Gɛlaɠaa 13:25 - Yálá laawoo hɛɓɛ (dc)

²⁵ Ɛlɛɛ, ɓɛlɔwai Ɉaan ə kɛli pa ɲee laa kulɔi la gɛ kóló ɓa, ə kɛli kɛ diɛ: ‹Nui gaa ká kwəi, káá kɛ ya ɓaa a ɲą́ą́, və́ a mąą nui ti. Kɛlaa, mąą nu kaa búlú yɛ pa, ɲą́ą́ ŋɛ̨i, mą́ą́ hvo kpɛli nɛ̨ɛ̨li a gɔwɔɲą kɔ́lɔ yɛli hvólóonmun.›

Yálá laawoo hɛɓɛ

²⁵ Ɛlɛɛ, ɓɛlɔwai Ɉaan ə kɛli pa ɲee laa kulɔi la gɛ kóló ɓa, ə kɛli kɛ diɛ: ‹Nui gaa ká kwəi, káá kɛ ya ɓaa a ɲą́ą́, və́ a mąą nui ti. Kɛlaa, mąą nu kaa búlú yɛ pa, ɲą́ą́ ŋɛ̨i, mą́ą́ hvo kpɛli nɛ̨ɛ̨li a gɔwɔɲą kɔ́lɔ yɛli hvólóonmun.›

Bible

²⁵ Zɔ̂ŋ kɛ́ɛ a kpɛɛ a ŋɔtíi kɛ́ɛi, è mò, ǹyɛɛi, ‘Gáa kákili ŋá a gɛ́ɛ ŋ́gaa a gbɛ̂ɛ? Ǹyaa fa ǹyaa. Kɛ́lɛ, núu da káa pâi ḿbôlu, nyíi ḿaa fé nɛ̃ɛ ní a gɛ́ɛ ŋá ŋɔkɔ́ɔ ŋá-kɔlɔi ŋ̀ɛli fúloŋ.’

Gɛlaɠaa 13:25 Referans Kwoze

Maafîu 3:11

Nwɛ́i, gáá ka mąąwaai a yá, ə gɛ, di gaa diɛ, kaa ka yii pələ mąąhvalin. Kɛlaa, nu ta kaa búlú yɛ pa, nwɔ huwalawala kɛnɛ̨i dɛɛ mą́ą́. Gaa pai ka mąąwaai a Kili-Mąąhəɠɛɛ, da nwɔ̨n. Ɲą́ą́ mą́ą́ hvo kpɛli nɛ̨ɛ̨li a nwɔ kɔ́lɔi laa hvoloon mun.

Markə 1:7

Ə kɛi mo nuą diɛ yɛ kɛ diɛ: «Nu ta kaa búlú yɛ pa, nwɔ huwalawala kɛnɛ̨i dɛɛ mą́ą́. Ɲą́ą́ mą́ą́ hvo kpɛli nɛ̨ɛ̨li a nwɔ kɔ́lɔi laa hvólón mun.

Gɛlaɠaa 20:24

Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

M̀ɛni-lɛɛi 11:7

Kɛlaa da pa kpɛɛi a gɛla woo ɓoɔ, ɉuwɔi tii pai kulɔi nowa kpon gwɛaa hu, gaa pai kɔ pɛlɛi diɛ, ɲee ə tɛɛ diɛ, ɛlɛɛ, ə di paa.

Timote veelɛ 4:7

Ŋą́ą́ kɔ lɛlɛɛ kɔ, ŋą́ą́ nwɔ́ gilɛi laa kulɔ, ŋą́ą́ laa na laa hɔlɔɓo.

Korɛntə veelɛ 4:5

Ku kpɔwɔ mąą kalan vəi ku kaa gɛi, kɛlaa gu Nąmu Jesus Kristə ɓə. Yii ɓaa ku kpinįi ku wɛi, kwa ku kpɔwɔ lɛ a ká wɔɔ tínuą Jesus mąą mɛ̨nį ɓa.

Gɛlaɠaa 19:4

Polə ə pənə, yɛ diɛ: «Ɉaan ə kɛli nu hɔn mąą pənə mɛ̨nį ŋą mąąwaa kɛ a yá, yɛ kɛ nuą diɛ, mąąnɛ̨ɛ̨ di laa nui kɛli pa lɛɛi bulu yɛ pa, na, ya ɓaa a Jesus.»

Gɛlaɠaa 13:36

«Davidə nwɛi, nwɔ yɛnɛ̨ɛ̨ kəlee hu, ə kɛi tí Yálá ɓa, yii kpɔ Yálá ə kɛ bɔ, ya ɓə ə gɛ. Ə haa, di naa nąnni kwɛlɛ, ɛlɛɛ, gɔlɔ ə luwun.

Ɉaan 7:18

Nui a gbɔwɔ woo ɓo, a gbɔwɔ nwɔ mąąwiɛ kwɛli. Kɛlaa, nui a dímun nwɔ mąąwiɛ kwɛli, tɛ̨ą ɓomun, hva wɛa túwɔ́ ɓo.

Ɉaan 4:34

Jesus ə mo diɛ yɛ diɛ: «Gɔ́nɔ́n mąą: Yálá ŋɛ̨i dɔ́ɔ́ ŋį́ niiɓa kɛ, ə lɛɛ, gólói ŋɛ̨i ə dɛɛ bɔ́, ŋą gɛ ŋį́ naa kulɔ.

Ɉaan 1:36

Nąąlɔwai Ɉaan ə ɲɛ̨i hee Jesus ɓa yɛ tɛɛ ə mo yɛ diɛ: «Yálá nwɔ ɓɛlaa lon ga!»

Ɉaan 1:34

Ɲą́ą́ ŋą́ą́ yili kaa tii, ya ɓə gɛi gɛ́ kɛ diɛ: Nui ŋɛ̨i kaa a Yálá lon.»

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.