Gɛlaɠaa 15:22 - Yálá laawoo hɛɓɛ (dc)

²² Nąąlɔwai, Gɛlaɠaa da galaɉonŋaa, di woo ə laa mą, da gbɔn ɉu nuą, di nu taɠaa həɠə ɉu di lɔwai, di di tɔɔ Antiɔsə da Polə ni ə mą kɛ, Barnabasə. Diɛ ɓaa kɛ a Ɉudasə, yai da kɛ mą: Barsabasə da Silasə, nu hveelɛi ti di kɛ a laa na nuą galan nɛa lɔwai.

Yálá laawoo hɛɓɛ

²² Nąąlɔwai, Gɛlaɠaa da galaɉonŋaa, di woo ə laa mą, da gbɔn ɉu nuą, di nu taɠaa həɠə ɉu di lɔwai, di di tɔɔ Antiɔsə da Polə ni ə mą kɛ, Barnabasə. Diɛ ɓaa kɛ a Ɉudasə, yai da kɛ mą: Barsabasə da Silasə, nu hveelɛi ti di kɛ a laa na nuą galan nɛa lɔwai.

Bible

²² Nya ƃe zia-ƃelai, ǹúu pɔlɔ-ŋai da Kôrai-toli-kpɔŋ su-ƃelai dí gbɛ̀tɛ a gɛ́ɛ dí nûa kula dísama dí dítɛɛ Ɛŋtiɔ a gɛ́ɛ da Pɔ̂ɔ-ni da Banaba dí lí. Dí Zudasi tɛ̀ɛ, nyíi da kâa dòli a Basabai da Salɛ. Ƃâa kɛ́-maa támaa è kɛ̀ nûa yêei zia-ƃela feerɛi ŋí mɛni ma. Dí kɔlɔ tɛ̀ɛ dípɔ a gɛ́ɛ dí lí la.

Gɛlaɠaa 15:22 Referans Kwoze

Gɛlaɠaa 15:27

Ku kaa Ɉudasə da Silasə di tɔɔi ká pɔɔli, diɛ ɓə pai mɛ̨nįi ti hukulɔi káá, a di laawoo.

Gɛlaɠaa 15:40

Polə yaan, ə Silasə hvilɛn bɔ, di bələ həɠə diɛ li, gu nąn nonnii di di galihva ɓo gu Ną́mu Yálá nwɔ mɛ̨inɛ̨ɛ̨ ɓa.

Piɛrə dɔlɔɔ 5:12

Ŋį́ ɉɛɓɛ́ kpuɔ lon ŋɛ̨i tɛɛi kaa, Silvɛn nwɔ kpɔnmąą háálai, yai ŋą́ gaa yɛ néélon, dələnmoɔ, gɛ́ ká hvaŋąlɔ, ɛlɛɛ, gɛ́ kɛ káá, Yálá ŋą nɛ̨ɛ̨laa kpɔ-kpɔɔ ka tii káá kąnąn mą.

Tɛsalonikə veelɛ 1:1

Polə, Silvain, ɛlɛɛ, da Timote diɛ ɓə ɉɛɓɛ́i ŋɛ̨i tɛɛi Tesalonikə kalan gbɔn ma, diɛi gu Ną́n Yálá da gu Ną́mu Jesus Kristə hu.

Tɛsalonikə dɔlɔɔ 1:1

Polə, Silvain, ɛlɛɛ Timote, kuɔ ɓə ɉɛɓɛ́i ŋɛ̨i tɛɛi Tesalonikə kalan gbɔn ɓa, diɛi di kaa gu Ną́n Yálá da gu Ną́mu Jesus Kristə hu. Mɛ̨inɛ̨ɛ̨ da liilaa ə kɛ ka pɔ.

Gɛlaɠaa 18:5

Kɛlaa, yii kɛa Silasə da Timote di həɠə la Masedoanə lɔi hu di pa, Polə nwɛi, ɲee ə kɛ lɔ Yálá lawoo laa həli kóló ɓa, yɛ nɛ tii Ɉuifəɠaa diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.

Gɛlaɠaa 15:32

Ɉudasə da Silasə diɛ kpɛlimąn, kɛi di mo a Yálá kwəi mɛ̨nį hukulɔ nuą, di galan nɛai ti liɛwooɓo kpɔ a ɉukwɛaa, di di hvaŋąlɔ.

Gɛlaɠaa 1:23

Nu hveelɛ ɓə di di yee lɛ diɛ; dɔ̨nɔ̨ ɓaa: Ɉosɛfə, yai da kɛ mą: Barsabasə, naa mɛ̨i hee ɓa kɛ a: Ɉustusə. Veelɛnąą ɓa kɛ a: Matiasə.

Gɛlaɠaa 17:14

Galan nɛa di nɛɛ mą di mo Polə ɓa, ə li gboloyá kwɛlɛ pələ; Silasə da Timote di lɛɛ laa.

Gɛlaɠaa 17:10

Yii kɛa kpinį ə pɛlɛ, kalan nɛa di Polə da Silasə di tɔɔ bələi diɛ li Bere, di həliɛ laai, də li Ɉuifəɠaa di wɔ Yálá hvɛli pɛlɛ́ mu.

Gɛlaɠaa 17:4

Ɉuifə taɠaa di Polə da Silasə di nwoo kaa a tɛ̨ą, ə pɛlɛ la Grɛkəɠaa tamąą diɛ, diɛi kɛi kwɛli hvilɛn Yálá ɓa, da nɛ̨ąą tamąą, a laa-nąmįną kpɛa-kpɛaa.

