Gɛlaɠaa 20:21 - Yálá laawoo hɛɓɛ (dc)

²¹ Nwɔ́ kɛla hvaa ə kɛli Ɉuifəɠaa da nuąi di hvo a Ɉuifəɠaa di təli, ə gɛ, di pa Yálá pɔ pələ, di laa gu Ną́mu Jesus la.

Yálá laawoo hɛɓɛ

²¹ Nwɔ́ kɛla hvaa ə kɛli Ɉuifəɠaa da nuąi di hvo a Ɉuifəɠaa di təli, ə gɛ, di pa Yálá pɔ pələ, di laa gu Ną́mu Jesus la.

Bible

²¹ Ŋá núu lii-peneɛɛ Ɣâla pɔ́-pere maa sêre-faa kɛ̀ Zûu-ŋai dîa, Gurii-ŋai máŋ da laa-la Kúnuu-namui Zîsɛ Kôrai mɛni ma.

Gɛlaɠaa 20:21 Referans Kwoze

Gɛlaɠaa 2:38

Piɛrə ə di woo ŋąą pənə yɛ diɛ: «Ka kpɛla mɛ̨nį ɲɔ̨n ma, ka ka hɔn mąą pənə, di ka mąąwaa Jesus Kristə laa hu, ə gɛ, ka wɔ nɛŋɛ̨nŋaa mąąhvaa ə lɛɛ, ká Kili-Mąąhəɠɛɛ yəi mɛ̨inɛ̨ɛ̨ hɔlɔɓo.

Gɛlaɠaa 11:18

Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»

Gɛlaɠaa 20:24

Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Lukə 13:3

Gáá moi kaa, kaa kpɛli, ka wala ka hɔn mąą hvalin, ka haa kpɔlɔɔ yɛ bələi tii di háálai.

Korɛntə veelɛ 7:10

Hvo gaai, liikələn gwəi a həɠə Yálá pɔ yɛ həli nu ɓa, a gɛ, nu ə ɉɔn mąąhvalin malo mɛ̨nį ɓa, hva ɲeekpiɛ too na. Liikələn gwəi a həɠə yɛnɛ̨ɛ̨ pɔ, a nu lɔ haa hu.

Lomaŋ 10:9

Akɛ yá mo ə́ laaləi yɛ diɛ: Jesus kaa a ə́ Nąmu, ə́ laa na ə́ lii hu, yɛ diɛ: Yálá ə nwun gulɔ haa ɓɛlaa lɔwai, ə́ nwun mąą a ɓo.

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Zɔ̂ŋ Maa-ŋuŋ 5:5

Gbɛɛ ɓə ɲee aa tɛɛ yɛnɛ̨ɛ̨ ɓa, akɛ, nui aa laa na yɛ Jesus kaa a Yálá Lon yaa hvəə?

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Zɔ̂ŋ Maa-ŋuŋ 5:1

Nui lɔpee a laa na, yɛ: Jesus ɓə a Kristə, mąą nu kaa a Yálá lon; ɛlɛɛ, nui a Yálá wɛlila kɛ, yai a non gaamun a non tii Yálá ə gaa, nwɛlila kɛ.

Filemɔn 1:5

Mąąhɔlɔɓo, bələi yá nu mąąhəɠɛɛɠaa wɛli la kɛ la, da bələi ə́ wɔ laa na laa kaa la Ną́mu Jesus ɓa, ŋą́ą́ yiliɠaai bələ mɛ̨n.

Ifisiɛŋ 1:15

Yili ɓə gɛ, ɲą́ą́ kpɛlimąn,, 'ká laa mɛ̨nį gu Nąmu Jesus la, da mąąhəɠə nuą wɛli la kɛ pələ ká yəi, yii kpɔ kɛa ŋą́ yili bələ mɛ̨n;

Galatə 2:20

ŋą́ kɛli kɛa yɛnɛ̨ɛ̨ kɛ, və́ gɛi gbɔ́wɔ́ ɓa, Kristə ka tii yɛnɛ̨ɛ̨ kɛi ɉú. Gbala ə tɔɔ, ɲɛnɛ̨ɛ̨ yii ŋɛ̨i gáá gɛi nu kɔlɔ hui, gáá gɛi laa na laa hu, Yálá lon ŋɛ̨i nwɛ́lilakɛi, yɛ gbɔwɔ kwɛlɛ mą́ą́ mɛ̨nį ɓa, ɉáálai.

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Lomaŋ 4:24

Nwoo ti ə ɓo guɔ kpɛli gu laa mɛ̨i, guɔi ŋɛ̨i gwaa laa Yálá la yai gu Ną́mu Jesus kulɔ haa yəi, ə gɛ, a vulú.

