Gɛlaɠaa 17:1 - Yálá laawoo hɛɓɛ (dc)

¹ Polə da Silasə di tɛɛ Amfipolisə daai, da Apoloni daai, di həli Tesalonikə ɓɛi Yálá hvɛli pɛlɛ́ ta ə kɛ laa.

Yálá laawoo hɛɓɛ

¹ Polə da Silasə di tɛɛ Amfipolisə daai, da Apoloni daai, di həli Tesalonikə ɓɛi Yálá hvɛli pɛlɛ́ ta ə kɛ laa.

Bible

¹ Dí tɛ̀ɛ Aŋfipole da Apolonia, dí pá Tɛsɛlonaika ƃɛ́i Zûu-ŋai Díɣâla-fɛli-kerei è kɛ̀ naai.

Gɛlaɠaa 17:1 Referans Kwoze

Filipə 4:16

Ə mą kɛ, ɓɛlɔwai ŋį́ kɛ la Tesalonikə, káá lɔ ɓə kpɔnmąą tɛɛ bɔ́ geemɛ̨i tamąą.

Tɛsalonikə dɔlɔɔ 1:1

Polə, Silvain, ɛlɛɛ Timote, kuɔ ɓə ɉɛɓɛ́i ŋɛ̨i tɛɛi Tesalonikə kalan gbɔn ɓa, diɛi di kaa gu Ną́n Yálá da gu Ną́mu Jesus Kristə hu. Mɛ̨inɛ̨ɛ̨ da liilaa ə kɛ ka pɔ.

Tɛsalonikə veelɛ 1:1

Polə, Silvain, ɛlɛɛ, da Timote diɛ ɓə ɉɛɓɛ́i ŋɛ̨i tɛɛi Tesalonikə kalan gbɔn ma, diɛi gu Ną́n Yálá da gu Ną́mu Jesus Kristə hu.

Gɛlaɠaa 20:4

Nuąi da diɛni di kɛli ɉiɛ kulɔ, diɛ ɓaa: Sopatrɔsə, yai kɛ a Pirusə lon, a Bere daai mun, Aristarkə da Sekundusə yai kɛ a Tesalonikə daai mun, Gaiusə yai a Dɛrbe mun, da Timote, ɛlɛɛ nwɔ̨nɔ̨, Tisikə da Trofimə, diɛi a Asi lɔi hu nuą.

Timote veelɛ 4:10

Mąąhɔlɔɓo, Demasə aa nɛ́ɛ́ laa yɛnɛ̨ɛ̨ hɛnŋaa ŋą wɛlikɛmąąlaa mąą mɛ̨nį ɓa, aa li Tɛsalonikə. Krɛsansə aa li Galatə lɔi hu, Titə aa li Dalmati.

Gɛlaɠaa 27:2

Ku tɛ Adramitiumə kələn da ɉu, yɛ li Asi lɔi gbonwo ɓa pələ, ku bələ hon gɛa. Masedoanə mun da ə kɛ ku pɔ, naa ɓaa: Aristarkə, bɔ taai ɓaa Tesalonikə.

Gɛlaɠaa 17:13

Kɛlaa, yii lɔ Tesalonikə Ɉuifəɠaa di bələ mɛ̨n diɛ Polə kaa nwɔ̨nɔ̨ Yálá lawoo laa həli Bere, di pa laa, nuą muhəɠə mɛ̨nį ɓa, da di hu pu mɛ̨nį ɓa diɛ.

Gɛlaɠaa 17:11

Yiliɠaa lii lɛlɛɛi kɛ di kwəi, ə tɛɛ Tesalonikə Ɉuifəɠaa diɛ. Di di yee hee Yálá lawoo mu a di kwəi kwəlɛɛ, ɛlɛɛ, hvóló tɛitɛi yee mu, di kɛli Yálá lawoo hɛɓɛ́ mąą kpɛɛ, akɛ, mɛ̨nįi di kaa nɛi diɛ, gaa kpɔ ti a tɛ̨ą.

Gɛlaɠaa 16:13

Hvįįtɔɔ yələ, ku kulɔ daai, kwə li ya ta kwɛlɛ, a lɔ ku kwəi, ku kaa lii Yálá hvɛlii ta kaai. Ku lɔ ku hee, nɛ̨ąɠaa ti da kɛ di ɲąąkpɔn ɉii laa, ku pələ pili diɛ.

Gɛlaɠaa 15:21

Hvo gaai, ə gɔwɔ tɔɔ gu kalaɓɔlɔni di wɔ yələi ɓa, mąąkwɛli kɛ nuą di kaa Moisə yəi daaɠaa hu, gbala ə tɔɔ, da kɛ ɉɛɓɛ́ ɓoi a vįitɔɔ yələ, Yálá hvɛli pɛlɛ́ɠaa mu.»

Gɛlaɠaa 14:1

Ikoniumə daai kpɛlimąn, di nwɛlɛɛ tanɔ̨n ti laa həli lɔ laa; Polə da Barnabasə di lɔ Yálá hvɛli pɛlɛ́ɠaa mu, bələ ɓo pələi ti kɛ di yəi, Ɉuifəɠaa da nuąi di hvo a Ɉuifəɠaa, di laa Yálá la.

Gɛlaɠaa 17:10

Yii kɛa kpinį ə pɛlɛ, kalan nɛa di Polə da Silasə di tɔɔ bələi diɛ li Bere, di həliɛ laai, də li Ɉuifəɠaa di wɔ Yálá hvɛli pɛlɛ́ mu.

Tɛsalonikə dɔlɔɔ 2:2

Kɛlaa, ya ka, di ku mɔ̨nɔ̨ ɓo, diɛ ku lalan Filipə, yɛ bələi ká gbaɠala kɔlɔn na, ku kilitɔɔmąą laa hɔlɔɓo gu wɔ Yálá yəi, yaan, hvo kɛli kɛ, ku nwɛlɛɛ lɛlɛɛ laa həli, ká mąą mɛ̨nį ɓa, kɔ tamąą hu.