Gɛlaɠaa 22:3 - Yálá laawoo hɛɓɛ (dc)

³ «Gáá a Ɉuifə, di gáá Talisə daai, Silisi lɔi hu. Kɛlaa, Ɉerusalɛmə ɓɛ ɓə ŋį́ kɛnɛ̨ laa, nui ŋį́ lakwəli kɛ ɲəi, naa ɓaa: Gamaliɛlə. Ya ɓə mą́ą́ kwɛli gu kalaɓɔlɔni di wɔ tɔ́n ɓa kpɔ tɛhvɛ-tɛhvɛ. Yálá mąą mɛ̨nį kɛɛ ŋą hvaŋą lɔ ə kɛ ɉú, yɛ pələi gaa la ka yəi háákələi.

Yálá laawoo hɛɓɛ

³ «Gáá a Ɉuifə, di gáá Talisə daai, Silisi lɔi hu. Kɛlaa, Ɉerusalɛmə ɓɛ ɓə ŋį́ kɛnɛ̨ laa, nui ŋį́ lakwəli kɛ ɲəi, naa ɓaa: Gamaliɛlə. Ya ɓə mą́ą́ kwɛli gu kalaɓɔlɔni di wɔ tɔ́n ɓa kpɔ tɛhvɛ-tɛhvɛ. Yálá mąą mɛ̨nį kɛɛ ŋą hvaŋą lɔ ə kɛ ɉú, yɛ pələi gaa la ka yəi háákələi.

Bible

³ “Ńyãa kpîŋ ŋ́gaa a Zûu-nuu. Dí ḿaa sɔlɔ ƃò Taasɔ taa-leei su, Sɛlisia lɔii su. Kɛ́lɛ, dí ŋákɔ̀ŋ ƃɛ́ daa kɛ́tɛi ŋí su. Ŋa sɛŋ maa kɔ̀ri Gɛmelia yée mu, yɛ̂ɛ berei kúnâŋ pɔlɔ-ŋai dítɔ̂ŋ maa mɛni káa lai, nyíi-ŋai Ɣâla mɛni è kɛ̀ dílii su, yɛ̂ɛ berei gáa la kákelee kálii su sâai.

Gɛlaɠaa 22:3 Referans Kwoze

Gɛlaɠaa 26:5

Di gɔ́lɔn gbɔ a ɉu kwɛa, ɛlɛɛ, da kɛ bɔ, da pɛli di mą́ą́ mɛ̨nį kɛla hvaaɓo, diɛ ŋą́ nwɔ́ yɛnɛ̨ɛ̨ kɛ a nuąi da ku wɔɔ kalan mɛ̨nįi mąą yɛlɛkɛ, nu kəlee ɓa, di wɔɔ pələi mɛ̨i, Farisiɛ̨ laa hu.

Gɛlaɠaa 9:11

Gu Ną́mu yɛ mą: «'Həɠə kpɔlɔ yiihu, ə́ ɉon a daa kwəi bələi ti da kɛ mą: Bələ haŋąnŋąą, 'li Ɉudasə yəi bɛlɛ́n, ə́ Tarsə mun, da kɛ mą: Solə, naa mąąnin kɛ. Gaa laa yɛ Yálá hvɛlii,

Gɛlaɠaa 5:34

Kɛlaa, nu tɔ̨nɔ̨ ə muhəɠə nwun dɔɔ hu, ə kɛ a Farisiɛ̨, naa ɓa: Gamaliɛlə, ə kɛ a tɔ́n galamɔ̨ɔ̨ kɛnɛ̨, mɛlɛ ə ɓo nɔi lonnii kəlee kwəi, ə mo, di gɛlaɠaa kulɔ woloɓo ɲɛnɛ̨ɛ̨.

