Gɛlaɠaa 13:3 - Yálá laawoo hɛɓɛ (dc)

³ Nąąlɔwai, yii kɛa di kpɛɛ a hin nɔ da Yálá hvɛliɛ, di di yee pɛlɛ di mɛ̨i, di di tɔɔ bələi.

Yálá laawoo hɛɓɛ

³ Nąąlɔwai, yii kɛa di kpɛɛ a hin nɔ da Yálá hvɛliɛ, di di yee pɛlɛ di mɛ̨i, di di tɔɔ bələi.

Bible

³ Dí kpɛ̀ɛ a Ɣâla fɛliɛɛ da suŋ siɣeɛɛi, dí díyee pɛ̀lɛ dîa dí dítɛɛ.

Gɛlaɠaa 13:3 Referans Kwoze

Gɛlaɠaa 6:6

Di pa a nuą ti gɛlaɠaai pɔ, di di yee pɛlɛ di mɛ̨i, di Yálá hvɛli diɛ.

Timote veelɛ 2:2

Mɛ̨nįɠaai ə́ mąąkwɛli ɲə́i, kɛla tamąą ɲɛ̨i ɓa, 'lí, ə́ galihvaɓo tələnmo nuą diɛ, diɛi da pɛli di nu takpɛliɠaa mąąkwɛli mą, diɛ kpɛli.

Timote dɔlɔɔ 4:14

Yálá ŋą nɛ̨ɛ̨laa hu mɛ̨inɛ̨ɛ̨ tii ə́ hu, hvó tɛɠɛɓo ɉu, a yai ə́ ɉɔlɔɓo a Yálá kwəi mɛ̨nį hukulaa laa pɔɔ, ɛlɛɛ, da nu pɔlɔɠaa yee pɛlɛɛ ə́ mɛ̨i.

Gɛlaɠaa 13:2

Yələ ta, ɓɛlɔwai di kɛi kwɛli hvilɛn na Yálá ɓa, diɛ hin nɔ, Kili-Mąąhəɠɛɛ ə di kilaa pono yɛ diɛ: «'Ká Barnabasə da Solə di tɛɛ bɔ́, gáá di tɔɔi kólo ta ɓa.»

Zɔ̂ŋ Zaaƃai 1:8

Guɔ kpɔ ɓə gu mąąnɛ̨ɛ̨i gu mąąkpɔnmąą tɛɛ nuą tii pɔ, ə gɛ, gu gu kpɔwɔ lɛ diɛ a dɛ̨ą tii mąą kóló kɛ nuą, yɛ diɛ.

Timote dɔlɔɔ 5:22

'Hvó humo a ə́ yee pɛlɛɛ nu mɛ̨i ɉa, 'hvó ə́ yee too nu ta ŋą nɛ̨ŋɛ̨n ɉu, 'ə́ kpɔwɔ laahɔnmo mąąhəɠə laa hu.

Lomaŋ 10:15

Nu ta a pɛli naa həlii ləi, akɛ, di hvo dɔɔ li? Yɛ bələi Yálá lawoo hɛɓɛ́ ə mo la, yɛ diɛ: «Nuąi nwɛlɛɛ lɛlɛɛ laa həli, di kɔ́wɔ lɛlɛɛi di mu.»

Gɛlaɠaa 14:26

Di həɠə laa diɛ li Antiɔsə kələn ɉu, ɓɛi di ɉiɛ kɔwɔ tɔɔ laa, ɓɛi di di kalihva ɓo laa Yálá nwɔ mɛ̨inɛ̨ɛ̨ ɓa gólói ti kɛ mąą mɛ̨nį ɓa.

Gɛlaɠaa 14:23

Galan gbɔn tɛitɛi hu, di di yee lɛ nu taɠaa diɛ, a kalanɉonŋaa; di kɛli Yálá hvɛli, diɛ hin nɔ, di di kalihva ɓo gu Ną́mu ɓa, a Ɲálái ti di di yee hee mąą mɛ̨nį mui.

Lonon mo 27:23

Moisə ə ɲee pɛlɛ nwuɔ̨, ə dɔɔ gɛ kóló ɓa, yɛ bələi Yai-Laa ə gbɛa mo la Moisə ɓa.

Timote veelɛ 1:6

Yili mąą mɛ̨nį ɓa, gáá nąą kili tooi ə́ ɲą, gɛ́: díɓoi Yálá ə dɛɛ ə́ pɔ, a ɲələi ŋį́ ɲéé pɛlɛ la ə́ mɛ̨i, 'ə́ ɉu nwun.

Gɛlaɠaa 15:40

Polə yaan, ə Silasə hvilɛn bɔ, di bələ həɠə diɛ li, gu nąn nonnii di di galihva ɓo gu Ną́mu Yálá nwɔ mɛ̨inɛ̨ɛ̨ ɓa.

Zɔ̂ŋ Zaaƃai 1:6

Da ə́ wɔɔ wɛlikɛmąą laa mąą kɛla mąą hvaa lɛlɛɛ ɓo gbɔn nonnii kəlee ɲɛ̨i ɓa. Yá kɛ gɛi a nɛlɛɛ, a di mąąkpɔnmąaɓoi yá mo di wɔɔ hiɛ mɛ̨nįɠaa hu, yɛ bələi mąąnɛ̨ɛ̨i la Yálá ɲɛ̨i ɓa.

Gɛlaɠaa 9:17

Ananiasə ə li, ə lɔ bɛlɛ́n, ə ɲee pɛlɛ mɛ̨i, yɛ mą: «Ną́n non Solə, gu Ną́mu Jesus ɓə dɔ́ɔ́, yai gbɔwɔ lɛ yɛ́ bələ pɔi, ə gə, ə́ kɛɛ kaa, ɛlɛɛ, ə́ Kili-Mąąhəɠɛɛ hɔlɔɓo.»

Lukə 2:37

Yili pulu, ə too galanən naa hu, ɛlɛɛ la ɉu, gaa kwɛlan ə kɛ pow mɛ̨ihaaɓa kɔ́w nąąn ə kɛi lɔ pa Yálá hee pɛlɛ́ mu a hvóló kəlee yɛ hin, nɔ yɛ Yálá hvɛli.

Gɛlaɠaa 1:24

Yili pulu, nuą kəlee di bɛlɛ gee ɓa di Yálá hvɛli, diɛ kɛ mą: «Ną́mu Yálá, yɛ́i ə nu lii hu mɛ̨nį kɔ́lɔn, nu hveelɛi ŋɛ̨i, dɔ̨nɔ̨ həɠə ɉu,

Gɛlaɠaa 13:4

Yii kɛa Barnabasə da Solə di gaa diɛ Kili-Mąąhəɠɛɛ aa di tɔɔ hiɛ ɓa, də li Seleusi, nąą ɓə di hee laa gələn ɉu, diɛ li Siprə.