Gɛlaɠaa 17:3 - Yálá laawoo hɛɓɛ (dc)

³ Ə gɔwɔ hvilɛn Yálá laawoo hɛɓɛ́ mɛ̨i, yɛ ɉukulɔ diɛ, yɛ diɛ: Mąąnɛ̨ɛ̨ kɛ Nwun mąąɓomun Yálá ə naakwɛlanmo, ə mɔ̨nɔ̨ mįi, ə haa, ə pənə ə nwun ə kulɔ haa nuą lɔwai, ɛlɛɛ, ə kɛli kɛ diɛ, nwun mąąɓomun tii ɓaa a Jesus ŋɛ̨i gáá mąą mɛ̨nį ɓoi káá.

Yálá laawoo hɛɓɛ

³ Ə gɔwɔ hvilɛn Yálá laawoo hɛɓɛ́ mɛ̨i, yɛ ɉukulɔ diɛ, yɛ diɛ: Mąąnɛ̨ɛ̨ kɛ Nwun mąąɓomun Yálá ə naakwɛlanmo, ə mɔ̨nɔ̨ mįi, ə haa, ə pənə ə nwun ə kulɔ haa nuą lɔwai, ɛlɛɛ, ə kɛli kɛ diɛ, nwun mąąɓomun tii ɓaa a Jesus ŋɛ̨i gáá mąą mɛ̨nį ɓoi káá.

Bible

³ È ŋ̀á lɛ̂i dîa a gɛ́ɛ maa-nɛ̃ɛi kɛ̀ Kôrai é mɔ̃lɛ é m̀u siɣe saa yêei, ǹyɛɛ dîai, “Zisɛi ŋí ŋa maa mɛni ƃôi kâai, gáa a Kôrai.”

Gɛlaɠaa 17:3 Referans Kwoze

Gɛlaɠaa 18:28

Mąąhɔlɔɓo, nwɔ mɛ̨nį hukpɛ pələ, ə kɛli Ɉuifəɠaa laa pɛlɛ mą nu kəlee ɲɛ̨i ɓa; yɛ nɛ diɛ a Yálá lawoo hɛɓɛ́ hu wooɠaa yɛ kɛ: Jesus kaa a nwun mąąɓomun Yálá ə naakwɛlanmo.

Gɛlaɠaa 9:22

Kɛlaa, Solə nwɛi, nwɔ liikpələ ta lɔ ɓə kɛli pɛlɛ mą, yɛ Damasə Ɉuifəɠaa woo pulu pənə a gɔw, yɛ nɛ diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.

Lukə 24:32

Di hee kɛa diɛ mo di kee lɔwai diɛ kɛ mą: «Ɓɛlɔwai ŋɛ̨i ə kɛi Yálá laawoo hɛɓɛ́ hukulɔ la guɔ bələ pɔi, kɛlɛi ŋąą nɛɛ ə kɛi kpɔ gu kulɔ ee!»

Gɛlaɠaa 3:18

Kɛlaa, mɛ̨nį wɔlɔ Yálá ə mo Yálá kwəi mɛ̨nį hukulɔ nuą laaləi, ya ka ti bɔ mɛ̨nį aa kɛ; yaai ə kɛ mą: Nuą Nwun mąąɓomun Yálá ə naakwɛlanmo, hvo kɛli kɛ ə mɔ̨nɔ̨ mį́į́.

Lukə 24:46

Ə mo diɛ, yɛ diɛ: «Yii bɛ̨ɛ̨ ya ka: Nwun mąąɓomun Yálá ə naakwɛlanmo, hvo kɛli ə mɔ̨nɔ̨ mį́į́, ə haa, voló ɉaaɓa yələ ə kulɔ haaɓɛlaa lɔwai.

Galatə 3:1

Ee kə! Galatə nuą, ɓowo kpɔlɔɔ ɓe tii ká moi! Gbɛɛ ɓə ŋɛ̨i wulu kɛ káái? Ka ɲɛ̨i ɓa, di Jesus Kristə haa mɛ̨nį kolɔwa ɓa ɓo káá a ɉuponoɔ.

Gɛlaɠaa 1:4

Yələ ta, da diɛni di kɛi kɔ̨nɔ̨n mįi gee ɓa, yili pulu, ə di liɛwoo kɛ, yɛ diɛ: «Ká hvo ká mąą kwɛa Ɉerusalɛmə ɓa, kɛlaa, ka lɛɛ laa, ə lɛɛ ɉu, mɛ̨nįi Ną́n ə naa kwəlanmo, yai ŋį́ mąą mɛ̨nį ɓo kaa, ka mąą kpɔn.

Ɉaan 20:9

Yaan galan nɛa di hvo ni kɛ Yálá laawoo ŋɛ̨i kɛ diɛ: Jesus kaa pai muhəɠəi ə kulɔ haaɓɛlaa lɔwai; di hvo nii kɛ ŋąą kaa li.

Lukə 24:44

Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Gɛlaɠaa 18:5

Kɛlaa, yii kɛa Silasə da Timote di həɠə la Masedoanə lɔi hu di pa, Polə nwɛi, ɲee ə kɛ lɔ Yálá lawoo laa həli kóló ɓa, yɛ nɛ tii Ɉuifəɠaa diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.