Gɛlaɠaa 16:29

Ɉulɔnui ti, ə mo di pa a nwɔ̨n, ə nɛɛmą ə gilɛ həɠə yɛ lɔ gaho pɛlɛ́ mu, mąą yɛ kpɛlin, ə li, ə pɛlɛ Polə da Silasə di kɔ́wɔ mu.

Gɛlaɠaa 16:25

Kwii hąą ɓɛlaɓoi lɔwai, Polə da Silasə di kɛi Yálá hvɛli, diɛ Yálá mąątɛ̨nɛ̨ wələ too, gaho nąmįną yiiɠaa ti diɛ di woo mɛ̨n.

Gɛlaɠaa 16:19

Ya ɓə nɛ̨ɛ̨nui ti nąmįną, gaai di mo diɛ kɛ, di wɔ hɛn gɔw hɔlɔɓoi aa kulɔ di yəi, di Polə da Silasə di hon, də li a diɛ gwəli hąą kɛnɛ̨ ɓa daa-nąmįną líí la.

Gɛlaɠaa 15:25

Yiihu, ku woo aa laa mą ku kəlee, kwaa nuą həɠə ɉu, kuɔ di tɔɔ ka pɔɔli, da ku wɛlikɛmąą nuą Barnabasə da Polə.

Gɛlaɠaa 15:23

Di ɉɛɓɛ́ tɛɛ di pɔ. Ɉɛɓɛ́ hu woo ka: «Gɛlaɠaa, galanɉonŋaa, da gu nąn nonnii, diɛ ku nąn nonni túwɔ́ɓo; diɛi a huwu takpɛliɠaa, di ɓo Antiɔsə Siri lɔi hu, da yiiɠaai Silisi lɔi hu.

Gɛlaɠaa 11:22

Mɛ̨nįi ti bələ ə pa ə hɛli gbɔn ɓa Ɉerusalɛmə, di nɛɛmą di Barnabasə tɔɔ Antiɔsə.

Gɛlaɠaa 8:14

Gɛlaɠaai kɛ Ɉerusalɛmə, di bələ mɛ̨n diɛ kɛ: Samari lɔi hu nuą daa di yee hee Yálá lawoo mu, di nɛɛ mą di Piɛrə da Ɉaan di tɔɔ laa.

Kɔlɔnikɔ Veerɛi 30:12

Ɉuda lɔi hu ɓə Yálá ə tunwɔ̨n naa nuą lii ɓa, nu kəlee di hvaa mą, mɛ̨nįi tii tɔɔmun da nwɔ kalanɉonŋąą di mo, di ɉon, di bɔ mɛ̨nį kɛ yɛ bələi Yai-Laa hvaawoo ə kɛ la.

Kɔlɔnikɔ Veerɛi 30:4

Mɛ̨nį hon bələi tii, ə nɛ̨ɛ̨ tɔɔmun da nuą kəlee diɛ.

Samia Veerɛi 3:36

Nu kəlee ə mɛ̨nįi tii kpaɠala kaa, diɛ kɛ mɛ̨nį haŋąą li. Mɛ̨nį lɔpee tɔɔmun aa kɛi gɛ, di kɛi gaa a mɛ̨nį lɛlɛɛ.

Gɛlaɠaa 11:19

Gɔi di bɛlɛ Yálá ŋą kpɔn ma, Etiɛnə paa mɛ̨nį hu, nuąi ə di hu taɠa, daɠaa də li kpɔ Fenisi, daɠaa də li Siprə, daɠaa də li Antiɔsə; kɛlaa, di hvo Yálá lawoo laa həli nu takpɛli ɓa, ə kulɔ lɔ Ɉuifəɠaa.

Gɛlaɠaa 11:20

Kɛlaa, ə mą kɛ ti, di taɠaa, di kaa-lɔi ə kɛ a Siprə da Sirɛnə, pai di mo Antiɔsə di wɛi, Grɛkəɠaa lɔ ɓə di kɛli nwəlɛɛ lɛlɛɛ laa həli diɛ, yai vilɛn ŋąąi gu Ną́mu Jesus ɓa.

Gɛlaɠaa 11:27

Nąąlɔwai ti ɓə Yálá kwəi mɛ̨nį hukulɔ nuą di həɠə la Ɉerusalɛmə, diɛ li Antiɔsə.

Gɛlaɠaa 15:3

Antiɔsə kalan gbɔn ə ɉiɛ kulɔ wali kɛ. Di tɛɛ Fenisi lɔi da Samari lɔi hu pələ. Diɛ huwu takpɛliɠaa lɔ mɛ̨nį kalan ɉu, hukulɔ, diɛ gu nąn nonnii kəlee kwəinɛ̨ɛ̨ a yili.

Gɛlaɠaa 15:30

Yii kɛa, di nwɛlɛɛɓo nuąi ti tɔɔ bələi; yiliɠaai də li Antiɔsə. Di laa na nuą kəlee ɲąąkpɔn, di ɉɛɓɛ́ tɛɛ di pɔ.

Korɛntə veelɛ 1:19

Mąąhɔlɔɓo, Yálá lon Jesus Kristə, yai ku mąą mɛ̨nį laa həli káá: Ɲą́ą́, Silvɛn, ɛlɛɛ, Timote, hvo kɛli kɛ a: «ee!» da «kpaa!» Kɛlaa yaamun, gaa a «ee!», a yələ kəlee.