Gɛlaɠaa 20:22 - Yálá laawoo hɛɓɛ (dc)

²² Yiihu kɛa, gáá a Kili-Mąąhəɠɛɛ ŋą gaho nąmu, ɲą́ą́ ka lii Ɉerusalɛmə, mɛ̨nįi lii laai mą́ą́, və́ gɔlɔn.

Yálá laawoo hɛɓɛ

²² Yiihu kɛa, gáá a Nįį-Mąąhəɠɛɛ ŋą gaho nąmu, ɲą́ą́ ka lii Ɉerusalɛmə, mɛ̨nįi lii laai mą́ą́, və́ gɔlɔn.

Bible

²² Ǹyaŋ ŋ́gaa nâa liî Zerusâlɛŋ M̀ɔlêŋ kponôi. Fé mɛni-ŋai kɔ́lɔŋ liî kɛ̂i naa a ńyãai,

Gɛlaɠaa 20:22 Referans Kwoze

Zĩi 4:14

Yaan, yii tinąą pai kɛi a káá, ká hvo gɔlɔn. Mąąhɔlɔɓo, ká káá lɔ yɛ luwu-luwui a pu lɔ ti a lɔwai logolo tiipə, naa tawolo a gə, aa kpɛɛ.

Korɛntə veelɛ 5:14

Kristə nwɔ wɛlikɛmąąlaa aa hee ku hu, ku kili kaa ɉu kuɔ, yii nu tɔ̨nɔ̨ ɓə nu kəlee pulu haa ɓo, akɛti kani, nu kəlee ka ti haa.

Piɛrə veelɛ 1:14

Mąąhɔlɔɓo, gílí kaa ɉu gɛ́ diɛ: Və́ pai lɛɛi gɔlɔi ŋɛ̨i hu, ɉáái lɔwai aa gbɛa həli, yɛ pələi Ną́mu Jesus Kristə ə nɛ la mą́ą́.

Gɛlaɠaa 20:16

Yaan, Polə ə naa gwəi ə Efɛsə taa mąąlaa, hva tɔɔ kɛ laa, ə gɛ, hvo pa lɔwai tamąą kɛ Asi lɔi hu. Ə mąą hulɔ ə gɛ Pantəkotə hɛli ə ɉɔlɔɓo Ɉerusalɛmə.

Gɛlaɠaa 19:21

Mɛ̨nįɠaa ti tɛɛ pulu, Polə ə kɛ bɔ ə Masedoanə huɓɔ da Akaiə taa, yɛ li Ɉerusalɛmə. Ə mo yɛ diɛ: «Ŋą́ pa həlii la, hvo kɛli ŋį́ li Romə kpɛlimąn.»

Gɛlaɠaa 17:16

Ɓɛlɔwai Polə ə kɛi Silasə da Timote di mąąkpɔn na Atɛnə daai, nii ə kələn gwəi, daai tii kaa ə mo naahvɛɛ a haliɠaa.

Ɉaan 18:4

Mɛ̨nį kɛi pa həli Jesus ɓa, kɛi ə mo a gɔlɔn ŋąąi, ə mąą lɛɠɛ diɛ, yɛ diɛ: «'Gbɛɛ ɓə ka káá gwɛli?»

Ɉaan 13:1

Gɛɛ pakə hɛli hvo kɛ ɉəli, Jesus ə gaa yɛ nwɔ lɔwai aa ɉəli yɛ pa kulɔi ɲɛnɛ̨ɛ̨ ŋɛ̨i hu, yɛ li Nąn bɔ. Nwɔ́ nuą ŋɛ̨i yɛnɛ̨ɛ̨, yaai ə di wɛli la kɛ, ə di wɛli la kɛ kpɔ kɛnɛ̨ɛ̨.

Lukə 12:50

Mą́ą́ waa mɛ̨nį niihɛlɛn gaa mą́ą́, hvo kɛli naa ə kulɔ.

Lukə 9:51

Ɓɛlɔwai Jesus ə kɛi pa həɠəi la lɔi mɛ̨i yɛ tɛ yələi, nąąlɔwai kɛɛ kɛa həli, ə niikpələ kpɔ, ə ɲɛ̨i walawala yɛ li Ɉerusalɛmə.