Lomaŋ 1:16

Gbala ə tɔɔ vá nwumɛ̨ nwɛlɛɛ lɛlɛɛ laa həli. Mąąhɔlɔɓo, nuąi pai laa na, yili kaa di yəi a Yálá nwɔ huwalawala laa. Ə gɔwɔ tɔɔ Ɉuifəɠaa diɛ, ə mą kɛ diɛi di hvo a Ɉuifəɠaa.

Gɛlaɠaa 17:30

Kɛlaa, ɓɛlɔwai ti nuą kiliŋą hvo kɛ pono li la, Yálá hvo gili lɛɛ li yili hu, yiihu kɛa, gaa moi nu kanŋaa diɛ, yɛ nu kəlee, ɓɛi lɔpee nąą kəlee, di di hɔn mąą pənə.

Markə 6:12

Galan nɛa liɛ kɛa, di kɛi kɛ nuą diɛ: «Ka tinɛ̨n ka ka túwɔ́ pɛlɛ ɲɔ̨nŋąą mąąhvalin.»

Markə 1:15

«Yálá nwɔ lɔwai ə vaaɓo aa həli, mąąhɔlɔɓo, Yálá-taa tɔɔlaa mąą aa kpuwɔ; ka kpəla mɛ̨nį ɲɔ̨n ma, ka tinɛ̨n, ka ka túwɔ́ pələ mąąhvalin, əlɛɛ, ka ka yee hee nwɛlɛɛ lɛlɛɛ mu.»

Maafîu 4:17

Ə həɠə kɛa nąąlɔwai ɓa, Jesus ə kɛi nuą kalan yɛ kɛ diɛ: «'Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin; Yálá-taa tɔɔlaa mąą a kpuwɔ!»

Galatə 3:22

Kɛlaa, ɉɛɓɛ́ ə mo yɛ: Nu kəlee kaa nɛ̨ŋɛ̨n ŋą huwalawala yee mu, ə gɛ, nuąi da laa Jesus Kristə la, mɛ̨nįi Yálá ə naakwɛlanmo, di ɉɔlɔɓo.

Galatə 2:16

Ku kili kaa ɉu kuɔ, nu hva pɛli tələnmolaa hɔlɔɓoi dɔn bɔ yíiɓoɔ hu, kɛlaa nu a laa Jesus Kristə la, ya ɓə a tələnmolaa hɔlɔɓo la; kuɔ kpɛli, ku laa Jesus Kristə la, kuɔ pɛli kɛ a tələnmo nuą Kristə nwɔ laa na laai háálai, hvo kɛ li a dɔn bɔ yíiɓoɔ. Gbala ə tɔɔ, nui lɔpee ta hvo pai tələnmolaa hɔlɔɓoi dɔ́n bɔ yíiɓoɔ hu.

Korɛntə dɔlɔɔ 1:22

Ɉuifəɠaa di kaa kpalo mɛ̨nį hvɛlii, Grɛkəɠaa diɛ kilikɛɲəi kwɛli;

Lomaŋ 2:4

A wala kɛti, ə́ ɲɛ̨i tɛɠɛ ɓoɔ ɓə mɔ̨ɔ̨ Yálá nwɔ mɛ̨inɛ̨ɛ̨ pələ da nwɔ lii kpələ hu? Hvo gɔlɔn yɛ mɛ̨inɛ̨ɛ̨ ti gaa gɛi yɛ, gaa gɛi ti, ə gɛ, ə́ ə́ hɔn mąąhvalin?

Lomaŋ 1:14

Gwələi kaa mą́ą́, ya ɓaa ŋį́ Yálá lawoo laa həli nu kəlee ɓa; nu ə kɛ a yíi lɔwɛi mun, ə mą kɛ a taalee hu ɓomun. Nu ə kɛ a mɛ̨nį kɔ́lɔn mun, ə mą kɛ a nui hvo mɛ̨nį kɔ́lɔn.

Gɛlaɠaa 28:23

Da diɛni di kuu hee, ɲələ həliɛ, di pa ɲəi bɛlɛ́n a di kpulu kɛnɛ̨. Gɛɛ nwoo hukulɔi, ə Yálá ŋą tɔɔlaai mąą kɛla hvaa ɓo, yɛ gɛ pələ kwɛli mą, ə gɛ, di yee hee Jesus mąą mɛ̨nį mu. Ə gɔwɔ tɔɔ Moisə nwɔ tɔ́n ɉɛɓɛ́i ɓa, da Yálá kwəi mɛ̨nį hukulɔ nuą di wɛiɠaa; di tuwɔ ɉu, ə həɠə yələwala pɔ ɓa, ə həli la yələwulii pɔ ɓa.

