Gɛlaɠaa 15:19 - Yálá laawoo hɛɓɛ (dc)

¹⁹ Ɉakə yɛ nwɔ̨nɔ̨ diɛ: «Nwɔ́ɔ́ kwəi, mąą hvo nɛ̨ɛ̨li, huwu takpɛliɠaa da di ɲɛ̨i tínɛ̨n Yálá pɔ pələ, gu hvo laakpalamąą mɛ̨nį ta hee di nwuɔ̨.

Yálá laawoo hɛɓɛ

¹⁹ Ɉakə yɛ nwɔ̨nɔ̨ diɛ: «Nwɔ́ɔ́ kwəi, mąą hvo nɛ̨ɛ̨li, huwu takpɛliɠaa da di ɲɛ̨i tínɛ̨n Yálá pɔ pələ, gu hvo laakpalamąą mɛ̨nį ta hee di nwuɔ̨.

Bible

¹⁹ Ŋákili-ŋa-siai ƃa kúfe fũa-fũa tɔ̀ɔ Zɛ̃tai-ŋai dîa, nyíi-ŋai da pá Ɣâla pɔ́-naa perei.

Gɛlaɠaa 15:19 Referans Kwoze

Gɛlaɠaa 15:28

Hvo gaai, kwa Kili-Mąąhəɠɛɛ ni, ku woo aa laa mą, kuɔ, ku hvo tíɛ̨ takpɛli laai ká nwuɔ̨, ə kulɔ yiiɠaai gaa a nu kəlee nwuɔ̨ tíɛ̨, diɛ ɓaa:

Tɛsalonikə dɔlɔɔ 1:9

Mąąhɔlɔɓo, bələi ká ká yee hee la ku mu, ɛlɛɛ, bələi ká tínɛ̨n na Yálá pɔ pələ, káá ká pulu tɔɔ haliɠaa diɛ, káá tí la tɛ̨ą Yálá hulúmąą ɓa, nuą da kɛ yili bələ ɓoi,

Gɛlaɠaa 15:24

Kwaa bələ mɛ̨n diɛ; ku taɠaa daa pa laa ká pɔɔli, diɛ ká kwəi pilimąą wooɠaa, da ká hupu wooɠaa ɓo káá. Kuɔ hvəə di tí a yili.

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Osia 14:2

Israɛlə! Pənə ə́ pa wɛ, Yai-Laa ə́ wɔ Yálái pɔ, mąąhɔlɔɓo, ə́ kɛ nɛ̨ŋɛ̨n aa ə́ too.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Galatə 2:4

bələi mąn nɛɛ kalan nɛa tii di kɛ la bɔ. Di pa ku lɔwai yɛ nɛ̨nɛ̨ɛ̨n-naa kɛ nuą; di kɛ bɔ di gaa, bələi ku kaa ku wɔɔ lɛɛgbɔwɔ ɓa laa hon ɉii la, a yai həɠə Jesus Kristə pɔ pələ, ə gɛ, di ku lɔ di yee mu.

Gɛlaɠaa 15:10

Yili a kɛ tii, lə mɛ̨nį ɓa ka káá bɔ ka Yálá hukɔ́ɔn? Káá tiɛ̨ hee la laa na nuą nwuɔ̨, yai gu nąnni di hvo pɛli ɉəɠəi, ə mą kpɛli kɛ guɔ?

Gɛlaɠaa 21:21

Kɛlaa, daa mɛ̨n diɛ, Ɉuifəɠaai ŋɛ̨i huwu takpɛliɠaa lɔwai, ə́ kaa di kalan ɉii, yɛ kɛ diɛ: Di hvo Moisə nwɔ tɔ́n pɔ yíiɓo, ɛlɛɛ di hvo di lonnii hee kɛ́nɛ̨ ɓa, yɛ bələi Ɉuifəɠaa di wɔ huwu la mɛ̨nį kaa la.

Gɛlaɠaa 21:25

Yii ɓaa nuąi di hvo a Ɉuifəɠaa di wɛi, diɛi daa kɛ a Kristalɛa, mɛ̨nįi ku gbən dee, ku bɛ̨ɛ̨ hɛɓɛ́ hu, ku dɛɛ diɛ kuɔ diɛ: Huwɔ yii daa gulɔ hali ɓa a haláá, mąą hvo nɛ̨ɛ̨li di hvo mįi, ə mą kɛ a ɲąmą, da huwɔi di hvo nwun dee li. Mąą hvo nɛ̨ɛ̨li di kɛ a wɛli hon nuą.»