Gɛlaɠaa 18:18 - Yálá laawoo hɛɓɛ (dc)

¹⁸ Polə ə yíi kuu ta wolo kɛ nwɔ̨nɔ̨ Korɛntə daai, yili pulu, ə yələwala too galan nɛa diɛ, ə tɛ kələn da hu yɛ li Siri lɔi hu, yaa, Prisilə ə lɛɛ da Akilasə. Ə mo di nwun gɛlaan Sankre daai, gbala ə tɔɔ, aa ta kɛ yili laakwɛlanmo Yálá ɓa

Yálá laawoo hɛɓɛ

¹⁸ Polə ə yíi kuu ta wolo kɛ nwɔ̨nɔ̨ Korɛntə daai, yili pulu, ə yələwala too galan nɛa diɛ, ə tɛ kələn da hu yɛ li Siri lɔi hu, yaa, Prisilə ə lɛɛ da Akilasə. Ə mo di nwun gɛlaan Sankre daai, gbala ə tɔɔ, aa ta kɛ yili laakwɛlanmo Yálá ɓa

Bible

¹⁸ Nyíŋi pôlu ma Pɔ̂ɔ e ɣele kûu támaa kɛ̀ naa. Nya ƃe e m̀arâai lɛ̀ɛ naa e yá ŋá-keleŋ siɣe da Purisela e pɛlɛ Akoila ma dí li Siria. E ŋuŋ ƃo Sɛ̂ŋ kula, gono-teei mɛni ma e gɛ̀i.

Gɛlaɠaa 18:18 Referans Kwoze

Gɛlaɠaa 21:24

Di həɠə ə́ li a diɛ, di di waa yɛ bələi gu huwu la mɛ̨nį kaa la. Hɛn mąąnɛ̨ɛ̨ di gulɔ, ə́ yili kulɔ, ɛlɛɛ di di nwun galaan yili ɓə a gɛ, nuą kəlee di laa na diɛ, mɛ̨nį ŋɛ̨i di mo a ə́ laa, tɛ̨ą hvəli. Ɛlɛɛ, di kɛ a gɔlɔnŋąą diɛ, yɛ́ kpɛli yá Moisə nwɔ́ tɔ́n pɔ yíiɓo.

Lonon mo 6:18

Nąąlɔwai, nui tii gbɔwɔ laakwɛlanmo Yálá ɓa, nwun nəɠai tii a kɛ nwuɔ̨, da bu gee kaa kələ laaləi, nwun nəɠai tii kɛ nwuɔ̨, naakwɛlanmoɔ Yálá ɓa, a nwun nəɠai tii həɠə, ə bu nɛ̨ɛ̨yɔwɔ laa haláá hɛn tii kələn ɉii nwɔ̨n ɉu.

Korɛntə dɔlɔɔ 9:20

Ŋį́ kɛ Ɉuifəɠaa pɔ, yɛ di ta, gɛ́ pɛli di hɔlɔɓoi a Kristə nwɔɔ. Nuąi Moisə nwɔ tɔ́n yee mu, ŋį́ kɛ yɛ diɛ, yá pa və́ la, ə gɛ, ŋį́ di hɔlɔɓo a Kristə nwɔɔ.

Lomaŋ 16:1

Gáá gu mąąhala Febe mąą mɛ̨nį laa həlii káá, yai a Sankre Yálá kpɔn ŋą tínɛ̨ą.

Gɛlaɠaa 18:2

Niɛ, ə kwiɛn a Ɉuifə ta, diɛ kɛ mą: Akilasə; ə kɛ a Pɔn lɔi hu mun. Ə pa lɔ tii a nįnɛ̨, da nɛ̨ą Prisilə daa həɠə kɛ Itali lɔi hu, mąąhɔlɔɓo, Klodə aa kɛ mo, yɛ: Ɉuifəɠaa kəlee di kulɔ Romə daai; da Polə ni di di yee lɔ kee hu.