Gɛlaɠaa 16:31

Di nwoo ɲąąpənə diɛ mą: «Yá laa gu Ną́mu Jesus la, yá ɓalo, yɛ́, ka ə́ yəi bɛlɛ́n nuą.»

Gɛlaɠaa 10:43

Yaa ti ɓə Yálá kwəi mɛ̨nį hukulɔ nuą di mąą kɛla hvaa ɓo, diɛ kɛ mą: Nui lɔpee a mąą mɛ̨nį kaa a tɛ̨ą, mąą nui ŋą nɛ̨ŋɛ̨n mąą hvaa a lɛɛ Naa hu.»

Gɛlaɠaa 8:25

Piɛrə da Ɉaan di kpɛɛ a gɛla hvaa ɓoɔ da gu Ną́mu lawoo laa həliɛ, di di pulu pənə diɛ li Ɉerusalɛmə, diɛ nwɛlɛɛ lɛlɛɛ laa həli Samari lɔi hu taa tamąą hu nuą diɛ.

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Gɛlaɠaa 2:40

Piɛrə ə mɛ̨nį tamąą ɓo diɛ, yɛ di kilaa pono, yɛ di hvaŋąlɔ, yɛ kɛ diɛ: «Ka hvaa mą ka ka yee hee ka ɓalo mɛ̨nį mu, ka kulɔ nwun napili nuą pɔ.»

Ɉaan 20:31

Kɛlaa, di yiiɠaai ŋɛ̨i bɛ̨ɛ̨ ə gɛ ka laa na ka diɛ: Jesus ɓə gaa a Kristə, gaa a Yálá Lon. Ɛlɛɛ ka laa na yɛnɛ̨ɛ̨i kpɛɛ hvo mą ka ɉɔlɔɓo naa hu.

Ɉaan 3:36

Nui a laa Non na, a yɛnɛ̨ɛ̨ hva kpɛɛ hɔlɔɓo; nui a wala laa Non na, hva yɛnɛ̨ɛ̨ hva kpɛɛ hɔlɔɓo, kɛlaa, Yálá nwɔ liiɲąnwąną a kɛ bulu.

Lukə 15:10

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a hvaa mą ə bulu tɔɔ gɛ nɛ̨ŋɛ̨n ma, pələ kpɔlɔɔ ɓə kwəinɛ̨ɛ̨ a kɛ la Yálá nwɔ malakaɠaa yəi.»

Lukə 15:7

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a ɉɔn mąąhvalin, kwəinɛ̨ɛ̨ kɛnɛ̨ a kɛ Yálá-taa, nui tii mąą mɛ̨nį ɓa, ə tɛɛ telmo nuą pow mɛ̨inąąn kɔ́w mɛ̨inąąn ɓa, diɛi di hɔn mąąhvalin mɛ̨nį niihɛlɛn və diɛ.»

Lukə 13:5

Gáá moi kaa, ka wala ka hɔn mąą hvalin, ka haa kpɔlɔɔ yɛ bələi tii di haa la.»

Maafîu 3:2

Yɛ kɛ mą: «Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin, Yálá-taa tɔɔlaai mąą aa kpuwɔ!»

Kolosə 2:5

Ə mą kɛ, gbínį hvo ka lɔwai, kɛlaa, gáá laa a gíli, gɛ́ ká yee kɛ mɛ̨nį ka kɛ tíi ɓa kpɔ tii kpąą, a laa na laa Kristə ɓa, gwəinɛ̨ɛ̨ kulɔ.

Gɛlaɠaa 24:24

Yíi kuu hveelɛ kulaa ɉu, Felisə da nɛ̨ą Drusilə Ɉuifə mun, di Polə təli, diɛ kɛ mą, nu laa mɛ̨nį Jesus Kristə la, mɛ̨nį ŋɛ̨i yá kɛ moi, kuɔ ku da mɛ̨n.

Gɛlaɠaa 19:17

Efɛsə nuą kəlee, da Ɉuifəɠaa, ə mą kɛ Grɛkəɠaa di mɛ̨nįi ti bələ mɛ̨n, di ɲɔw kpɔ kɛnɛ̨, diɛ gu Nąmu Jesus laa mąąwiɛ.

Lukə 16:28

Ną́n nonnii lɔɔli kaa laa, ə di kilaa pono, əgɛ, diɛ kpɛli di hvo pa pa mɔ̨nɔ̨ kɛnɛ̨i ŋɛ̨i hu ɓɛ.›

Gɛlaɠaa 20:23

Kɛlaa gílí kaa ɉu, gɛ́ Kili-Mąąhəɠɛɛ kaa moi mą́ą́ daa tɛitɛi hu, yɛ, yɔwɔn da mɔ̨nɔ̨ ɓə mą́ą́ kpɔn ɉi.