Gɛlaɠaa 21:5 - Yálá laawoo hɛɓɛ (dc)

⁵ Nɔwɔ tɔ̨nɔ̨i ti tɛɛ pulu, ku kuɔ hiɛi kɔ́wɔ tɔɔ, galan nɛai ti da di nɛ̨ąni ə lɛɛ da di lonnii, di pa di ku tɔɔ pələi daa kpala. Kwa diɛni ku pu ku kpəlin na laa ɲá kwɛlɛ, ku Yálá hvɛli.

Yálá laawoo hɛɓɛ

⁵ Nɔwɔ tɔ̨nɔ̨i ti tɛɛ pulu, ku kuɔ hiɛi kɔ́wɔ tɔɔ, galan nɛai ti da di nɛ̨ąni ə lɛɛ da di lonnii, di pa di ku tɔɔ pələi daa kpala. Kwa diɛni ku pu ku kpəlin na laa ɲá kwɛlɛ, ku Yálá hvɛli.

Bible

⁵ Kúɣele kûu lɔ́ɔlu mɛi feerɛi kpɛɛ ŋá-ɣelei, kú kùla naa kú nâa kúsiai kúla. Zîsɛ ŋɔpôlu-ƃelai kélee, dínɛyâai da dínîa-pɛlɛɛi dí pà kútɔɔ̂i perei é lɛ́ɛ la zu kú kúla daai ma. Kú pɛ̀lɛ kúŋume ŋá zîŋ ma ku Ɣâla fɛli, kú kúfɛli kúkîe-ni dîa.

Gɛlaɠaa 21:5 Referans Kwoze

Gɛlaɠaa 20:36

Yii kɛa Polə ə nwooɠaai ti ɓo diɛ, ə pu gbəlin na, da diɛni di Yálá hvɛli.

Gɛlaɠaa 9:40

Piɛrə ə nu kəlee kulɔ ɲɛnɛ̨ɛ̨, ə pu gbəlin na, ə Yálá hvɛli, yili pulu, ə tínɛ̨n nu powa pɔ pələ yɛ mą: «Tabita! 'Ə́ muhəɠə!» Nu powai ə ɲįnąąɓo, ə Piɛrə kaa, ə muhəɠə ə hee.

Gɛlaɠaa 20:38

Yii kpɔ liihɛlɛn doo diɛ, ya ɓaa: Kɛi Polə ə mo diɛ: «Di hvo kɛa pai ɲɛ̨ilaai gaai.» Yili pulu, di lɛɛ bulu dəli di dɔɔ pələi ɓɛi da gələn ɉəɠə laai.

Gɛlaɠaa 15:3

Antiɔsə kalan gbɔn ə ɉiɛ kulɔ wali kɛ. Di tɛɛ Fenisi lɔi da Samari lɔi hu pələ. Diɛ huwu takpɛliɠaa lɔ mɛ̨nį kalan ɉu, hukulɔ, diɛ gu nąn nonnii kəlee kwəinɛ̨ɛ̨ a yili.

Mąątɛ̨nɛ̨ 95:6

'Ka lɔ! 'Ka gu gu mąą pɛlɛ, 'ka gu kwɛli hvilɛn mą. 'Ka gu pu gu kpəlin na, gu pɛli Yálá, Yai-Laa lii la!

Gɛlaɠaa 17:10

Yii kɛa kpinį ə pɛlɛ, kalan nɛa di Polə da Silasə di tɔɔ bələi diɛ li Bere, di həliɛ laai, də li Ɉuifəɠaa di wɔ Yálá hvɛli pɛlɛ́ mu.

Markə 1:40

Hvólóɲɔ̨n gɛmun da ə pa ə too Jesus kɔ́wɔ mu yɛ mą: «Akɛ ya hvaa mą, ya pɛli ə́ gɔ́lɔ́i pono ə́ mą́ą́həɠə.»

Maafîu 14:21

Nu kpului tii kɛ laa, ɉinąą lɔ ɓə di di lono; diɛ ɓo a nu waa lɔɔli, nɛ̨ą da lɛapəlɛɛ di laa hvo kɛ ɉu. Kɛlaa, nu kəlee ɓə nɛɠɛ mįi di pilɛ.

Kɔlɔnikɔ Veerɛi 20:13

Ɉuda nuą kəlee di kɛ tɔɔni Yai-Laa lííla, diɛ da di yəi bɛlɛ́n nuą, di nɛ̨ąni da di lonnii.

Tɔɔɓɛlaa dɔlɔɔ 8:54

Vɛli ɓo wooɠaa tii kəlee da nɛ̨ɛ̨mąą hvə wooɠaa tii kəlee, Salomɔn ə naa həli Yai-Laa ɓa, a nwoo laa kulɔi. Salomɔn ə gɛ puu ni Yai-Laa nwɔ haláá kulɔi lííla ɲeeɠaa tɛɛ ɲələi pələ, ə muhəɠə,

Nehemi 12:43

Di haláá kpɛa kpɛa kulɔ a mąą yələi tii, nu kəlee kwəinɛ̨ɛ̨ mąąhɔlɔɓo, Yálá aa kɛ kwəinɛ̨ɛ̨ kɛnɛ̨ tɛɛ di pɔ. Nɛ̨ąą da lɛapɛlɛɛɠaa diɛ kpɛli, di kwəinɛ̨ɛ̨i kɛ, gwəinɛ̨ɛ̨i tii di kɛi gulɔ Ɉerusalɛmə, bələ ə li kwɛa la.

Zasua 24:15

Akɛ awala laa a ka lii, ka hvo tí Yai-Laa ɓa, ka ka liiɓa həɠə háákələi! Akɛ ɉaliɠaa ŋɛ̨i wɔlɔ ka nąnni di kɛi kwɛli hvilɛn mą ɲá lee pulu pələ ya ɓə, awala kɛ tii, Amɔrə nuą di wɔ lɔi ŋɛ̨i ka káá heeni ɉu, di wɔ haliɠaa. Nwɛ́i, ɲą́ą́ kwa ɲə́ bɛlɛ́n nuą, ku kaa tíi Yai-Laa ɓa.»

Lukə 22:41

Yili pulu ə mąą tawolo tɛ, yɛ nu a kwɛni pili, ɓɛi a too laa, ə pu laa nwungbəla la yɛ Yálá hvɛli.

Zasua 8:35

Mɛ̨nįɠaa kpɔ Moisə ə bɛ̨ɛ̨ dɔ́n ɉɛɓɛ́ hu, dɔ̨nɔ̨ kpɛli hvo lɛɛ pulu, yii Ɉosue hvo kɛ mo li Israɛlə nu huwu ɓa, nɛ̨ą da ɉinąą, lɛapɛlɛɛ da nwɛ̨ąą mąn, nu kəlee ə mɛ̨n.