Gɛlaɠaa 16:9 - Yálá laawoo hɛɓɛ (dc)

⁹ Kpini ta, Polə ə hįi kaa, Masedoanə nɔi mun da yɛ nɛ̨ɛ̨mąą hvə mą, yɛ kɛ mą: «'Tɛɛ Masedoanə pələ, ə́ ku mąąkpɔn mąąɓo.»

Yálá laawoo hɛɓɛ

⁹ Kpini ta, Polə ə hįi kaa, Masedoanə nɔi mun da yɛ nɛ̨ɛ̨mąą hvə mą, yɛ kɛ mą: «'Tɛɛ Masedoanə pələ, ə́ ku mąąkpɔn mąąɓo.»

Bible

⁹ Naa ƃé zĩ̂a è tɛ̀ɛ naa a Pɔ̂ɔ a gbínii: Masadonia naloŋ tɔnɔ è kɛ̀ tɔ̂ɔni ŋ̀ɛ́i gɛ́ vɛ̀li, ǹyɛɛ mai, “Pá Masadonia í kpɔ́ŋ kûa.”

Gɛlaɠaa 16:9 Referans Kwoze

Gɛlaɠaa 19:21

Mɛ̨nįɠaa ti tɛɛ pulu, Polə ə kɛ bɔ ə Masedoanə huɓɔ da Akaiə taa, yɛ li Ɉerusalɛmə. Ə mo yɛ diɛ: «Ŋą́ pa həlii la, hvo kɛli ŋį́ li Romə kpɛlimąn.»

Gɛlaɠaa 18:5

Kɛlaa, yii kɛa Silasə da Timote di həɠə la Masedoanə lɔi hu di pa, Polə nwɛi, ɲee ə kɛ lɔ Yálá lawoo laa həli kóló ɓa, yɛ nɛ tii Ɉuifəɠaa diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.

Lomaŋ 15:26

Mąąhɔlɔɓo, Masedoanə nuą da Akaiə nuą daa di kiliŋąhiɛ ə gɛ di mɛ̨inɛ̨ɛ̨ kɛ Yálá nwɔ nuą Ɉerusalɛmə diɛ, mąąhɔlɔɓo di yee ɲą aa kpɛɛ.

Gɛlaɠaa 20:1

Yii kɛa di nu kpulu ɲąąyɛɛ, Polə ə galan nɛa təli, ə di hvaŋąlɔ, ə yələ wala too diɛ, yɛ li Masedoanə lɔi hu pələ.

Tɛsalonikə dɔlɔɔ 4:10

ɛlɛɛ, ká kɛmun yili kɛi Kristalɛa kəlee diɛ Masedoanə nąą kəlee. Ną́n nonnii, ku kaa ká hvaŋąlɔi, kuɔ ká ká yee mąą tɛ ká ɉon nwɔ̨nɔ̨ a nįnɛ̨;

Korɛntə veelɛ 12:7

Mąąhɔlɔɓo, mɛ̨nįɠaa tii di nɛ mą́ą́, ɉu kɛnɛ̨ pələ, bələ di tɛɛ la və́ pa nəi gbɔ́wɔ́ ɲąą kɛnɛ̨, di hɛn da lɔ gɔ́lɔ hu, di ɓilihi ŋą malaka ta tí, ə gɛ́lɛ, və́ pa nəi gbɔ́wɔ́ ɲąą kɛnɛ̨ a pələi lɔpee.

Korɛntə veelɛ 11:9

Ɛlɛɛ, ɓɛlɔwai ŋį́ kɛ la ka pɔɔli, kpaan a hee kɛ mą́ą́, və́ kɛ laa li nu ta nwuɔ̨ a tiɛ̨, mɛ̨nį ta hu; mąąhɔlɔɓo, hɛn kpɔ mąą kanąn ə kɛ mą́ą́, gu nąn nonnii kɛi həɠə Masedoanə lɔi hu, di pa a gəlee bɔ́. Ɛlɛɛ, mɛ̨nį kəlee hu ŋą́ gbɔ́wɔ́ hu hon, və́ laa ká nwuɔ̨ a tiɛ̨ mɛ̨nį lɔpee ta hu, bələ lɔ ɓə gáá pai lɛɛi la.

Korɛntə veelɛ 9:2

Ŋą́ ka wɔ kiliŋąhiɛ lɛlɛɛ kɔ́lɔn, ɛlɛɛ, ŋą́ ɲɛ̨́i pono la Masedoanə lɔi hu nuą ɲɛ̨i ɓa; ŋą́ kɛ kɛi diɛ: Akaiə yee ɲąą pɛliɛi, gwɛlan dɔ̨nɔ̨ ka; ɛlɛɛ, ká wɔɔ tɔɔ a nwąnąi laa tii, aa kalan gbɔn damąą lii muhəɠə a nɛlɛɛ.

