Gɛlaɠaa 13:19 - Yálá laawoo hɛɓɛ (dc)

¹⁹ Ə lɔi mɛ̨ihveelɛ hu nuą kpɛ Kanaan lɔi hu, ə di wɔ lɔiɠaai tɛɛ nwɔ nuąi pɔ a di hee lɔi,

Yálá laawoo hɛɓɛ

¹⁹ Ə lɔi mɛ̨ihveelɛ hu nuą kpɛ Kanaan lɔi hu, ə di wɔ lɔiɠaai tɛɛ nwɔ nuąi pɔ a di hee lɔi,

Bible

¹⁹ Ɣâla kɛ́ɛ a lɔii-ŋuŋ lɔ́ɔlu mɛi feerɛ su kara Keena lɔii sui, è dílɔii ŋáa kɔ̀lɛ Eezuɛ-ƃelai dîa kóraŋ kɛ́ɛ yɛ̂ɛ ŋ̀uŋ náaŋ pôlu buu lɔ́ɔlu mɛni ma.

Gɛlaɠaa 13:19 Referans Kwoze

Dutɛrɔnome 7:1

Ɲələi Yai-Laa ka wɔ Yálái kaa pai ka lɔi la nɔi ŋɛ̨i ka káá pai ɉɔlɔɓoi a ka wɔ ɉui; yɛ nu huwu tamąą kpɛ ka ɲɛ̨i tɔwɔ, diɛi a: Hɛtə nuą, Girgasə nuą, Amɔrə nuą, Kanaan nuą, Perizi nuą, Hivi nuą, ɛlɛɛ da Ɉebusə nuą; nu huwu mɛ̨ihveelɛi tii di tamąąi, di hvaŋą kɛnɛ̨ di tɛɛ kaa,

Mąątɛ̨nɛ̨ 78:55

Ə nuą kpɛ di tɔwɔ, ə di wɔ lɔi ɲąąkwɛlɛ diɛ, nɔi ə lɛɛ a di kwɛlin; ə Israɛlə nu huwu hee di wɔ pɛlɛ́ɠaai mu.

Gɛlaɠaa 7:45

Ɉɔlɔɓoi gu nąnni di mo, Ɉosue ə tɔɔ di tɔwɔ, di lɔ la nɔi Yálá ə ɉu nuą kpɛ di tɔwɔ, ɉu, ə lɛɛ laa, ə lɛɛ ɉu, Davidə nwɔ yələi ə ɉəli.

Zasua 19:51

Nuą hee taaɠaa ka tii, ɉaláá laa həli mun Eleazarə, Nun lon Ɉosue, da Israɛlə lonnii di wɔ pɛlɛ nąmįną, di nɔi ɲąąkwɛlɛ mɛ̨nį kɔ́ a kpɛ̨ɛ̨, Silo daai Yai-laa lííla, gee kaa kələ laaləi; bələ ɓə di kpɛɛ la a nɔi ɲąąkwɛlɛɛ.

Zasua 14:1

Nɔiɠaai Israɛlə lonnii di ɉɔlɔɓo a di wɔ Kanaan lɔi hu, diɛ ka: diɛ kɛ a nɔiɠaai ɉaláá laa həli mun Eleazarə, Nun lon Ɉosue da Israɛlə lonnii ɲɛ̨itɔwɔ nuą, di dɛɛ di pɔ a di hee lɔi.

Mąątɛ̨nɛ̨ 135:11

Sihɔn ka, yai kɛ a Amɔrə tɔɔmun, Ogə ka, yai kɛ a Basan tɔɔmun, ɛlɛɛ, Kanaan tɔɔɓɛlaa kəlee.

Nehemi 9:24

Di lonnii di lɔ laa, di ɉɔlɔɓo a di wɔɔ, ə́ nɔi hu nuą lɔ di mu, diɛ ɓaa Kanaan nuą, ə́ di too di yee kɔ́nma, da di wɔ tɔɔɓɛlaai, da nu kanŋaa, diɛ di hon a di liiɓa.

Zasua 24:11

Ka Ɉurdɛn teen, ka həli Ɉeriko, Ɉeriko tɔɔɓɛlaa di kɔ́ pɛlɛ kaa, diɛ ɓaa: Amɔrə nuą, Perizi nuą, Kanaan nuą, Hɛtə nuą, Girgasə nuą, Hivi nuą, da Ɉebusə nuą. Kɛlaa, ŋį́ di lɔ ka yee ŋą.

Zasua 23:4

Kaa kpinįi ka ɲɛ̨i ɓa mɛ̨nį li, kaa diɛ, nu huwuɠaa ŋɛ̨i kɛ heeni ɓɛ, ŋą́ą́ di heeiɠaa ɲąąkwɛlɛ ka huwuɠaa diɛ, diɛi ŋį́ di huwolo a kɔ́, ə həɠə Ɉurdɛn ɓa, ə həli la gboloyá kɛnɛ̨ ɓa, voló tooi pələ.

Zasua 18:10

Ɉosue ə gbɛɛn bili di lɔwai Yai-Laa ɲɛ̨i ɓa Silo daai. Ɉosue ə nɔi ɲąąkwɛlɛ Israɛlə lonnii lɔwai yɛ bələi lɔ wɔlɔ di nɔi ɲąąkwɛlɛ la.

Zɛnɛse 17:8

Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Zɛnɛse 12:5

Abramə ə nɛ̨ą Sarai həɠə, ə bɛlɛ mąnįn Lɔtə ɓa da hɛn gɔw kpɔ kɛ ɲəi, ə mą kɛ huwɔɠaai ə di ya Haran lɔi hu, ə li a gəlee. Ə muhəɠə, ə ɲɛ̨i haŋą Kanaan lɔi hu pələ. Ɓɛlɔwai Abramə ə li la Kanaan lɔi hu,

Nwun mąąɓo 11:26

Aa kɛ kɛa a kwɛlan nwun ɉaaɓa, Israɛlə nuą heɛ kaa Hɛsbɔn da gwɛlɛɠaa, Aroɛrə da gwɛlɛɠaa, ɛlɛɛ da daaɠaai kpɔ di kaa Arnɔn koo ɓa. Lə mɛ̨nį ɓa nąąlɔwai ka hvo kɛ nąą həɠə li?

Tɔɔɓɛlaa dɔlɔɔ 6:1

Ə həɠə Israɛlə nuą kulaa Eziptə lɔi hu ɓa, ə həli la Yálá hee pɛlɛ́ tɔɔi lɔwai ɓa, ə kɛ a kwɛlan nwun nąąn kwɛlan bow mɛ̨ihaaɓa. Gwɛlan tii ə kɛ a Salomɔn nwɔ tɔɔlaa gwɛlan nąąn nɔwai Israɛlə lɔi nwun na. Salomɔn ə bɛlɛ́ kóló kɔ́wɔ tɔɔ a ɲąnin ŋɛ̨i da kɛ mą: Ɉiwə yai a di wɔɔ kwɛlan ɲąnįn veelɛnąą, ɲąnįn tii hu ɓə Salomɔn ə Yálá hee pɛlɛ́ tɔɔ la.

Azaya 34:17

Yaa kpinįi ɓə gbɛɛn bili, yɛ nu tɛi tɛi kɔ́, yaa kpinįi ɓə nɔi kɔ́ɔn diɛ, yɛ lɛɛ di yəi a di pɔɔ a yələ kəlee mɛ̨nį, di ɓo laa heeni a kwɛlan gəlee da nwɔɔ.