Galatə 1:21

Yili pulu ŋį́ li Siri lɔi da Silisi lɔi hu.

Gɛlaɠaa 15:23

Di ɉɛɓɛ́ tɛɛ di pɔ. Ɉɛɓɛ́ hu woo ka: «Gɛlaɠaa, galanɉonŋaa, da gu nąn nonnii, diɛ ku nąn nonni túwɔ́ɓo; diɛi a huwu takpɛliɠaa, di ɓo Antiɔsə Siri lɔi hu, da yiiɠaai Silisi lɔi hu.

Lonon mo 6:2

«'Mo Israɛlə lonnii diɛ, yɛ́ diɛ: «Hulɔnu ta, a wala kɛ tii, nɛ̨ɛ̨nu, a nwoo kwɛlɛ yɛ kɛ diɛ gaa gbɔwɔ tɛɛi Yai-Laa nwɔ kólói pɔ, a nwoo kwɛlɛ, yɛ gbɔwɔ tɛɛ Yai-Laa pɔ,

Gɛlaɠaa 21:3

Ku lɛɠɛɛ Siprə tənən ma, ku dinɉui tii mąą laa ku kɛɓɛyee hu pələ, kuɔ li Siri lɔi hu. Tirə daai ɓə ku tɔɔ laa diɛ diɲɛ̨ kulɔ gələn ɉu.

Gɛlaɠaa 18:26

Ə kɛli nuą kalan gwəi tɔ̨nɔ̨ mɛ̨i Yálá hvɛli pɛlɛ́ mu. Ɓɛlɔwai Prisilə da Akilasə di nwoo mɛ̨n na, di dəli, da diɛni di hee, di Yálá nwɔ pələi mąą mɛ̨nį hukulɔ kpɔ ma tɛhvɛ-tɛhvɛ.

Gɛlaɠaa 15:41

Polə ə Siri lɔi hu ɓɔ, da Silisi lɔi, yɛ gbɔn ɉu nuą hvaŋąlɔ.

Maafîu 4:24

Mąą tin ə too Siri lɔi hu nąą kəlee, diɛ pa bɔ a ɲɔ̨n ɉuwu lɔpee gəlee kɛ nuą, yɛ di kɔ́lɔi pono. Yiiɠaai ɲį́nɛ̨n ə kɛ di pulu, ə mą kɛ, hvɛli-hvɛli ɲɔ̨n gɛ nuą, da kpɛɠi ɲɔ̨n gɛ nuą, ə mą kɛ, kpɛlɛɠɛlɛn ɲɔ̨n gɛ nuą.

Markə 6:46

Yii kɛa Jesus ə nuą tii tɔɔ pələi, ə tɛ yee kpukpu ta tonna yɛ Yálá hvɛli yaa tɔ̨nɔ̨.

Gɛlaɠaa 1:15

Laa na nuąi kɛ di ŋąąkpɔnŋąą laa, di kɛ a nu nwun dɔ̨nɔ̨ nu pow hveelɛ. Ɲələi ti, Piɛrə ə muhəɠə ə tɔɔ di lɔwai yɛ diɛ:

Gɛlaɠaa 18:27

Yɛ bələi ə naala gwəi, yɛ kɛ, ə li Akaiə, gu nąn nonnii di hvaa nwoo ti ɓa, di hɛɓɛ́ tɛɛ nąą kalan nɛa diɛ, diɛ kɛ diɛ, di di yee Apɔlɔsə mu a nɛlɛɛ. Ɉəliɛ laa, ə kpɔnmąą tɛɛ kpɔ nąą kalan nɛa pɔ kɛnɛ̨, Yálá ŋą lúwɔ́ háálai.

Gɛlaɠaa 21:23

Yili ɓa, mɛ̨nį ŋɛ̨i ku kaa pai nɛi yɛ, hvilɛn yili pulu. Nu nąąn gaa ɓɛ, yiiɠaai daa di woo kwɛlɛ Yálá ɓa.