Gɛlaɠaa 18:8 - Yálá laawoo hɛɓɛ (dc)

⁸ Krispusə, yai a Yálá hvɛli pɛlɛ́ nwun nąmu, ə laa gu Ną́mu Jesus la da ɲee bɛlɛ́n nuą, ɛlɛɛ, Korɛntə daai nuą tamąą, diɛi kɛi di wəli tɔɔ Polə woo ɓa, di laa Jesus la, di di mąąwaa.

Yálá laawoo hɛɓɛ

⁸ Krispusə, yai a Yálá hvɛli pɛlɛ́ nwun nąmu, ə laa gu Ną́mu Jesus la da ɲee bɛlɛ́n nuą, ɛlɛɛ, Korɛntə daai nuą tamąą, diɛi kɛi di wəli tɔɔ Polə woo ɓa, di laa Jesus la, di di mąąwaa.

Bible

⁸ Ŋ̀âla-fɛli-kerei mɛi-nuui Kulepɔ è làa a Kúnuu-namui da ŋɔpɛ́rɛi mu-ƃelai kélee. Kɔleŋ-ƃelai dámaa dí Pɔ̂ɔ wóo mɛni dí láa la dí batâi sɔlɔ ƃó.

Gɛlaɠaa 18:8 Referans Kwoze

Gɛlaɠaa 11:14

Mɛ̨nįɠaai pai pai ə́ wɔ pɛlɛ́i pɔ a ɓalo mɛ̨nį, a pa, gaa pai ɉukulɔi yɛ́.

Gɛlaɠaa 8:12

Kɛlaa, laai kɛa di kɛli mo Filipə la, yai kɛi Yálá ŋą tɔɔlaa mąą wəlɛɛ lɛlɛɛ laa həli, da Jesus Kristə laa, di di mąąwaa, hinąą mąn nɛ̨ąą mąn,

Gɛlaɠaa 18:17

Nąąlɔwai, di kəlee di wolo Sostɛnə ɓa, yai a Yálá hvɛli pɛlɛ́ nwun nąmu, di ɉu gɛlɛ laa gití pɛlɛ́ laaləi. Galiɔn ɲɛ̨i hvo mąn kɛ nąą bələ.

Gɛlaɠaa 16:34

Ə Polə da Silasə ni həɠə, ə li a diɛ ɲəi bɛlɛ́n, ə kɔ̨nɔ̨n dɛɛ di pɔ. Da ɲəi bɛlɛ́n nuą di kɛ kwəinɛ̨ɛ̨ hu, mąąhɔlɔɓo, daa di yee hee Yálá mąą mɛ̨nį mu.

Gɛlaɠaa 13:15

Dɔ́n ɉɛɓɛ́ da Yálá kwəi mɛ̨nį hukulɔ nuą di wɔ hɛɓɛ́i ɓoɔ pulu, Yálá hvɛli pɛlɛ́ nwun nąmįną di nu tɔɔ di pɔ, diɛ kɛ diɛ: «Ku nąn nonnii, liɛwoo a kɛ ka la, káá kɛ ká mo nuą diɛ, bələ kaa ká yəi.»

Gɛlaɠaa 10:2

Dələnmoɔ kɛ yɛ ɲɔw Yálá ɓa da ɲəi bɛlɛ́n nuą kəlee. Ə kɛli mɛ̨inɛ̨ɛ̨ kɛ Ɉuifəɠaa diɛ, yɛ Yálá hvɛli a yələ kəlee.

Markə 5:35

Ɓɛlɔwai Jesus ə kɛi mɛ̨nįɠaa tii ɓo la, wɛlɛɛ ɓo nuą di həɠə Ɉairusə yei bɛlɛ́n di pa diɛ mą: «Ə́ lon aa haa. Hvó mąąkwɛli kɛmun hviikpɛɛ.»

Markə 5:22

Yálá hvɛli pɛlɛ́ nwun nąmu ta yii da kɛ naa ɓa a Ɉairɔsə, ə pa ə pɛlɛ Jesus kɔ́wɔ mu.

Maafîu 28:19

'Ka li yɛnɛ̨ɛ̨ nąą kəlee, ka nu kəlee kalan, ka di kɛ a nwɔ́ kalan nɛa. Ka di mąąwaa Ną́n Yálá da Non da Kili-Mąąhəɠɛɛ laa hu.

Zasua 24:15

Akɛ awala laa a ka lii, ka hvo tí Yai-Laa ɓa, ka ka liiɓa həɠə háákələi! Akɛ ɉaliɠaa ŋɛ̨i wɔlɔ ka nąnni di kɛi kwɛli hvilɛn mą ɲá lee pulu pələ ya ɓə, awala kɛ tii, Amɔrə nuą di wɔ lɔi ŋɛ̨i ka káá heeni ɉu, di wɔ haliɠaa. Nwɛ́i, ɲą́ą́ kwa ɲə́ bɛlɛ́n nuą, ku kaa tíi Yai-Laa ɓa.»

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Zɛnɛse 17:27

Ə mą kɛ da ɉinąąi kpɔ kɛ ɲəi bɛlɛ́n, nuwɔ yiiɠaai hɔlɔɓo ɲəi bɛlɛ́n, da yiiɠaai ə di ya nwɛ̨ą yəi, di gəlee hee kɛ́nɛ̨ ɓa a volói tii.

Gɛlaɠaa 18:1

Həɠəi Polə ə mo Atɛnə daai, Korɛntə daai ɓə ə li laa.

Gɛlaɠaa 19:1

Ɓɛlɔwai Apɔlɔsə ə kɛ la Korɛntə daai, nąąlɔwai ɓə Polə ə paa la Efɛsə, yɛ həɠə ɲá nwuɔ̨ lɔi hu pələ. Lii ə mo, ə kalan nɛa taɠaa kaa laa.

Korɛntə dɔlɔɔ 1:2

gbɔn ɓa, yai gaa Korɛntə daai, da nuąi Yálá aa di mąąhəɠə, Jesus Kristə hu, diɛi di təliɛ di kɛ mɛ̨nį ɓa a nu mąąhəɠɛɛɠaa, ə pɛlɛ la nuąi kpɔ da kɛ gu Nąmu Jesus hvɛlii a naa, ɓɛi lɔpee, yɛ ɓo a di Nąmu da kuɔ kpɛlimąn ku wɔɔ;

Korɛntə veelɛ 1:1

Ɲą́ą́ Polə, ə laa a Yálá lii, ə də́li, əgɛ, ŋą́ kɛ a Jesus Kristə ŋą tímun, kwa gu nąn non Timote ɓə ɉɛɓɛ́i ŋɛ̨i tɛɛi Yálá ŋą kpɔn ɓa, yai gaa Korɛntə, ə mą kɛ, galan nɛai di kaa Akaiə nąą kəlee.

Korɛntə veelɛ 1:23

Yálá ɓaa a nwɛ́i gɛla, akɛ gáá lɛɛ kɛi, ə báá; mɛ̨nįi gɛ və́ búlú pənə la, və́ paa la Korɛntə daai, nwun mąą: Ka lɛɛ ka ɓɛlɛ mɛ̨i.

Korɛntə veelɛ 6:11

Korɛntə nuą, ku pələ ɓo káá a tɛ̨ą, ku ku kwəi kwələ káá kpɔ kɛnɛ̨.

Timote veelɛ 4:20

Erastə ə lɛɛ Korɛntə daai, ŋą́ Trofimə lɛɛ Milɛtə daai, gɔlɔi hvo pono li.