Korɛntə veelɛ 8:1

Ną́n nonnii, mɛ̨inɛ̨ɛ̨i Yálá aa gɛ galan gbɔnŋaa diɛ Masedoanə lɔi hu, ku kaa bɔ ku ɉukulɔ káá.

Korɛntə veelɛ 7:5

Hvo gaai, bələi mąn ku paa la Masedoanə, ku hvo hvįįtɔɔ hɔlɔɓo, kɛlaa mɔ̨nɔ̨ huwu lɔpee ə həli kuɔ; di kɔ pɛlɛ kuɔ ɲɛnɛ̨ɛ̨ pələ, ɲɔw yɛ ɓo ku hu pələ.

Gɛlaɠaa 20:3

Ə ɲąnįn ɉaaɓa kɛ nɔi ti hu. Ɓɛlɔwai ə kɛli pa tɛi la gələn ɉu yɛ li Siri lɔi hu pələ, Ɉuifəɠaa di lɔgilii kɛ mą, yili ɓə gɛ, ə naa gwəi ə yali bulu ə pənə yɛ li Masedoanə lɔi hu pələ.

Gɛlaɠaa 10:30

Kɔrnɛyɛ ə nwoo ɲąąpənə yɛ mą: «Aa kɛ a hvoló haaɓa, kpɔlɔ a ɓɛlɔwai, hvóló mąąlaa, ŋį́ kɛ ɲə́i bɛlɛ́n gɛ́ Yálá hvɛli, kpɔlɔ ɲąąɓa, ŋį́ nu ta kaa tɔɔni níí la, mąąhəɠəɠaa yɛ kwələ kpɔ pə-pə.

Gɛlaɠaa 10:3

Yələ ta, hvóló mąąlaa, ə malaka ta kaa a mąą ponɔɔ, ə lɔ ɲəi bɛlɛ́n, ə dəli, yɛ mą: «Kɔrnɛyɛ!»

Gɛlaɠaa 9:38

Ɉope kalan nɛa di bələ mɛ̨n diɛ, Piɛrə kaa Lida. Daa hveelɛi ti lɔwai hvo kɛ kwɛa li gee ɓa. Di nu hveelɛ tɔɔ, ə gɛ, də li di nwəlɛɛ ɓo Piɛrə ɓa, diɛ kɛ mą: «Ku kaa nɛ̨ɛ̨mąą hvəə yɛ́, kuɔ ə́ pa ku pɔɔli, hvo ɉu kwɛa.»

Gɛlaɠaa 16:10

Ɉįi ti kaa pulu, ɲąąɓa, ku pələ kwəli kpɔlɔɔ ti mą, kuɔ li Masedoanə lɔi hu pələ. Mąąhɔlɔɓo, ku gaa, kuɔ, Yálá aa ku təli, yɛ kɛ, ku nwəlɛɛ lɛlɛɛ laa həli laa.

Gɛlaɠaa 16:12

ku həɠə laa, kwəli Filipə daai, yai a Masedoanə lɔi daa-lee, yɛ ɓo Romə nuą yee mu. Ku yíikuu ta wolo kɛ daai ti hu.

Gɛlaɠaa 19:22

Polə ə mąą kpɔnmąą ɓo nuą hveelɛ tɛɛ: Timote da Erastə, diɛ li Masedoanə lɔi hu. Kɛlaa, nwɛi, ə lɛɛ Asi lɔi hu ə yíi kuu ta wolo kɛ laa.

Gɛlaɠaa 19:29

Gɛɛ tii, daa kəlee ə kɛ lɔ ɉuwu-ɉuwu, nuą di wɛan, di li a di kpulu ɓɛi di kɛli ɲąąkpɔn gɛ laa a bɔlɔ-pɔlɔ, di Gaiusə da Aristarkə hon a yee tɛɛ mąą laa, di li a diɛ, nu hveelɛi ti di kɛ a Masedoanə lɔi hu nuą, ɛlɛɛ, da Polə ni ɓə kɛ ɉiɛ hu.

Gɛlaɠaa 27:2

Ku tɛ Adramitiumə kələn da ɉu, yɛ li Asi lɔi gbonwo ɓa pələ, ku bələ hon gɛa. Masedoanə mun da ə kɛ ku pɔ, naa ɓaa: Aristarkə, bɔ taai ɓaa Tesalonikə.

Dutɛrɔnome 30:13

Hvo kpɛli gboloyá pulu pələ, əgɛ, ka hvo pa kɛ diɛ: ‹Gbɛɛ ɓə pai lii gboloyá pulu pələ, ə ɉəɠə ku yəi, ə pa ə ɉukulɔ kuɔ, ku mɛ̨n, kuɔ bɔ mɛ̨nį kɛ?.›