Gɛlaɠaa 19:23 - Yálá laawoo hɛɓɛ (dc)

²³ Nąąlɔwai, gu Ną́mu Jesus nwɔ pələi mąą mɛ̨nį ɓa, hvaa kɛnɛ̨ ə too nuą lɔwai.

Yálá laawoo hɛɓɛ

²³ Nąąlɔwai, gu Ną́mu Jesus nwɔ pələi mąą mɛ̨nį ɓa, hvaa kɛnɛ̨ ə too nuą lɔwai.

Bible

²³ Maa tãi tɔnɔi tí mɛni kpɔ̂lu mɛni támaa làa Ɛfesɛ-ƃelai dîa é pîlaŋ Berei ma.

Gɛlaɠaa 19:23 Referans Kwoze

Gɛlaɠaa 24:22

Felisə ə kɛ a Gbaalə nįnɛ̨i tii mąą mɛ̨nį kpaɠala kɔlɔn gbɔ a nɛlɛɛ, yili ɓə gɛ ə mɛ̨nįi tii mąą hon, yɛ diɛ: Gáá pai ká wɔɔ mɛ̨nįi ta ɓoi, ɓɛlɔwai ɉolahi nwun nąmu Lisiasə a paa la.

Gɛlaɠaa 19:9

Kɛlaa, nu taɠaa di kɛli di kili walawala, di hvo kɛli tí, di hvo nwoo kaa a tɛ̨ą, yaamun, di kɛli Yálá nwɔ pələi laa ɲɔ̨nwɔ̨ɔ̨ɓo ɲąąkpɔn ɉu; yili ɓa, Polə da nuąi tii di taɠa. Yili pulu, ə galan nɛa həɠə, yɛ kalan gɛ diɛ hvoló tɛitɛi yee mu Tiranɔsə nwɔ lakwɛli kələi mu.

Gɛlaɠaa 9:2

ə hɛɓɛ́ hu hvɛli ɉaláá laa həli mun gɛnɛ̨ ɓa, yɛ pɛli lɔi la Yálá hvɛli pɛlɛ́ɠaa mu Damasə. Ə gɛ, a nuą kaa laa di ɓo bələi ti mɛ̨i, ə kɛ a hulɔnu, ə kɛ a nɛ̨ɛ̨nu, ə di hon, ə pa a diɛ Ɉerusalɛmə, a di yili.

Korɛntə veelɛ 6:9

diɛ ku kaa yɛ nuąi kɔlɔn və diɛ, yá pa, ku kɔlɔnŋąą, diɛ ku kaa yɛ haa nuą, yá pa, ku kaa yɛnɛ̨ɛ̨, da ku mɔ̨nɔ̨ɓo, kɛlaa, di hva ku paa,

Gɛlaɠaa 24:14

Kɛlaa, yii gíli kaa ɉu, ya ka: Gáá ku nąnni di wɔɔ Yálá ŋą kóló ɓa, yɛ bələi Gbaalə nįnɛ̨i ŋɛ̨i a mo la, yai di wɛi, di kaa gaai a: Lɛɛ kpaalə. Mɛ̨nįɠaa kpɔ dɔn ɉɛɓɛ́ hu da yiiɠaai kpɔ Yálá kwəi mɛ̨nį hukulɔ nuą di bɛ̨ɛ̨, náái gəlee la.

Gɛlaɠaa 22:4

Nuąi kɛ di hvilɛnŋąą kɛ bələi mɛ̨i, ŋį́ kɛli di mɔ̨nɔ̨ɓo, gɛ́ daɠaa paa, ŋį́ kɛli hinąą da nɛ̨ąą di pu yɛli ɓa, gɛ́ di too gaho ŋą.

Gɛlaɠaa 18:26

Ə kɛli nuą kalan gwəi tɔ̨nɔ̨ mɛ̨i Yálá hvɛli pɛlɛ́ mu. Ɓɛlɔwai Prisilə da Akilasə di nwoo mɛ̨n na, di dəli, da diɛni di hee, di Yálá nwɔ pələi mąą mɛ̨nį hukulɔ kpɔ ma tɛhvɛ-tɛhvɛ.

Korɛntə veelɛ 6:5

kɛlɛ ɓo hu, gaho hu, diɛ nuą ɲąątɔɔ kuɔ, hvįikpɛɛlaa hu, yíikpəlin ɉu, pulu hu,

Korɛntə veelɛ 11:26

Ŋą́ą́ hiɛ tamąą gulɔ gɔ́wɔ́ ɲą, haa aa hvoló mą́ą́ tamąą yá-kpɛa-kpɛaa ɲą, ŋą́ą́ kulɔ toomɛ̨i kɛ nuą yee mu, ŋą́ą́ kulɔ gááyɔwɔɠaai a ną́n nonnii di yee mu, yiiɠaai di hvo a Ɉuifəɠaa di yee mu, ŋą́ą́ tɛɛ mɛ̨nį kpɔluɠaa hu daa-leeɠaa hu, nɔi pun ɉu, gboloyá ɲą, hu hveelɛ nuą yee mu!