Gɛlaɠaa 15:8 - Yálá laawoo hɛɓɛ (dc)

⁸ Yálái a nu lii hu mɛ̨nį kaa, ə tɔɔ di pulu, a Kili-Mąąhəɠɛɛ tɛɛi ə mo di pɔ yɛ bələi ə dɛɛ la gu pɔ.

Yálá laawoo hɛɓɛ

⁸ Yálái a nu lii hu mɛ̨nį kaa, ə tɔɔ di pulu, a Nįį-Mąąhəɠɛɛ tɛɛi ə mo di pɔ yɛ bələi ə dɛɛ la gu pɔ.

Bible

⁸ Ǹyaŋ Ɣâla nyíi núu-kpune líi su kɔ́lɔŋ a ǹɛ kpɔ́ a zu ponoɔɔ a gɛ́ɛ gáa tí, è M̀ɔlêŋ Maa Waai tɛ̀ɛ dípɔ yɛ̂ɛ nɔ́ berei è dɛ̀ɛ la kúpɔi.

Gɛlaɠaa 15:8 Referans Kwoze

Gɛlaɠaa 1:24

Yili pulu, nuą kəlee di bɛlɛ gee ɓa di Yálá hvɛli, diɛ kɛ mą: «Ną́mu Yálá, yɛ́i ə nu lii hu mɛ̨nį kɔ́lɔn, nu hveelɛi ŋɛ̨i, dɔ̨nɔ̨ həɠə ɉu,

Gɛlaɠaa 10:47

«Akɛti, nu ta a pɛli mɔ̨ɔ̨ lənəi nuą ŋɛ̨i mąąwaa mɛ̨nį ɓa, a diɛi, daa Kili-Mąąhəɠɛɛ hɔlɔɓo lɔ yɛ guɔ?»

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

Gɛlaɠaa 14:3

Polə da Barnabasə di yíikuu ta wolo kɛ laa, di kilitɔɔi kɛ gu Nąmu ɓa, gu Nąmu kpinįi ə kɛli tɔɔ, nwɔ nɛ̨ɛ̨laai mąą kalan di kɛli kɛ bulu, a gwɛlɛɛn mɛ̨nįɠaa da kpalo mɛ̨nį tamąąi ə kɛli mąą laa tɛɛ di pɔ, diɛ gɛ.

Gɛlaɠaa 2:4

Di kəlee di pilɛ a Kili-Mąąhəɠɛɛ, diɛ hįi woo takpɛli ɓo yɛ bələi Kili ə mąąlaa tɛɛ la di pɔ.

Hebreu 2:4

Ɛlɛɛ, Yálá kpinįi ə nuą ti di wɔ kɛla woo lɛ a tɛ̨ą, a kwəi pili mąą mɛ̨nįɠaa, da kpalo mɛ̨nį huwu tamąą, ɛlɛɛ, a Kili-Mąąhəɠɛɛ yəi mɛ̨inɛ̨ɛ̨ɠaai ə ɲąąkwɛlɛ diɛ a niiɓa!

Gɛlaɠaa 4:31

Ɓɛlɔwai di kpɛɛ la a Yálá hvɛliɛ, ɓɛi ti di ɲąąkpɔn ŋąą kɛ laa, nąą ə kpɛlin, di kəlee di pilɛ a Kili-Mąąhəɠɛɛ hvaŋą, diɛ kɛa Yálá lawoo laa həli a liikpələ.

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Ɉaan 5:37

Ną́n ŋɛ̨i dɔ́ɔ́, yaa kpinįi ɓə a mą́ą́ kɛla hvaa ɓo. Ka hvo ta nwoo mąn ni, ka hvo ta ɲɛ̨ilaa kaa li.

Ɉeremi 20:12

Yai-Laa Mɛ̨nį Kəlee ŋą Hééɓomun, yɛ́i ya tələnmomun mąąkpɛɛ, yɛ́ goo kpala mɛ̨nį, da gwəi kiliŋąhiɛ kaa. Ə́ nwąną kulɔ mɛ̨nį nuą ŋɛ̨i diɛ, gáá pai naa kaai. Mąąhɔlɔɓo, yɛ́ ɓə ŋą́ą́ mą́ą́ mɛ̨nį lɛɛ ə́ yee kɔ́nma.

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Ɉeremi 11:20

Yai-Laa Mɛ̨nį Kəlee ŋą Hééɓomun, yɛ́i ya mɛ̨nį hutɔɔ a tələnmolaa, yɛ nuą koo kpala mɛ̨nįɠaa da di wɔ kiliŋąhiɛɠaa hu kpɛ; bələi ə́ kaa pai ə́ nwąną kulɔi la diɛ, gɛ tai, ŋį́ nąą kaa! Mąąhɔlɔɓo, yɛ́ ɓə ŋą́ą́ mąą mɛ̨nį lɛɛ ə́ yee kɔ́nma.

Mąątɛ̨nɛ̨ 44:21

Ə li kɛ kwaa kɛ lɛ̨ą ku wɔ Yálái ɓa, kuɔ ku yee hąŋąn nwɛ̨ą yálá pɔ pələ,

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Tɔɔɓɛlaa dɔlɔɔ 8:39

Ee Yai-Laa, lɛɛ yələkɔlɔn ɉu, ɓɛi ə́ kaa laa, ə́ ə́ wəli tɔɔ, ə́ mąąhvaalɛɛ, ə́ ə́ kɛ mɛ̨nį kɛ ɉu; ə́ ɉon yɛ bələi ə túwɔ́ la. Mąąhɔlɔɓo, ə́ gwəi kɔ́lɔn, yaan, yɛ́ tɔ̨nɔ̨ lɔ ɓə nu kanŋaa kwəi kiliŋąhiɛ kɔ́lɔn.

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»

Kɔlɔnikɔ Maa-ŋuŋ 29:17

Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Gɛlaɠaa 15:28

Hvo gaai, kwa Kili-Mąąhəɠɛɛ ni, ku woo aa laa mą, kuɔ, ku hvo tíɛ̨ takpɛli laai ká nwuɔ̨, ə kulɔ yiiɠaai gaa a nu kəlee nwuɔ̨ tíɛ̨, diɛ ɓaa: