Gɛlaɠaa 16:14 - Yálá laawoo hɛɓɛ (dc)

¹⁴ Nɛ̨ąą ti dɔ̨nɔ̨ laa ɓaa kɛ a Lidi, a həɠə Tiatirə daai. Nįnį-kɔlɔ həɠə lɔwɔ́tɔɔmun ni, ə kɛli kwɛli hvilɛn Yálá ɓa. Nwəli tɔɔi kpɔ kɛ kpąą, gu Ną́mu aa kɛ hvaa mą, aa níi laa ɓo Polə woo tɔwɔ.

Yálá laawoo hɛɓɛ

¹⁴ Nɛ̨ąą ti dɔ̨nɔ̨ laa ɓaa kɛ a Lidi, a həɠə Tiatirə daai. Nįnį-kɔlɔ həɠə lɔwɔ́tɔɔmun ni, ə kɛli kwɛli hvilɛn Yálá ɓa. Nwəli tɔɔi kpɔ kɛ kpąą, gu Ną́mu aa kɛ hvaa mą, aa níi laa ɓo Polə woo tɔwɔ.

Bible

¹⁴ Nɛnî tɔnɔ è kùla Tayatira-taai su, ǹáa ƃé kɛ̀ a Ledia. È kɛ̀ a gãla-seɣe kɔlɛ-nuu, gɛ ƃo a Ɣâla fɛli-nuu. Nya ƃe Kúnuu-namui e ǹíi láa ƃò a gɛ́ɛ é ǹyée see mɛni-ŋai mu Pɔ̂ɔ e mòi.

Gɛlaɠaa 16:14 Referans Kwoze

Lukə 24:45

Nąąlɔwai, Jesus ə di wɔ kilaa pono ɲɛ̨i hvólóon, əgɛ, di Yálá laawoo hɛɓɛ́ kpaɠala kaa

Azaya 50:5

Nąmu Yai-Laa, ə nwə́li wolo laa ɓo, ɛlɛɛ ɲą́ą́n və́ gwɛli tee ɲəi, və́ bulu tɔɔ mą.

M̀ɛni-lɛɛi 3:20

Ɓɛ kaa, gáá tɔɔni bɛlɛ́ laaləi, gɛ gbon gɛlɛ. Nui a nwóó mu hon, ɛlɛɛ, ə bɛlɛ laa ɓo, ŋą́ lɔ bɔ bɛlɛ́n, ɛlɛɛ, kwa yaa ku ku yee lɔ kɔwɔ tɔ̨nɔ̨ hu.

Lomaŋ 9:16

Yili hva kulɔ nu liiɓa da nwɔ huwalawalaa hu, kɛlaa, Yálá nwɔ ŋɛ̨imąąwɛli kaa ɓə a kulɔ ɉu.

Filipə 2:13

Mąąhɔlɔɓo, Yálá ɓə a, niiɓa gɛ lii, da gɛ wɛli too káá, yɛ bələi gaa la gwəi a nɛlɛɛ.

Gɛlaɠaa 11:21

Gu Ną́mu ə kɛ di pɔ, nuąi di ɲɛ̨i tínɛ̨n gu Ną́mu pɔ pələ, diɛ hvilɛn bulu, di kpulu ə kɛli kɛnɛ̨.

M̀ɛni-lɛɛi 3:7

Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ:

Gɛlaɠaa 18:7

Ɉəɠɛɛ laa, ə li hulɔnu ta pɔɔli diɛ kɛ mą: Titiusə Ɉustusə yili ə kɛ a Yálá mąąwiɛmun, nwɔ pɛlɛ́i ə kɛ Yálá hvɛli pɛlɛ́ kwɛlɛ.

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

Gɛlaɠaa 10:2

Dələnmoɔ kɛ yɛ ɲɔw Yálá ɓa da ɲəi bɛlɛ́n nuą kəlee. Ə kɛli mɛ̨inɛ̨ɛ̨ kɛ Ɉuifəɠaa diɛ, yɛ Yálá hvɛli a yələ kəlee.

Gɛlaɠaa 8:27

Filipə ə nɛɛɲąąɓa ə li, ya ɓə, ə kwiɛn a Etiopi mun da, ə kɛ a gbɛtɛgbuwulu, yɛ ɓo a nɔi mɛ̨nį ɲɛ̨i kulɔmun gɛnɛ̨, a Etiopi nɛ̨ɛ̨nu Kandasə ŋą hɛn gɔw mɛ̨ikaamun; aa kɛ li Yálá mąąwiɛ hiɛ ɓa Ɉerusalɛmə.

Ɉaan 12:20

Hį́i takpɛliɠaa di pa Ɉerusalɛmə kwɛli hvilɛn ɉii Yálá, a ɉɛli yələ.

Wɛli 5:4

Nwɛ́likɛmąąmun aa ɲee lɔ gbon nwolo ɓa, ŋą́ą́ ɲee kaa, níi aa ɓɛla mą́ą́.

Mąątɛ̨nɛ̨ 110:3

Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Gɛlaɠaa 13:43

Yii kɛa nuą di taɠa, Ɉuifəɠaa tamąą da nuą takpɛliɠaai kɛi Moisə nwɔ tɔn pɔ yíiɓo, di hvilɛn Polə da Barnabasə di pulu, yiliɠaa diɛn, di kɛli di liɛwooɓo di lono woo hu, di yee kanąn mɛ̨nį ɓa Yálá nwɔ mɛ̨inɛ̨ɛ̨ ɓa.

Gɛlaɠaa 13:50

Kɛlaa, Ɉuifəɠaa di pili Yálá mąąwiɛ nɛ̨ąą kpɛa-kpɛaa, da daa kalanɉonŋaa wəlii, ə gɛ, di hvaa kɛnɛ̨ pɛlɛ Polə da Barnabasə diɛ, di di kpɛ di wɔɔ lɔi hu.

Gɛlaɠaa 16:40

Kulɔi Polə da Silasə di mo gaho pɛlɛ́ mu, di li Lidi yəi bɛlɛ́n. Galan nɛai kɛ laa, di di hvaŋąlɔ wooɠaa ɓo diɛ, di tɛɛ diɛ li.