́ą́, kɛlaa yili hvə a də́lə́nmo, nui a mą́ą́ mɛ̨nį hutɔɔ, ya lɔ ɓaa gu Ną́mu.

Piɛrə dɔlɔɔ 3:16

Kɛlaa, 'ká gɛ mąąwiɛlaa hu, da liinɛ̨ɛ̨ gwəi laa, əgɛ, nuą daa kɛi ká wɔɔ tuwɔ pələ lɛlɛ laa bələ ɓo Kristə hu, mɛ̨nįi da kɛ ká laa mąą hiɛi ɉu, ká laa mąą hiɛ nuą tii, di nwumɛ̨.

Piɛrə dɔlɔɔ 2:19

Mąąhɔlɔɓo, mɛ̨nį lɛlɛɛ ɓaa, nu ə niikpələ hvulu mɔ̨nɔ̨ mu Yálá mąą mɛ̨nį ɓa.

Hebreu 13:18

'Ká kɛ Yálá hvɛlii kuɔ, mąąhɔlɔɓo, ku kilaa ponoɔi kpɔ a nɛlɛɛ, ku kwəi kwɛlɛɛ, ku kaa bɔ, ku túwɔ́ a nɛlɛɛ mɛ̨nį lɔpee gəlee hu.

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Timote veelɛ 1:3

Yálá ŋɛ̨i gáá tíi mą, a gwə́i kwɛlɛɛ, vílɛnŋąą gáláɓɔlɔni pɔɔ ɲą, ŋą́ nwɔɔ mɛ̨inɛ̨ɛ̨ɠaa hukɔlɔn gbɔ kɛnɛ̨, ɉú pələ, ɓɛlɔwai lɔpee, ə kɛ a kpinį, ə kɛ a hvóló, nwɔ́ Yálá hvɛli pələ kəlee, ŋą́ ə́ laa too ɉu.

Tɛsalonikə dɔlɔɔ 2:10

Ká káá a yili mąą kɛla, ə mą kɛ, Yálá yaa kpɛli yaa kpinįi, káái a laa na nuą, ku túwɔ́ ká ɲɛ̨i mu, mąąhəɠə laa hu, tələnmo laa hu, mąąkulɔi hvo kɛ mą.

Timote dɔlɔɔ 3:9

Mąąnɛ̨ɛ̨ di kanąn laa na laa ŋą tɛ̨ą ɓa a kili lɛlɛɛ.

Timote dɔlɔɔ 1:19

a laa na laa da kili lɛlɛɛ. Nu tamąą daa di yee kulɔ mu, diɛn, di wɔɔ laa na laa aa lɛɛ yái.

Lomaŋ 9:1

Kristə hu, tɛ̨ą ɓə gáá moi, və́ lɛɛ kɛi, ŋą́ gbɔ́ɔ́ mąą kɛla hvaaɓo a yili, Kili-Mąąhəɠɛɛ háálai, və́ lɛɛ kɛi.

Korɛntə dɔlɔɔ 10:32

'Ká hvo kɛ a nui lɔpee ta too hɛn, ə kɛ a Ɉuifə, ə kɛ a, Grɛkə, ə kɛ nwɔ̨nɔ̨ a Yálá nwɔ kpɔn.