Gɛlaɠaa 21:39

Polə ə nwoo ɲąąpənə yɛ mą: «Ɲáá, Ɉuifə mun maa a ɲą́ą́, ŋį́ həɠə Tarsə, Silisi lɔi hu, gáá a kaalon, a taai kɔlɔn gaa mą, ɉu lon, nɛ̨ɛ̨mąą yɛ́, nɛɛ laa ŋį́ pələɓo nuą diɛ.»

Gɛlaɠaa 21:20

Yii kɛa di nwooɠaai ti mɛ̨n, di Yálá hɛɠɛɛɓo yili pulu diɛ Polə ɓa: «Yáá gaa, Ɉuifə kpulu tamąą daa kɛ a laa na nuą, ə mą kɛ ti, di kanąnŋąa ni Moisə nwɔ́ tɔ́n ɓa.

Korɛntə veelɛ 11:22

Di kaa a Hebreuxɠaa, ɲą́ą́ gbɛlimąn gáá la! Israɛlə lonnii ɓaa a diɛ? Ɲą́ą́ gbɛlimąn gáá la! Di kaa a Abrahamə huwu? Ɲą́ą́ gbɛlimąn gáá a da!

Lukə 10:39

Martə nəɠə nɛ̨ɛ̨nu ta ə kɛ laa, diɛ kɛ nąą ɓa Mari, ə pa ə hee Ną́mu Jesus kɔ́wɔ mu, nwəli tɔɔ nwɔ kalan gɛ woo ɓa.

Tɔɔɓɛlaa veelɛ 4:38

Elise ə li Gilgalə ɓɛlɔwai pulu toɔ kɛ la nɔi. Yɛ bələi Yálá kwəi mɛ̨nį hukulɔ nuą di wɔ kalan nɛa di kɛ la laa, di kɛ heeni Elise lííla, Elise ə mo nwɔ tímun mą, yɛ mą: «Nəɠi kɛnɛ̨i tii hee nwɔ̨n ɲą, ə́ kɔ̨nɔ̨n ɲili Yálá kwəi mɛ̨nį hukulɔ nuą di wɔ kalan nɛai mąą mɛ̨nį ɓa.

Dutɛrɔnome 33:3

Israɛlə lonnii wɛli kaa Yai-Laa ɓa; a nwɔ nuą mɛ̨i kaa, diɛi da di ɲąą kpɔn gɔwɔ mu, diɛ di wəli tɔɔ nwɔ liɛwoo ɓa.

Lomaŋ 11:1

Gɛ́ mą: Akɛti Yálá aa lənə mɔ̨ɔ̨ nwɔ nuąi diɛ? Kpaa-o! Hvo lənə li diɛ. Mąąhɔlɔɓo, ɲą́ą́ kpinįlee gaa a Israɛlə mun da Abrahamə huwu hu mun, ŋą́ kulɔ Bɛnɉamɛn yəi bɛlɛ́n.

Gɛlaɠaa 23:6

Polə kili ə kɛ ɉu, yɛ diɛ: tɔ́n vili nąmįną kpulu heei ə kɛ hveelɛ; bələ tɔ̨nɔ̨ ə kɛ a Sadusiɛ̨ɠaa, bələ tɔ̨nɔ̨ yɛ ɓo a Farisiɛ̨ɠaa, yili ɓə gɛ, ə mo diɛ, yɛ diɛ: «Ną́n nonnii, gáá a Farisiɛ̨, ną́n ɲɛ ɓo a Farisiɛ̨. Gɛ mɛ̨nį náái haaɓɛlaa nwun mɛ̨nį la, ya ɓə gɛ, diɛ paa a ɲą́ą́ gíti tee mɛ̨nį ɓa.»

Gɛlaɠaa 6:9

Kɛlaa, di lɔwai, galan gbɔn ti da kɛ mą: luwɔ pɔlɔɠaa, da Sirɛnə nuą Alɛsandri nuą Silisi ɛlɛɛ, Asi nuą, hvaa ə too Etiɛnə ni lɔwai.

