Gɛlaɠaa 18:7 - Yálá laawoo hɛɓɛ (dc)

⁷ Ɉəɠɛɛ laa, ə li hulɔnu ta pɔɔli diɛ kɛ mą: Titiusə Ɉustusə yili ə kɛ a Yálá mąąwiɛmun, nwɔ pɛlɛ́i ə kɛ Yálá hvɛli pɛlɛ́ kwɛlɛ.

Yálá laawoo hɛɓɛ

⁷ Ɉəɠɛɛ laa, ə li hulɔnu ta pɔɔli diɛ kɛ mą: Titiusə Ɉustusə yili ə kɛ a Yálá mąąwiɛmun, nwɔ pɛlɛ́i ə kɛ Yálá hvɛli pɛlɛ́ kwɛlɛ.

Bible

⁷ Nya ƃe è kùla naa é lí nalôŋ tɔnɔ ŋɔpɛ́rɛi mu. Ǹáa ƃé kɛ̀ a Tâitiɛ Zɔsitɔ. Ǹalôŋ ŋí è kɛ̀ a Ɣâla fɛli-nuu. Ŋɔpɛ́rɛi è kɛ̀ Ŋ̀âla-fɛli-kerei kɔlɛ.

Gɛlaɠaa 18:7 Referans Kwoze

Gɛlaɠaa 16:14

Nɛ̨ąą ti dɔ̨nɔ̨ laa ɓaa kɛ a Lidi, a həɠə Tiatirə daai. Nįnį-kɔlɔ həɠə lɔwɔ́tɔɔmun ni, ə kɛli kwɛli hvilɛn Yálá ɓa. Nwəli tɔɔi kpɔ kɛ kpąą, gu Ną́mu aa kɛ hvaa mą, aa níi laa ɓo Polə woo tɔwɔ.

Kolosə 4:11

Jesus, yai naa mɛ̨i hee ɓaa Ɉustusə, yɛ ká tuwɔ ɓo. Ɉuifəɠaa lɔwai, diɛ tɔ̨nɔ̨ lɔ ɓə kwa diɛni ku yee káá Yálá-taa tɔɔlaa mąą kóló ɓa; diɛi ti ɓə liilaa tɛɛi bɔ́.

Gɛlaɠaa 17:4

Ɉuifə taɠaa di Polə da Silasə di nwoo kaa a tɛ̨ą, ə pɛlɛ la Grɛkəɠaa tamąą diɛ, diɛi kɛi kwɛli hvilɛn Yálá ɓa, da nɛ̨ąą tamąą, a laa-nąmįną kpɛa-kpɛaa.

Gɛlaɠaa 13:42

Di kulɔi lɔwai, di Polə da Barnabasə di huhvɛli, diɛ kɛ, di pənə nwɔ̨nɔ̨, di mɛ̨nį tɔ̨nɔ̨i ti ta ɓo diɛ, a bulu ɓa hvįįtɔɔ yələ yii pai.

Gɛlaɠaa 10:22

Di nwoo ɲąąpənə diɛ mą: «Ɉolahi nwun nąmui a Kɔrnɛyɛ, ya ɓə ku tɔɔ, tələnmomun ni, naa lɛlɛɛ tɛɛi Ɉuifəɠaa lɔwai. Malaka mąąhəɠɛɛ ta ə mo mą, yɛ mąąnɛ̨ɛ̨ ə ə́ təli ɲəi bɛlɛ́n, mɛ̨nįɠaai ə gaa, ə mo yɛ́.»

Gɛlaɠaa 10:2

Dələnmoɔ kɛ yɛ ɲɔw Yálá ɓa da ɲəi bɛlɛ́n nuą kəlee. Ə kɛli mɛ̨inɛ̨ɛ̨ kɛ Ɉuifəɠaa diɛ, yɛ Yálá hvɛli a yələ kəlee.

Ɉaan 9:31

Gu gɔlɔn kpɔ guɔ diɛ: Yálá hva nɛ̨ŋɛ̨n ɉəɠə nuą woo pulu pənə. Kɛlaa, nui a Yálá mąąwiɛ, yɛ niiɓa kɛ, ya ɓə Yálá a nwoo pulu pənə.

Gɛlaɠaa 13:43

Yii kɛa nuą di taɠa, Ɉuifəɠaa tamąą da nuą takpɛliɠaai kɛi Moisə nwɔ tɔn pɔ yíiɓo, di hvilɛn Polə da Barnabasə di pulu, yiliɠaa diɛn, di kɛli di liɛwooɓo di lono woo hu, di yee kanąn mɛ̨nį ɓa Yálá nwɔ mɛ̨inɛ̨ɛ̨ ɓa.

Gɛlaɠaa 13:50

Kɛlaa, Ɉuifəɠaa di pili Yálá mąąwiɛ nɛ̨ąą kpɛa-kpɛaa, da daa kalanɉonŋaa wəlii, ə gɛ, di hvaa kɛnɛ̨ pɛlɛ Polə da Barnabasə diɛ, di di kpɛ di wɔɔ lɔi hu.