Gɛlaɠaa 16:18 - Yálá laawoo hɛɓɛ (dc)

¹⁸ Ə kɛli gɛ ti hvoló tamąą yee mu. Gɛ pələi ti, Polə líí ə holi, ə tinɛ̨n yɛ ɲinɛ̨n ti ɓa: «Gáá moi yɛ́, Jesus Kristə laa hu, 'həɠə nɛ̨ɛ̨nui ŋɛ̨i pulu.» Ɲąąɓa, ɲinɛ̨n ti ə nɛɛmą ə həɠə bulu.

Yálá laawoo hɛɓɛ

¹⁸ Ə kɛli gɛ ti hvolo tamąą yee mu. Gɛ pələi ti, Polə líí ə holi, ə tinɛ̨n yɛ ɲinɛ̨n ti ɓa: «Gáá moi yɛ́, Jesus Kristə laa hu, 'həɠə nɛ̨ɛ̨nui ŋɛ̨i pulu.» Ɲąąɓa, ɲinɛ̨n ti ə nɛɛmą ə həɠə bulu.

Bible

¹⁸ Nɛni-loi e mɛnii ŋí kɛ̀ a ɣele kûu támaa. Kɛ́lɛ, Pɔ̂ɔ líi e ŋwàna é tínaŋ bɔ naa-pere é m̀ó nyînaŋ nyɔ́mɔɔi ma, ǹyɛɛi, “Ŋa íkɛ Zîsɛ Kôrai láai su a gɛ́ɛ í kúla bôlu.” Nya ƃe è kùla kpɔ nɔ́ bôlu a maa-aƃai ti.

Gɛlaɠaa 16:18 Referans Kwoze

Markə 16:17

Nuąi da laa nwəlɛɛ lɛlɛɛ la, kpalo mɛ̨nįɠaai di kaa pai kɛi gɛi náá hu, diɛ ka: di kaa pai kɛi ɲinɛnŋąą kpɛi nuą pulu, náá hu, diɛ hį́i woo takpɛliɠaa ɓo.

Gɛlaɠaa 9:34

Piɛrə yɛ mą: «Ene! Jesus Kristə aa ə́ ɓalo, ə́ muhəɠə, ə́ ə́ wɔɔ haɠai gbinįn.» Ɲąąɓa, Ene ə muhəɠə.

Gɛlaɠaa 3:6

Piɛrə ə mo kɛa mą, yɛ mą: «Wali hvo ɲə́i, hɛni hvo ɲə́i, kɛlaa, yii gaa ɲə́i, gáá dɛɛi ə́ pɔ. Ya ɓaa: Jesus Kristə Nazarɛtə mun naa hu, ə́ muhəɠə, ə́ hiɛ!»

Markə 1:34

Jesus ə ɲɔ̨n ɉuwu tamąą kɛ nuą kɔ́lɔi pono. Ə ɲinɛ̨n damąą kpɛɛ nuą pulu. Jesus hvo kɛli hvaa mą ɲį́nɛ̨nŋąą tii di hvo mɛ̨nį ta ɓo. Mąąhɔlɔɓo, ɲį́nɛ̨nŋąą tii di kɛ Jesus kɔ́lɔn.

Kolosə 2:15

Ə ɲąąwooɓolaa da hvaŋąlaa di mąąkpoloon, ə di too nu kəlee ɲɛ̨i ɓa. Ə di pu gɔwɔ mu, a ŋą kolɔwa hvaŋą.

Lukə 9:1

Jesus ə nwɔ kalan nɛa pow kɔ́w hveelɛ ŋąąkpɔn, ə mąą laa tɛɛ di pɔ da huwalawala, diɛ ɲį́nɛ̨nŋąa kpɛ la nuą pulu, diɛ ɲɔ̨n gbɛɛ nuą diɛ.

Maafîu 14:24

Ə kɛ tii kɛa, gələn aa mąą kwɛa gbukpu ɓa, hvaŋą yɛ ɲa takpa-takpa ɓo.