Gɛlaɠaa 22:15 - Yálá laawoo hɛɓɛ (dc)

¹⁵ Mąąnɛ̨ɛ̨, mɛ̨nįi ə́ gaa da yii ə́ mɛ̨n, ə́ kɛ a mąą kɛla, nu kəlee ɲɛ̨i ɓa.

Yálá laawoo hɛɓɛ

¹⁵ Mąąnɛ̨ɛ̨, mɛ̨nįi ə́ gaa da yii ə́ mɛ̨n, ə́ kɛ a mąą kɛla, nu kəlee ɲɛ̨i ɓa.

Bible

¹⁵ Ya pâi kɛ̂i a ŋɔsêre núu kélee ŋɛ́i m̀ɛni-ŋai ya gáai mɛni ma, da nyíi-ŋai ya mɛnîi.

Gɛlaɠaa 22:15 Referans Kwoze

Gɛlaɠaa 23:11

Bulu ɓa kpini pɛlɛɛ kɛa, gu Ną́mu gbɔwɔ lɛ Polə ɓa, yɛ mą: «'Ə́ liikpələ, yaa mą́ą́ kɛla hvaa ɓo ɓɛ Ɉerusalɛmə, hvo kɛli ə́ da ɓo Romə daai.»

Gɛlaɠaa 4:20

Kɛlaa, ku wɛi yii ku mɛ̨n, yii ku gaa, ku hvo pai lənəi yili ɓo mɛ̨nį ɓa.

Ɉaan 15:27

Ɛlɛɛ, kaa kpɛli, ka káá pai mą́ą́ kɛla hvaa ɓoi. Mąąhɔlɔɓo, ə həɠə gɔwɔ tɔɔ yələ ɓa, ə həli la yiihu ɓa, ka káá lɔ bɔ́.»

Gɛlaɠaa 27:24

yɛ mą́ą́: ‹Polə! 'Hvó ɲɔw, mąąnɛ̨ɛ̨ ə́ həli nɔi nwun nąmu nwɔ kiti haŋai ɓa, ɛlɛɛ, nuąi kpɔ ka diɛni ka káá gələn ɉu, Yálá aa di wɔ yɛnɛ̨ɛ̨ lɛɛ di yəi ə́ háálai.›

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Gɛlaɠaa 22:14

Yɛ nwɔ̨nɔ̨ mą́ą́: ‹Gu nąnni di wɔ Yálá ə gbɛa ə́ həɠə ɉu, ə ə́ kɛ a niiɓa kɔ́lɔn mun; ə́ dələnmomun ti kaa, ə́ nwoo mɛ̨n.

Gɛlaɠaa 1:22

ə gɔwɔ tɔɔ ɓɛlɔwai Ɉaan mąąwaa la, ə həli la ɓɛlɔwai ə tɛ la yələkɔlɔn ɉu, mą, hvo kɛli nu ta ə hɔlɔɓo nuą ti lɔwai, ə too gu pɔ, ə kɛ a Jesus nwun mɛ̨nį mąą kɛla ta.»