Gɛlaɠaa 20:6 - Yálá laawoo hɛɓɛ (dc)

⁶ Ku wɛi, ku həɠə Filipə daai kələn ɉu, nɛɠɛi dɛ-hɛn və ɉu mąą hɛli puɔ pulu, ɛlɛɛ, hvoló lɔɔli kulaa ɉu, ku həli diɛ Troasə, ku lɔwɔ́ tɔ̨nɔ̨ kɛ laa.

Yálá laawoo hɛɓɛ

⁶ Ku wɛi, ku həɠə Filipə daai kələn ɉu, nɛɠɛi dɛ-hɛn və ɉu mąą hɛli puɔ pulu, ɛlɛɛ, hvolo lɔɔli kulaa ɉu, ku həli diɛ Troasə, ku lɔwɔ́ tɔ̨nɔ̨ kɛ laa.

Bible

⁶ Dɛ́-sɛŋ fé kpoloi maa ɣele kûui pôlu ma, kú kùla Felepâ kú yá ŋá-keleŋ sìɣe. Ɣele kûu lɔ́ɔlu yée mu kú sèri dîa Toroɛ. Kú ɣele kûu lɔ́ɔlu mɛi feerɛ kɛ̀ naa.

Gɛlaɠaa 20:6 Referans Kwoze

Gɛlaɠaa 12:3

Gaa Herodə ə mo yɛ yili aa nɛ̨ɛ̨ Ɉuifəɠaa diɛ, ə mo di Piɛrə yaa kpɛli ɉon; nąąlɔwai ə kɛ a ɉɛlii da kɛ bui a lɛɠɛi dɛ-hɛn və ɉu, bui lɔwai.

Gɛlaɠaa 16:12

ku həɠə laa, kwəli Filipə daai, yai a Masedoanə lɔi daa-lee, yɛ ɓo Romə nuą yee mu. Ku yíikuu ta wolo kɛ daai ti hu.

Lɛɛ gbɔwɔ ɓa 23:15

Lɛɠɛi dɛ hɛn və ɉu, ka mąą hɛli pu, hvóló mɛ̨ihveelɛ yee mu, lɛɠɛi dɛ hɛn və ɉu, ka mįi, yɛ bələi ŋą́ Dɔ́n naa laa ka mɛ̨i, gɛ́ guu hee a Abibə ɲąnin, mąąhɔlɔɓo, nąąlɔwai ɓə ka kulɔ la Eziptə lɔi hu. Mąą hvo nɛ̨ɛ̨li, nuą da kɛi pa nííla, nu ta hvo pa a ɲee howolo.

Timote veelɛ 4:13

Ŋą́ biliɉui tii ŋą́ nɛɛ Troasə Karpɔsə pɔɔlii, yá kɛli pa, ə́ paa la, ə́ bɛlɛ ɉɛɓɛ́ɠaa diɛ, gəlee ə mą kɛ, yii tii bɛ̨ɛ̨ ɉuɔ-kɔlɔ ɓai.

Lɛɛ gbɔwɔ ɓa 34:18

«Ka ka yee kanąn lɛɠɛi dɛ hɛn və ɉu nwɔ hɛli ɓa. Hvóló mɛ̨ihveelɛ yee mu lɛɠɛi dɛ hɛn və ɉu, kaa mįi, yɛ bələi ŋą́ mo la kaa ŋą́ guu hee a Abibə ɲąnįn, mąąhɔlɔɓo, ɲąnįn tii ɓə ka kulɔ la Eziptə lɔi hu.

Tɛsalonikə dɔlɔɔ 2:2

Kɛlaa, ya ka, di ku mɔ̨nɔ̨ ɓo, diɛ ku lalan Filipə, yɛ bələi ká gbaɠala kɔlɔn na, ku kilitɔɔmąą laa hɔlɔɓo gu wɔ Yálá yəi, yaan, hvo kɛli kɛ, ku nwɛlɛɛ lɛlɛɛ laa həli, ká mąą mɛ̨nį ɓa, kɔ tamąą hu.

Filipə 1:1

Ɲą́ą́ Polə kwa Timote Jesus Kristə ŋą tínuą, kuɔ ɓə ɉɛɓɛ́i ŋɛ̨i tɛɛi Kristalɛa diɛ, diɛi di kaa Filipə daai, da di mɛ̨ikaa nuą, ə mą kɛ, di wɔɔ tínuą.

Gɛlaɠaa 28:14

Daai ti hu, ku ku nąn nonnii taɠaa kaa laa, diɛ kɛ ku lɔwɔ tɔ̨nɔ̨ kɛ di kɔwɔ mɛ̨i. Bələ ɓə ku həli la Romə.

Gɛlaɠaa 21:8

Mąą yələ laa ɓoɔ, ku həɠə kuɔ li Sesare daai, Filipəi ŋɛ̨i kɛ a Jesus mąą mɛ̨nį laa həli mun, ɲəi bɛlɛ́n mə ku lɔ laa. Nu mɛ̨ihveelɛi ŋɛ̨i di ɉəɠə ɉu Ɉerusalɛmə, dɔ̨nɔ̨ li kɛ.

Gɛlaɠaa 21:4

Ku laa na nuą kaa laa daai, kwa diɛni ku lɔwɔ tɔ̨nɔ̨ kɛ ku kee ɓa. Yálá ə nuą tii kili ɲa pono, di mo Polə ɓa diɛ mą: 'Hvó kɛ ə́ kaa lii Ɉerusalɛmə.

Gɛlaɠaa 16:8

Di Misi lɔi hu ɓɔ, di yɛɛ Troasə.

Gɛlaɠaa 16:10

Ɉįi ti kaa pulu, ɲąąɓa, ku pələ kwəli kpɔlɔɔ ti mą, kuɔ li Masedoanə lɔi hu pələ. Mąąhɔlɔɓo, ku gaa, kuɔ, Yálá aa ku təli, yɛ kɛ, ku nwəlɛɛ lɛlɛɛ laa həli laa.

Gɛlaɠaa 20:5

Nuąi ti kəlee di li ku tɔwɔ, di ku mąąkpɔn Troasə.

Gɛlaɠaa 20:16

Yaan, Polə ə naa gwəi ə Efɛsə taa mąąlaa, hva tɔɔ kɛ laa, ə gɛ, hvo pa lɔwai tamąą kɛ Asi lɔi hu. Ə mąą hulɔ ə gɛ Pantəkotə hɛli ə ɉɔlɔɓo Ɉerusalɛmə.