Gɛlaɠaa 2:27 - Yálá laawoo hɛɓɛ (dc)

²⁷ Mąąhɔlɔɓo, hvó pai nɛ́ɛ́i haaɓɛlaa lɔwai, hvó pai ə́ wɔ mąąhəɠə mun nɛɛi laa yɛ luwun kámą hu.

Yálá laawoo hɛɓɛ

²⁷ Mąąhɔlɔɓo, hvó pai nɛ́ɛ́i haaɓɛlaa lɔwai, hvó pai ə́ wɔ mąąhəɠə mun nɛɛi laa yɛ luwun kámą hu.

Bible

²⁷ Kpɛ́ni fêi, ífe pâi ŋámɔ̂leŋ lɛɛ̂i Saa-taa, kpaa máŋ, í Ímaa-waa-nuui lɛ́ɛ naa zu é kara.

Gɛlaɠaa 2:27 Referans Kwoze

Mąątɛ̨nɛ̨ 16:10

Mąąhɔlɔɓo hvó pai nɛ́ɛ́i ɲɔ̨muątaa yee kon ma, hvá ə́ wɔ tí mun lɛɛ kámą hu.

Gɛlaɠaa 2:31

Davidə ə nu nwun mąąɓomun nwun mɛ̨nį haa ɓɛlaa lɔwai lɛɛ kwɛaa la, ə gaa, yɛ kɛ: «‹Nu nwun mąąɓomun Yálá ə naakwɛlanmo, hva pɛli kɛ lɛɛi ɲąmuątaa yee kɔn ma, ɛlɛɛ, gɔlɔ hva pɛli kɛ luwun ɉii kámą hu.›

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

M̀ɛni-lɛɛi 20:13

Gboloyá ə pa a nwɔ haa nuą. Haa da ɲąmuątaa, di pa a di wɔ haa nuąi, ɛlɛɛ, di gəlee kiti tee yɛ bələi di túwɔ́ la.

Korɛntə dɔlɔɔ 15:55

«Haa! Ə́ wɔ yeetɛɛmąąlaa kaa kɛa mį? Haa! Ə́ təli kaa mi?»

Korɛntə dɔlɔɔ 15:52

lɔ tii tanɔ̨n, a nu ɲɛ̨i yalima tanɔ̨n, a dúlú kpɛli hvɛɛi lɔwai. Gbala ə tɔɔ, dúlú woo a pa tɔɔi haa nuą da nwun a di mąąhəɠɛɛ, ɛlɛɛ, guɔn, gu mąą ə hvalin.

Ɉaan 11:39

Jesus yɛ diɛ: «Ka gwɛni həɠə gámą la.» Lazarə mąąhala Martə yɛ Jesus ɓa: «Ną́mu, gun gaa kɛa ma, mąąhɔlɔɓo, háá ɓaa voló nąąn.»

Mąątɛ̨nɛ̨ 86:13

Mąąhɔlɔɓo yáá nwɛ́lilakɛ kɛnɛ̨, ɛlɛɛ, yáá gúlɔ ɲąmuątaa yəi.

M̀ɛni-lɛɛi 3:7

Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ:

Zɔ̂ŋ Maa-ŋuŋ 2:20

Yii ɓaa ká wɛi, daa ká mąątí, Mąąhəɠəmun ɓə ká mąątí, ɛlɛɛ, ká kəlee ká kili kaa tii ɉu.

Lukə 4:34

Yɛ kɛ mą: «Ee! Jesus Nazarɛtə mun, lə ɓə yɛ ə́ gɛ a kuɔ? Akɛti, ə́ pa kɛa ku nwun na pili mɛ̨nį ɓa li? Ŋą́ ə́ kɔ́lɔn ə́ kaa a Yálá nwɔ tímun.»

