Gɛlaɠaa 17:21 - Yálá laawoo hɛɓɛ (dc)

²¹ A tɛ̨ą, Atɛnə nuą da nwɛ̨ąąi kɛ daa hee laa, di wɔ mąą tíi lɔɓa kɛ, a mɛ̨nį nįnɛ̨ hukulaa, da di wəli tɔɔ mɛ̨nį nįnɛ̨ ɓa.

Yálá laawoo hɛɓɛ

²¹ A tɛ̨ą, Atɛnə nuą da nwɛ̨ąąi kɛ daa hee laa, di wɔ mąą tíi lɔɓa kɛ, a mɛ̨nį nįnɛ̨ hukulaa, da di wəli tɔɔ mɛ̨nį nįnɛ̨ ɓa.

Bible

²¹ Atɛŋ lɔii-lonii kélee da naa ŋɔ̃yâ-ŋai kɛ̀ naai da kâa ŋ̀wɛli a mɛni nina-ŋa támaa mɛniɛɛ díkɛ lòno é pîlaŋ dîa. Dí ɣele kûu támaa sìɣe m̀ɛnii kɛ́ɛ su.

Gɛlaɠaa 17:21 Referans Kwoze

Kolosə 4:5

Nuąi di hvo a Kristalɛa, 'ká túwɔ́ pələ ə kɛ a nɛlɛɛ di ɲɛ̨i ɓa. Yíikuu kpuɔlon ká yəi, 'ká ɉon a nɛlɛɛ.

Ifisiɛŋ 5:16

diɛi, da yiihu yɛnɛ̨ɛ̨ ŋɛ̨i dɔlɔ hɔlɔɓo, mąąhɔlɔɓo hvóló ɲɔ̨nwɔ̨ɔ̨ɠaa kaa hɔɔi gu mɛ̨i

Timote dɔlɔɔ 5:13

Yɛ bələi kóló hvo la diɛ, di nwun yɛ ɓo la tii pɛlɛ́-hvŋąn gəlee mu, hvo lɔ lɛɛ la a tíi kpɛɛ mɛ̨nį diɛ, kɛlaa, di woo tamąą di la, di laa kpɔn və hee li, di laa hva kpɛ mɛ̨nįɠaa hu, mɛ̨nį hvo lɛɠɛ li diɛ ya ɓə da ɉukulɔ.

Gɛlaɠaa 2:10

daɠaa di həɠə Frizi lɔi hu, Pamfili, Eziptə lɔi hu, daɠaa di həɠə, Sirenaikə Libi lɔi hu, daɠaa di həɠə Romə daai,

Gɛlaɠaa 17:15

Nuą ti li Polə tɔɔi bələi, da diɛni də li kpɔ di həli Atɛnə daai. Yili pulu, di yali di pulu, di pa a Polə nwɔ wɛlɛɛ Silasə da Timote di pɔ, ə gɛ, yiliɠaai di laŋąn mą, a mąąhulaa.

Gɛlaɠaa 17:16

Ɓɛlɔwai Polə ə kɛi Silasə da Timote di mąąkpɔn na Atɛnə daai, nii ə kələn gwəi, daai tii kaa ə mo naahvɛɛ a haliɠaa.

Gɛlaɠaa 17:20

Mąąhɔlɔɓo, ə́ kaa ku wəlii woo ɲąąnwąnąi a nwɛ̨ą mɛ̨nįɠaa, ɛlɛɛ, ku kaa kpɔ bɔ, ku mukulaa kɔlɔn.»