Gɛlaɠaa 24:10 - Yálá laawoo hɛɓɛ (dc)

¹⁰ Gbahanąmą ə ɲee lɛ Polə ɓa, yɛ mą: Ə́ kaa kɛi lə? Polə yɛ diɛ: «Gíli kaa ɉu gɛ́, yáá kwɛlan damąą kɛ, yɛ́ ku wɔ lɔi ŋɛ̨i ɲąąwooɓo a tələnmolaa. Yili ɓa, gíli la təɠɛɛi kpɔ ŋį́ nwóó hukulɔ ə́ ɲɛ̨i ɓa.

Yálá laawoo hɛɓɛ

¹⁰ Gbahanąmą ə ɲee lɛ Polə ɓa, yɛ mą: Ə́ kaa kɛi lə? Polə yɛ diɛ: «Gíli kaa ɉu gɛ́, yáá kwɛlan damąą kɛ, yɛ́ ku wɔ lɔi ŋɛ̨i ɲąąwooɓo a tələnmolaa. Yili ɓa, gíli la təɠɛɛi kpɔ ŋį́ nwóó hukulɔ ə́ ɲɛ̨i ɓa.

Bible

¹⁰ Gɔmɛnɛ-nuu kɛ́tɛi kɛ́ɛ a Pɔ̂ɔ toli a ŋuŋ a gɛ́ɛ é lónoi, e ŋ̀óo su tòo, ǹyɛɛi: “Berei ŋa gɔ́lɔŋ la a gɛ́ɛ ya kɛ́ a mɛni-ŋa-tee-nuu ǹɔii-ŋuŋ ŋí su a kóraŋ támaai, ŋa ŋ́gbîŋ maa kɔ̃ɔ̂i kpɔ́ a lii-nɛ̃ɛ-pere.

Gɛlaɠaa 24:10 Referans Kwoze

Piɛrə dɔlɔɔ 3:15

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.

Gɛlaɠaa 26:1

Agripa yɛ Polə ɓa: «Mąąlaa kaa ə́ yəi, yɛ pɛli ə́ nwun mąąkɔ̨nwɔ̨i.» Polə ə ɲee haŋą, yɛ kɛa nwoo hukulɔ, yɛ kɛ:

Gɛlaɠaa 23:24

'Ka ɉooɠaa hɛ̨ą yili, 'ka li a Polə gbahanąmą Felisə pɔ, a gɔlɔi ponoɔ.»

Gɛlaɠaa 21:40

Ɓɛlɔwai ɉolahi nwun nąmu ə hvaa la Polə woo ɓa, Polə ə tɛ ə tɔɔ gbəlin ŋą, ə ɲee lɛ nuą diɛ, nąą mɛ̨i ə haa kpɔ ɓu, ə mɛ̨nį ɓo diɛ a Ɉuifə woo yɛ diɛ:

Gɛlaɠaa 19:33

Gbɔn tii hu nuą taɠaa, di mɛ̨nįi ti hukulɔ Alɛsandrə laamun da ɓa, yai kɛ Ɉuifəɠaa daa dɔɔ di ɲɛ̨itɔwɔ. Alɛsandrə ə ɲee tɛ, yɛ kɛ ə nwoo hukulɔ nu kpɔn ɲɛ̨i ɓa.

Gɛlaɠaa 18:15

Kɛlaa, yii ká wɔɔ hvaai hvilɛnŋąąi kalan mɛ̨nį ɓa, da laaɠaa, ɛlɛɛ, da ká yíi pələ mąą tɔn mɛ̨nį, ká mąą mɛ̨nį li, ka li kaa kpinįi ka ɲɛ̨i kulɔ, nwɛ́i və́ bɔ və́ kɛ a mɛ̨nį huwui tii ɓomun.»

Gɛlaɠaa 13:16

Polə ə muhəɠə ə tɔɔ, ə ɲee lɛ diɛ, yɛ diɛ: «Israɛlə lonnii, ɛlɛɛ, kaai ka ɲɔw Yálá ɓa, ka ka wəli tɔɔ nwóó ɓa.

Gɛlaɠaa 12:17

Piɛrə ə mo diɛ a ɲee, yɛ di di mɛ̨iháá. Ɛlɛɛ, bələi gu Ną́mu ə gulɔ la gaho pɛlɛ́ mu, ə ɉukulɔ diɛ; ə nwoo laa kulɔ, yɛ diɛ: «'Ká li ká ɉukulɔ Ɉakə ɓa da gu Nán nonnii yiiɠaai ti.» Yili pulu, ə kulɔ ə li pələ takpɛli.

Lukə 18:2

Ə mo diɛ, yɛ diɛ: «Kiti tee mun da ə kɛ taa ta hu, hvo kɛi ɲɔw Yálá ɓa, dɛɠɛɓoɔ nu kəlee hu.

Lukə 12:14

Jesus ə mo mą, yɛ mą: «Náwəi, gbɛɛ ɓə gɛ́ a ka lɔwai mɛ̨nį hutɔɔ mun? A wala kɛ tii, ka nąn gwɛlin ŋąąkwɛlɛ mun?»

Samuɛlə dɔlɔɔ 2:25

Nu a nɛ̨ŋɛ̨n ɉəɠə nu ɓa, Yálá a dɛ̨ą ɓo, kɛlaa nu a nɛ̨ŋɛ̨n ɉəɠə Yai-Laa ɓa, gbɛɛ ɓə pai giti teei?» Di hvo di wəli tɔɔ Yai-Laa woo ɓa, mąąhɔlɔɓo, Yai-Laa ə kɛ bɔ ə di paa.

Lukə 12:11

«Ɓɛlɔwai da ka hon na diɛ li a kaa ka kiti tee mɛ̨nį ɓa, di wɔ Yálá hvɛli pɛlɛ́ɠaa mu, a wala kɛ tii, ɲɛ̨itɔwɔ nuą lííla, da nwun nąmįną, ka hvo ka lii hɛlɛn a ka mąąkɔ̨nwɔ̨ woo, awala kɛ tii, yii mąąnɛ̨ɛ̨ ka mo.