Gɛlaɠaa 20:16 - Yálá laawoo hɛɓɛ (dc)

¹⁶ Yaan, Polə ə naa gwəi ə Efɛsə taa mąąlaa, hva tɔɔ kɛ laa, ə gɛ, hvo pa lɔwai tamąą kɛ Asi lɔi hu. Ə mąą hulɔ ə gɛ Pantəkotə hɛli ə ɉɔlɔɓo Ɉerusalɛmə.

Yálá laawoo hɛɓɛ

¹⁶ Yaan, Polə ə naa gwəi ə Efɛsə taa mąąlaa, hva tɔɔ kɛ laa, ə gɛ, hvo pa lɔwai tamąą kɛ Asi lɔi hu. Ə mąą hulɔ ə gɛ Pantəkotə hɛli ə ɉɔlɔɓo Ɉerusalɛmə.

Bible

¹⁶ Pɔ̂ɔ è gbɛ̀tɛ gíli ŋá a gɛ́ɛ é yá ŋá-keleŋ siɣe é tɛ́ɛ a Ɛfesɛ pere, kpɛ́ni fêi, vé kɛ́ ní ŋ̀wɛ̂lii é tɛ́ɛ a Eesia pere va lâ tûa la naa. È kɛ̀ liî a maa félaa, a gɛ́ɛ é seri Zerusâlɛŋ a Pɛŋtekɔ ɣele.

Gɛlaɠaa 20:16 Referans Kwoze

Korɛntə dɔlɔɔ 16:8

Kɛlaa, gáá pai lɛɛi ɓɛ Efɛsə daai, ə lɛɛ la ɉu Pantəkotə lɔwai.

Gɛlaɠaa 2:1

Pantəkotə hɛli həliɛ, galan nɛai ti kəlee ɲąąkpɔn ŋąą i kɛ kɛɛnąą tɔ̨nɔ̨ ɓa.

Gɛlaɠaa 19:21

Mɛ̨nįɠaa ti tɛɛ pulu, Polə ə kɛ bɔ ə Masedoanə huɓɔ da Akaiə taa, yɛ li Ɉerusalɛmə. Ə mo yɛ diɛ: «Ŋą́ pa həlii la, hvo kɛli ŋį́ li Romə kpɛlimąn.»

Gɛlaɠaa 24:17

«Gwɛlan damąą kulaa ɉu, ŋą pənə ŋį́ pa nwɔ́ nuąi pɔ a mɛ̨inɛ̨ɛ̨ wali da Yálá kɔ wali.

Gɛlaɠaa 21:4

Ku laa na nuą kaa laa daai, kwa diɛni ku lɔwɔ tɔ̨nɔ̨ kɛ ku kee ɓa. Yálá ə nuą tii kili ɲa pono, di mo Polə ɓa diɛ mą: 'Hvó kɛ ə́ kaa lii Ɉerusalɛmə.

Gɛlaɠaa 20:22

Yiihu kɛa, gáá a Kili-Mąąhəɠɛɛ ŋą gaho nąmu, ɲą́ą́ ka lii Ɉerusalɛmə, mɛ̨nįi lii laai mą́ą́, və́ gɔlɔn.

Gɛlaɠaa 20:13

Ku wɛi, kwə li tɔwɔ ku tɛ kələn da ɉu yɛ li Asɔsə, nąą ɓə gu Polə kpəɠə laa. Yili ɓə nwɛli ə kɛ mą, mąąhɔlɔɓo, ə kɛ bɔ ə tɛɛ gɔwɔ ŋą pələ.

Gɛlaɠaa 20:6

Ku wɛi, ku həɠə Filipə daai kələn ɉu, nɛɠɛi dɛ-hɛn və ɉu mąą hɛli puɔ pulu, ɛlɛɛ, hvoló lɔɔli kulaa ɉu, ku həli diɛ Troasə, ku lɔwɔ́ tɔ̨nɔ̨ kɛ laa.

Gɛlaɠaa 18:21

Kɛlaa ə ɲələ wala too diɛ a nwoo ŋɛ̨i, yɛ diɛ: «Gáá pai pənəi ŋį́ pa ká pɔɔli, a yələ takpɛli, akɛ Yálá a hvaa mą.» Polə ə tɛ gələn ɉu, ə həɠə Efɛsə daai.

Gɛlaɠaa 18:19

Di li Efɛsə daai, nąą ɓə Polə da ɓɛlaa di di ɓɛlaɓo laa. Nwɛi, ə li Yálá hvɛli pɛlɛ́ mu, yɛ pə́lə́ ɓo laa Ɉuifəɠaa diɛ.

Lɛɛ gbɔwɔ ɓa 34:22

«Mąąnɛ̨ɛ̨ ka nɔwɔ mɛ̨ihveelɛ hɛli pu a ɉihɛn dɔlɔɔ kulɔi lɔwai, ɛlɛɛ, ka mɔ̨nun dee hɛli pu, a gwɛlan naa kulɔi lɔwai.

Gɛlaɠaa 12:13

Piɛrə ə gbon gɛlɛ, kólo kɛ nɛ̨ɛ̨nu ta ə kɛ laa diɛ kɛ mą: Rodɛ, ə pa ə nwəli mąąlaŋąn gbon ma.

Gɛlaɠaa 16:6

Polə da Silasə di Frizi lɔi da Galatə lɔi hu hiɛ, mąąhɔlɔɓo, Kili-Mąąhəɠɛɛ aa kɛ kpɛ̨ąn di tɔwɔ Yálá lawoo laa həli mɛ̨nį ɓa Asi lɔi hu.

Gɛlaɠaa 19:1

Ɓɛlɔwai Apɔlɔsə ə kɛ la Korɛntə daai, nąąlɔwai ɓə Polə ə paa la Efɛsə, yɛ həɠə ɲá nwuɔ̨ lɔi hu pələ. Lii ə mo, ə kalan nɛa taɠaa kaa laa.

Gɛlaɠaa 20:4

Nuąi da diɛni di kɛli ɉiɛ kulɔ, diɛ ɓaa: Sopatrɔsə, yai kɛ a Pirusə lon, a Bere daai mun, Aristarkə da Sekundusə yai kɛ a Tesalonikə daai mun, Gaiusə yai a Dɛrbe mun, da Timote, ɛlɛɛ nwɔ̨nɔ̨, Tisikə da Trofimə, diɛi a Asi lɔi hu nuą.

Gɛlaɠaa 20:18

Ɓɛlɔwai yiliɠaai di paa la, ə mo diɛ, yɛ diɛ: «Gu kɛɛ ɓɛ gu kee ɓa, bələi ŋį́ túwɔ́ la, ə gɔwɔ tɔɔ volói ŋį́ lɔ la ɓɛ Asi lɔi hu, ka gbaɠala kɔ́lɔn.