Samia Veerɛi 21:2

Tɔɔmun ə Gabaɔn nuą təli, ə gɛ, da diɛni di heei ə kɛ tɔ̨nɔ̨, di mɛ̨nį ta ɓo mɛ̨nįi tii hu. Gabaɔn nuą di hvo kɛ a Israɛlə nu huwu ta. Kɛlaa, di kɛ a Amɔrə nu huwu gbəliɠaai lɛɛ, diɛi wɔlɔ da Israɛlə nuą di mįnɛ̨ həɠə, diɛ kɛ di hva di paa. Pələi mąn ə kɛ la tii, Israɛlə nuą da Ɉuda nuą di mąą mɛ̨nį nwąną pələ kɛ Saulə yəi, ə kɛi Gabaɔn nuą paa.

Galatə 1:21

Yili pulu ŋį́ li Siri lɔi da Silisi lɔi hu.

Galatə 1:14

Ɉuifəɠaa di wɔ kalan bələi hu, ɲéé tɛɛi kɛ mɛ́laa kəlee diɛ; ku huwu la mɛ̨nįɠaa hu; váŋą kɛnɛ̨ɛ̨ kɛ dɛ́ɛ́ diɛ.

Gɛlaɠaa 23:34

Gbahalanąmą ə ɉɛɓɛ́ ɓo, yɛ mą: Nɔi nɛlɛ ɓə Polə ə həɠə ɉu? Yii kɛa ə gbaɠala kaa yɛ ə həɠə Silisi lɔi hu,

Gɛlaɠaa 15:41

Polə ə Siri lɔi hu ɓɔ, da Silisi lɔi, yɛ gbɔn ɉu nuą hvaŋąlɔ.

Gɛlaɠaa 15:23

Di ɉɛɓɛ́ tɛɛ di pɔ. Ɉɛɓɛ́ hu woo ka: «Gɛlaɠaa, galanɉonŋaa, da gu nąn nonnii, diɛ ku nąn nonni túwɔ́ɓo; diɛi a huwu takpɛliɠaa, di ɓo Antiɔsə Siri lɔi hu, da yiiɠaai Silisi lɔi hu.

Gɛlaɠaa 11:25

Yili pulu, Barnabasə ə li Tarsə Solə pulu.

Gɛlaɠaa 9:30

Nąn nonnii di gbaɠala kaa, di ɉəɠə, də li la Sesare, ɛlɛɛ, di dɛɛ Tarsə.

Lukə 8:35

Nuą di pa, əgɛ, mɛ̨nįi tii kɛ laa, di gaa. Di pa di həli Jesus ɓa, ɉulɔnui ŋɛ̨i ɲį́nɛ̨nŋąa di kɛ bului, di gaa hee ni Jesus kɔ́wɔ mu, gɔlɔi ponoɔ̨ kɛa, həɠə yɛ ɓo gwąną, ə lɛɛ, ɲɛ̨i laa tiɛɛ kɛa a nɛlɛɛ. Nuą tii kəlee kwəi ə pili diɛ.

Lukə 2:46

Voló haaɓa yələ, də li di gaa Yálá hee pɛlɛ́ mu, ɉiɛ Ɉuifə kalamɔ̨ɔ̨ɠaa lɔwai, nwəli tɔɔ di woo ɓa, ɛlɛɛ, yɛ di mąąni kɛ.

Gɛlaɠaa 9:1

Solə yee ə kɛ lɔ gu Ną́mu nwɔ kalan nɛai hu taɠa mɛ̨nį, da di paa mɛ̨nį hu. Ə li,

Gɛlaɠaa 26:9

«Ɲą́ą́ nwɛ́i, ə kɛ kpɔ gwə́i, gɛ́ kɛ, mąąnɛ̨ɛ̨ kɛ, ŋį́ kɔ́ pɛlɛ Jesus Nazarɛtə mun laa ɓa, a pələ huwu lɔpee gəlee.