Gɛlaɠaa 19:18 - Yálá laawoo hɛɓɛ (dc)

¹⁸ Nuą ti kɛ a laa na nuą, damąą di kɛi pa, mɛ̨nįi kpɔ daa gɛ, diɛ mo nu kpɔn ɉu.

Yálá laawoo hɛɓɛ

¹⁸ Nuą ti kɛ a laa na nuą, damąą di kɛi pa, mɛ̨nįi kpɔ daa gɛ, diɛ mo nu kpɔn ɉu.

Bible

¹⁸ Ǹúui dámaa ɣele, nyíi-ŋai làa lai, dí pà dí dísɔnyɔ̂ŋ-ŋai ƃó, dí díkɛ-mɛni-ŋai lɛ́.

Gɛlaɠaa 19:18 Referans Kwoze

Lomaŋ 10:10

Mąąhɔlɔɓo, nu a laa na nii hu, a kɛ a tələnmomun, ɛlɛɛ, yɛ́ mo a ə́ laaləi ə́ nwun mąą a ɓo.

Maafîu 3:6

Diɛ hvaa di kɛ nɛ̨ŋɛ̨n ma nu kəlee ɲɛ̨i ɓa, Ɉaan yɛ di mąąwaa Ɉurdɛn yá hu.

Mąątɛ̨nɛ̨ 32:5

Ŋą́ą́ hvaa ɉɔn ma ə́ ɲɛ̨i ɓa, və́ nwɔ́ nɛ̨ŋɛ̨n loo li yɛ́, ŋą́ kɛ diɛ: «Gáá hvaai ɉɔ́n ma Ną́mu ɲɛ̨i ɓa», ɛlɛɛ, yɛ́n, yáá nwɔ́ nɛ̨ŋɛ̨n nwuɛ həɠə nwúɔ̨.

Zɔ̂ŋ Maa-ŋuŋ 1:9

Akɛ gwa hvaa gu wɔ nɛ̨ŋɛ̨nŋaa diɛ, kulɔ nwoo ɓa laa da tələnmo laa hu, yɛ Yaa, a gu wɔ nɛ̨ŋɛ̨nŋaa mąąhvaalɛɛ, ɛlɛɛ, yɛ gu wɔ tuwɔ pələ ɲɔ̨nŋaa kəlee waa guɔ.

Izikiɛ 36:31

Ka kɛi ka kiliŋąhiɛ, ka wɔ pələ ɲɔ̨nwɔ̨ɔ̨ɠaa diɛ, da ka kɛ mɛ̨nįɠaai tii di hvo kɛ lɛlɛ li di hu, káá kpinįi ka káá pai nwumɛ̨i, ka wɔ nɛ̨ŋɛ̨nŋaai mąą mɛ̨nį ɓa, da ka wɔ túwɔ pələ ɲɔ̨nŋaai.

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Ɉeremi 3:13

Kɛlaa, ə mą kɛ tii, hvaa ə́ wɔ túwɔ́ pələ ɲɔ̨n ma. Yai-Laa ə́ wɔ Yálái ka tii ə́ ə́ kwɛli tee mą. Ə́ hvilɛn ŋąą nwɛ̨ąą pulu, kaa li pələ kəlee pɔ; kaa li wulu laa huwia kəlee mu; hvó kɛ ə́ wəli tɔɔ li nwóó ɓa. Ɲą́ą́ Yai-Laa nwóó li!

Hanwon 28:13

Nui a ɉɔn noo, hva tɛ tɔwɔ. Kɛlaa, nui a hvaa ɉɔn ma, ə kpəla mą, mąą nu ɓə Yálá a ɲɛ̨imąąwɛli kaa.

Levetekɔ 26:40

«Kɛlɛɛ, di kaa pai hvaai di hɔn ma, da di nąnni, diɛ kɛ daa nɛ̨ŋɛ̨n ɉəɠə mą́ą́, daa tɔɔ Ná.

Levetekɔ 16:21

Aarɔn a molu hilɛi tii lɛɛ a vulú, ə ɲee hveelɛi pɛlɛ nwuɔ̨, ə Israɛlə lonnii hɔnŋąą kəlee ɓo, da di wɔ woo tee ŋą mɛ̨nįɠaa kəlee da di wɔ kwɛli tee laa kəlee, yili ɓaa di wɔ nɛ̨ŋɛ̨n gəlee; ə gəlee pu molu hilɛi tii nwuɔ̨, yili pulu, ə nu ta kulɔ, yili ə molui tii hon, ə li la nɔi pun ɉu.

Gɛlaɠaa 19:17

Efɛsə nuą kəlee, da Ɉuifəɠaa, ə mą kɛ Grɛkəɠaa di mɛ̨nįi ti bələ mɛ̨n, di ɲɔw kpɔ kɛnɛ̨, diɛ gu Nąmu Jesus laa mąąwiɛ.

Gɛlaɠaa 19:19

Pə́nə́n gɛ nuą kpulu tamąą di kɛi pa a di wɔ pə́nə́n gɛ hɛɓɛ́ɠaa, diɛ gələn nu kəlee ɲɛ̨i ɓa. Ɉɛɓɛ́ɠaa ti di hɔ̨nwɔ̨ kwɛdɛnŋąą a pɛli kɛ kɛi yɛ: wali kwələ waa pow lɔɔli.

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.