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Markə 1:24

«Lə ɓə ə́ kaa bɔ ə́ gɛ a kuɔ, Jesus Nazarɛtə mun? Ə kaa bɔ ə́ ku nwun napili? Ŋą ə kɔ́lɔn, gɛ́: Ə́ kaa a Yálá nwɔ nu mąąhəɠɛɛ.»

Maafîu 11:23

Kafarnaumə taa yɛ́ kpɛli, gaa ə́ kwəi di kaa pai ə́ tɛnɛ̨i mɔ̨ɔ̨, di ə́ tɛ yələi? Kpaa-o! Di kaa pai ə́ ɲɛ̨i hvalai ə́ yɛɛ ŋąmuą taa. Mąąhɔlɔɓo, gbalo mɛ̨nįɠaai kɛ ə́ hu, akɛ tii kɛ Sodomə, yɛ mą gaa ni yɛnɛ̨ɛ̨ yiihu.

Zôna 2:6

Ɲá ə tɛ gwą́ną, gboloyá ə nwún mɛ̨i pu. Ɲái tumɔɠaa di kpįnįn nwún ma

Mąątɛ̨nɛ̨ 116:3

Ɲílɛɛi kɛ a haa nwɔ yɛliɠaa, ɲąmuątaa nwɔ kpɔ̨nɔ̨ɠaai daa kɛ ɉón, liihɛlɛn, liikələn gwəi, daa kɛ hee mą́ą́.

Mąątɛ̨nɛ̨ 89:19

Ku mąąkpɛ gbala kaa ə́ yee, Yai-Laa! Ku wɔ tɔɔmun ə ɓo, Israɛlə nwɔ Mąąhəɠə mun yee kɔ́nma.

Mąątɛ̨nɛ̨ 49:15

Di puɔi di kee mɛ̨i ɲąmuątaa yɛ ɓɛlaaɠaa, haa ɓə a pələ kulɔ a diɛ, yɛ bələi taatɛlɛɛ mɛ̨i kaamun a gɛ la a nwɔ taatɛlɛɛɠaai. Yələ a kɛ gaa ɓɔi, kwəikwələ nuą diɛ hee di mɛ̨i, di mąąnįnįn gbɛɛi ɓaa ɲąmuątaa; di mąąkwɛa di wɔ tɔɔ pɛlɛ́ɠaai diɛ.

Gɛlaɠaa 4:27

«Mąąhɔlɔɓo, gaa a tɛ̨ą, Herodə da Pɔnsə Pilatə di di yee lɔ gee hu ɓɛ daai, da nwea, ə mą kɛ da Israɛlə nu huwu, ə gɛ, di kɔ́ pɛlɛ Yálá nwɔ tímun Jesus ɓa, yaai Yálá ə ɉəɠə ɉu ə gɛ a nuą Nwun mąąɓomun.

Gɛlaɠaa 3:14

Ká lənə Mąąhəɠəmun tələnmoɔ ɓa, ɛlɛɛ, kaamun ká kɛɛkalamun ɉu hvɛli, di dɛɛ ka pɔ.

Lukə 16:23

Ɉɛn gɔw nąmui tii, ə yɛɛ ŋąmuą taa, yɛ mɔ̨nɔ̨ mį́į́ kpɔ laa a mɔlɔɔ. Ə nwun muhəɠə, ə Abrahamə kaa Lazarə yɛ ɓo gwɛlɛ.

Lukə 24:44

Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Gɛlaɠaa 2:26

Yili ɓə gɛi, níí laahvɛɛ a mɛ̨inɛ̨ɛ̨, ə lɛɛ gwəinɛ̨ɛ̨. Ə mą kɛ gɔ́lɔ hvii aa kpɛɛ, ŋį́ vįitɔɔ kilitɔɔmąąlaa hu.

Gɛlaɠaa 2:28

Bələi nu ya tɛɛ la ə́ yɛnɛ̨ɛ̨ kɛ, yaa yili lɛ mą́ą́, ya kɛ gwɛ́lɛ, yili ɓə a nááhvɛɛ a kwəinɛ̨ɛ̨.›