Gɛlaɠaa 18:10 - Yálá laawoo hɛɓɛ (dc)

¹⁰ gáá ə́ pulu, nu ta hva pɛli ɲee pɛlɛi yɛ́, yɛ ə́ yagalanmo. Hvo gaai, nu kpulu kɛnɛ̨ɛ̨ kaa daa ŋɛ̨i hu a nwɔ́ɔ́.»

Yálá laawoo hɛɓɛ

¹⁰ gáá ə́ pulu, nu ta hva pɛli ɲee pɛlɛi yɛ́, yɛ ə́ yagalanmo. Hvo gaai, nu kpulu kɛnɛ̨ɛ̨ kaa daa ŋɛ̨i hu a nwɔ́ɔ́.»

Bible

¹⁰ kpɛ́ni fêi, ŋ́gaa íkɔlɛ. Nùu da fa pɔ̂ri ísonîi e mɛni ŋánaa kɛ́ a yá; kpɛ́ni fêi, núu támaa káa ńyêei daai ŋí su.”

Gɛlaɠaa 18:10 Referans Kwoze

Korɛntə veelɛ 12:9

Kɛlaa, ə nwóó ŋąą pənə yɛ mą́ą́: «Nwɔ́ mɛ̨inɛ̨ɛ̨ tii ə́ yəi, a pɛli; mąąhɔlɔɓo, nwɔ́ huwalawalalaa a too pono ŋą, ə́ wɔɔ hvįikpɛɛlaa tii hu.» Yili ɓa tii, nwɔ́ hvįikpɛɛlaa hu ɓə ŋą́ gbɔ́wɔ́ ɲąą kɛnɛ̨ la, ə gɛ, Kristə nwɔ huwalawalaa ə hee mɛ̨́i.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Lɛɛ gbɔwɔ ɓa 4:12

Yii hu, 'həɠə ə́ li; Ɲą́ą́ Lɔ Gáá ə́ pɔ, mɛ̨nįi mąąnɛ̨ɛ̨ ə́ mo, Ŋą́ bu ə́ la.»

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Ɉaan 10:16

Ɓɛlaa takpɛliɠaa kaa ɲéi yiiɠaai di hvo ɓɛ mɛlaa kwənąn ɉu. Yiliɠaa tii, hvo kɛ li ŋį́ di kwɛli ŋį́ pa a diɛ. Di kaa pai nwóó mɛ̨n ɉi, di pɛlɛ di kee ɓa di kɛ a kpulu tɔ̨nɔ̨, di mɛ̨i kaa mun ə kɛ tɔ̨nɔ̨.

Timote veelɛ 4:22

Gu Ną́mu ə lɛɛ ə́ pɔ. Ŋą mɛ̨inɛ̨ɛ̨ ə kɛ ká kəlee ka pɔ. Amįįną.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Ɉaan 11:52

Hvo lɛɛ lɔ a nɔi tii mąą mɛ̨nį, kɛlaa, Yálá lonni yiiɠaai di taɠa-taɠa, di ŋąąkpɔn mɛ̨nį di kee ɓa di kɛ tɔ̨nɔ̨ mąą haa ɓə ə kɛi pa moi.)

Maafîu 10:30

Ka wɛi, ka nwun nɛɠaɠaa kəlee lonɔɔ kpaɠala kaa mą.

Zasua 1:9

Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»

Gɛlaɠaa 15:18

A gwəi kiliɠaa ti kɛ ə kɛ a di kɔlɔnŋąą wɔlɔ-wɔlɔ ɓa.›»

Lukə 21:18

Kɛlaa, ə mą kɛ ka nwun-nəɠa kɔ́w tɔ̨nɔ̨ kpɛli hva pili ɉu.

Azaya 43:2

Yá kɛi tɛɛ yaɠaa hu, gáá ə́ pɔ, yá kɛi yaɠaa teen, hvá lɛɛ da hu, ə́ mą hiɛ nwɔ̨n ɉɛ̨ąi, hva ə́ kələn, nwɔ̨n nən və kɛa pai ə́ tiɠi kɛi, yɛ həli ə́ hu pələ kəlee;

Timote veelɛ 4:17

Gu Ną́mu nwɛi, ə tɔɔ búlú, ə hvaŋą tɛɛ bɔ́, ə gɛ, ɲą́ą́ bɔ́ pələ, nwɛlɛɛ woo laa ə həli, huwu takpɛliɠaa di mɛ̨n. Ɛlɛɛ, ŋį́ kulɔ yala hvulúmąą la.

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Azaya 8:10

'Ka mɛ̨nį kili tee ka kwəi, ɉu kaa pai kalai; 'Ka mɛ̨nįɠaa ɓo, Kɛlaa, gəlee da lɛɛ a kpɛli, mąąhɔlɔɓo, Yálá kaa ku pɔ.

Gɛlaɠaa 15:14

Bələi Yálá ə tɔɔ la a nwąnąi, yɛ nuą hɔlɔɓo huwu takpɛliɠaa lɔwai a gɔwɔ tɔɔ yələ, Simɔn aa gəlee hu hukulɔ guɔ.

Nwun mąąɓo 2:18

Ɓɛlɔwai lɔpee kɛ Yai-Laa a kuláá ta tɔɔ la, a kɛ bɔ yaa kpinįi, yɛ di nwun mąąɓo di yowoɠaa yəi, guláái tii nwɔ lɔwai hu. Mąąhɔlɔɓo, ɓɛlɔwai da di ɓɛlɛkpɛɛ la diɛ, diɛ di laanɔ̨nwɔ̨ ɓo, di ɲɛ̨imąąwɛli a too Yai-Laa ɓa.

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Gɛlaɠaa 18:9

Kwii hɛ̨ą ta, Polə ə hįi kaa, gu Ną́mu yɛ mą: «'Hvó ɲɔw, 'kɛ́ lɔ naa həlii, 'hvó ə́ laa pilɛ,

Gɛlaɠaa 18:11

Polə ə kwɛlan dɔ̨nɔ̨ ɲąnįn mɛ̨ida kɛ Korɛntə daai, yɛ nuą kalan a Yálá lawoo.