Gɛlaɠaa 13:13 - Yálá laawoo hɛɓɛ (dc)

¹³ Polə da mɛlan di həɠə Pafɔsə diɛ li Pɛrsə daai, Pamfili lɔi hu. Nąą ɓə Ɉaan-Markə ə həɠə laa di pɔ yɛ li Ɉerusalɛmə.

Yálá laawoo hɛɓɛ

¹³ Polə da mɛlan di həɠə Pafɔsə diɛ li Pɛrsə daai, Pamfili lɔi hu. Nąą ɓə Ɉaan-Markə ə həɠə laa di pɔ yɛ li Ɉerusalɛmə.

Bible

¹³ Pɔ̂ɔ da m̀arâai dí kúlaa Paafoi, dí tɛ̀ɛ ǹyái ŋá-pere dí pá Pɛga taa-leei su. Daa-leei ŋí káa Paŋfîlia lɔii-kpiniŋ su. Nàa ƃe Zɔ̂ŋ Mâki è dílɛ̀ɛ naa é lí pôlu Zerusâlɛŋ.

Gɛlaɠaa 13:13 Referans Kwoze

Gɛlaɠaa 15:38

Kɛlaa, Polə hvo kɛ bɔ, nui ti kulɔ di pɔ Pamfili lɔi hu, ɛlɛɛ, hvo kɛ ɲee pɛlɛ li di wɔ kóló ɓa, da diɛni di hvo hiɛ kulɔ.

Gɛlaɠaa 27:5

Ku Silisi gboloyá da Pamfili nwɛi teen, hvoló pow gɔw lɔɔli kulaa ɉu, ku həli Mirə daai Lisi lɔi hu.

Gɛlaɠaa 12:12

Yii kɛa ə mąą mɛ̨nį kpaɠala kaa, ə li Ɉaan ŋɛ̨i naa mɛ̨i hee ɓaa Markə, nee Mari yəi bɛlɛ́n. Nu kpulu tamąą daa di ɲąąkpɔn gɛ laa diɛ Yálá hvɛli.

Gɛlaɠaa 2:10

daɠaa di həɠə Frizi lɔi hu, Pamfili, Eziptə lɔi hu, daɠaa di həɠə, Sirenaikə Libi lɔi hu, daɠaa di həɠə Romə daai,

Timote veelɛ 4:11

Lukə yaa tanɔ̨n lɔ ɓə ɓɛ bɔ́, yá kɛli pa, ká Markə ká pa, mąąhɔlɔɓo, a pɛli kpɔnmąą tɛɛ bɔ́ góló hu.

Kolosə 4:10

Aristarkə, yai kwa yaa ku kaa gaho ɲą, yɛ ka tuwɔ ɓo, ə mą kɛ, Barnabasə dɛlɛn non Markə, yɛ ka tuwɔ ɓo. Markə ti, daa hiɛ mąą mɛ̨nį hukulɔ kaa, a pa ka pɔɔli, ka ka yee hee mu a nɛlɛɛ.

Gɛlaɠaa 27:13

Hvaŋą hviikpɛɛ ta wolo ə muhəɠə, di gaa, diɛ, da pɛli di wɔ kilii tii pɔ mɛ̨nį kɛi, ya ɓə di gələn voloon, diɛ hiɛ Krɛtə lɔi koo ɓa

Gɛlaɠaa 15:36

Yíikuu tawolo kulaa ɉu, Polə yɛ Barnabasə ɓa: «Daaɠaai gu Yálá lawoo laa həli ɉu, gu pənə gu tɛɛ laa, gu gu woo pili gu nąn nonnii diɛ, gu di mɛ̨i kaa, bələi di kaa gɛi la, gu gbaɠala kaa.»