Gɛlaɠaa 2:35 - Yálá laawoo hɛɓɛ (dc)

³⁵ Ə lɛɛ la ɉu, ŋą́ ə́ yowoɠaa pɛlɛ ə kɔ́wɔ mu yɛ haɠa.›

Yálá laawoo hɛɓɛ

³⁵ Ə lɛɛ la ɉu, ŋą́ ə́ yowoɠaa pɛlɛ ə kɔ́wɔ mu yɛ haɠa.›

Bible

³⁵ é lɛ́ɛ la zu ŋa íkpɔara-ƃelai pú íkɔɔ mu.” ’

Gɛlaɠaa 2:35 Referans Kwoze

M̀ɛni-lɛɛi 19:19

Ɛlɛɛ, ŋį́ ɉuwɔi tii kaa, lɔi mɛ̨i tɔɔɓɛlaa da di wɔɔ kɔlaɠaɠaa, di ɲąąkpɔnŋąą diɛ pa kɔ pɛlɛi, ɉoo mɛ̨imun da nwɔ kɔlaɠai ɓa.

Lomaŋ 16:20

Ɉu hvo kɛa kwɛa li Liilaa-Yálá, yɛ pa ɓilihi nwun nwoloi ka kɔ́wɔ mu. Gu Ną́mu Jesus nwɔ mɛ̨inɛ̨ɛ̨ ə kɛ ka pɔ!

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Azaya 59:18

Bələi lɔ da túwɔ́ la, bələ lɔ ɓə da di hvɛla kulɔ la, ə líiholi hee nuąi da tɔɔ na diɛ, yɛ nwąną kulɔ ɲowoɠaa diɛ. Gaa pai nwąną kulɔi gboloyá hɛ̨ąi lɔiɠaa diɛ.

Mąątɛ̨nɛ̨ 72:9

Gbali lɔi hu nuą kaa pai kɛi kwɛli hvilɛn ɉii mą, ɲowoɠaa diɛ muluun gɔ̨mɔ̨.

Lukə 19:27

Yii ɓaa nuą tii kɛ diɛ, di hvo nwɔ́ tɔɔlaa pɔi, ka pa a diɛ ɓɛ, ka di paa ɲɛ̨́i ɓa.›»

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Mąątɛ̨nɛ̨ 110:1

Yálá mąątɛ̨nɛ̨ wələ. Davidə nwɔ wələ. Mɛ̨nįi Yai-Laa ə mo nwɔ́ mɛ̨nį nąmu ɓa, ya ka: «'Hee mamįiyee hu pələ, ə lɛɛ ɉu, ŋį ə́ yowo kɛ a ə́ kɔ́wɔ tɔɔ kpəlin!»

Gɛlaɠaa 2:34

Mąąhɔlɔɓɔ, Davidə kpinį, hvo tɛ yələkɔlɔn ɉu, kɛlaa, ə mo yɛ mą: «‹Námu Yálá ə mo Ną́mu ɓa yɛ mą: Pa ə́ hee ɲéé lɛlɛɛ mɛ̨i.

Gɛlaɠaa 2:36

«Mąąnɛ̨ɛ̨ Israɛlə nu huwu kəlee di gɔlɔn diɛ kɛ: Jesus ŋɛ̨i ka gbanwo kolɔwa ɓa, ya ɓə Yálá ə gɛ a hɛn gəlee Ną́mu da nuą ɓalomun.»