Gɛlaɠaa 13:14 - Yálá laawoo hɛɓɛ (dc)

¹⁴ Kɛlaa, ɓɛlɔwai di həɠə la Pɛrsə daai, də li Antiɔsə daai Pisidi lɔi hu. A hvįįtɔɔ yələ ta, di lɔ Yálá hvɛli pɛlɛ́ mu, di hee;

Yálá laawoo hɛɓɛ

¹⁴ Kɛlaa, ɓɛlɔwai di həɠə la Pɛrsə daai, də li Antiɔsə daai Pisidi lɔi hu. A hvįįtɔɔ yələ ta, di lɔ Yálá hvɛli pɛlɛ́ mu, di hee;

Bible

¹⁴ Kɛ́lɛ, dí kùla Pɛga, dí pà Ɛŋtiɔ, Pasidia lɔii su. Dí lì Ŋ̀âla-fɛli-kerei mu a Vii-tɔɔ-ɣelei dí see naa.

Gɛlaɠaa 13:14 Referans Kwoze

Gɛlaɠaa 16:13

Hvįįtɔɔ yələ, ku kulɔ daai, kwə li ya ta kwɛlɛ, a lɔ ku kwəi, ku kaa lii Yálá hvɛlii ta kaai. Ku lɔ ku hee, nɛ̨ąɠaa ti da kɛ di ɲąąkpɔn ɉii laa, ku pələ pili diɛ.

Gɛlaɠaa 17:2

Yɛ bələi Polə a gɛ la a bɔlɔ, ə li ə Ɉuifəɠaa kaa di wɔ Yálá hvɛli pɛlɛ́ mu. Hvįįtɔɔ yələ haaɓa yee mu, lɔ ti gee la, ə kɛli pələ ɓo diɛ, yɛ kulɔ Yálá lawoo hɛɓɛ́ hu.

Gɛlaɠaa 14:19

Nąąlɔwai Ɉuifəɠaa di həɠə Antiɔsə da Ikoniumə, di nuą ɲąąhee diɛ, di pɛlɛ Polə ɓa, diɛ ɉɔɔ a kwɛni; di lɛɛ ɉɔɔi di nɛɠɛ həɠə di kulɔ la daa kpala, ə kɛ di kwəi, aa haa.

Gɛlaɠaa 13:5

Di həliɛ Salaminə, də li Yálá hvɛli pɛlɛ́ɠaa mu diɛ Yálá lawoo laa həli diɛ. Ɉaan-Markə ə kɛ di pɔ, yɛ kpɔnmąą tɛɛ di pɔ.

Gɛlaɠaa 18:4

Hvįįtɔɔ yələ həli pələ tɛitɛi, Polə ɓə pələ ə kɛ na Yálá hvɛli pɛlɛ́ mu; yɛ tɔɔ a nwąnąi, yɛ, Ɉuifəɠaa da Grɛkəɠaa di kiliŋą pono pələ kwɛli.

Gɛlaɠaa 19:8

Polə ə kɛli li Yálá hvɛli pɛlɛ́ mu, ɛlɛɛ, ɲąnįn ɉaaɓa yee mu, yɛ Yálá nwɔ tɔɔlaa mąą mɛ̨nį hukulɔ a kilitɔɔmąąlaa kɛnɛ̨, nuąi kɛi di wəli tɔɔ nwoo ɓa, yɛ tɔɔ a nwąnąi, yɛ tɛ̨ą lɛ diɛ;

Gɛlaɠaa 13:44

Bulu ɓa hvįįtɔɔ yələ həliɛ nwɔ̨nɔ̨, daa nuą mɔlɔɓɛlaa di di ɲąąkpɔn, ə gɛ, di Ną́mu Yálá lawoo mɛ̨n.

Gɛlaɠaa 13:42

Di kulɔi lɔwai, di Polə da Barnabasə di huhvɛli, diɛ kɛ, di pənə nwɔ̨nɔ̨, di mɛ̨nį tɔ̨nɔ̨i ti ta ɓo diɛ, a bulu ɓa hvįįtɔɔ yələ yii pai.

Gɛlaɠaa 9:20

Solə ə nɛɛ ɲąąɓa yɛ mo Yálá hvɛli pɛlɛ́ɠaa mu, yɛ kɛ diɛ: Jesus kaa a Yálá lon.

Lukə 4:16

Jesus ə li Nazarɛtə daai ɓɛi ə nokolo laa kɛ laa. Hvįįtɔɔ yələ ta ə lɔ di wɔ Yálá hvɛli pɛlɛ́ mu, di Yálá laawoo hɛɓɛ́ həɠə di dɛɛ bɔ, ə muhəɠə ə tɔɔ, ɉɛɓɛ́ ɓo mɛ̨nį ɓa.

Gɛlaɠaa 13:46

Polə da Barnabasə di mo kpɔ diɛ a ɲɛ̨i walawala, diɛ mą: «Káá ɓə kɛ tɔlɔɔ-tɔlɔɔ mąąnɛ̨ɛ̨ Yálá lawoo ə həli káá. Kɛlaa, yii káá lənə mąi, ɛlɛɛ, yii ká hvo ká kpɔwɔ kaai a nuąi mąąnɛ̨ɛ̨ di ɓalo hva kpɛɛ hɔlɔɓo, ku kaa kani ku ɲɛ̨i tínɛ̨n ɉii huwu takpɛliɠaa pɔ pələ.

Timote veelɛ 3:11

náánɔ̨nwɔ̨i di mo, da mɔ̨nɔ̨ɠaai ŋą́ mįi Antiɔsə, Ikoniumə da Listrə. Laanɔ̨nwɔ̨ ləi ɓə di hvo ɉee li mą́ą́, ə́ gəlee gbaɠala kɔ́lɔn, gəlee hu, Ną́mu ə gúlɔ ɉu.