Gɛlaɠaa 13:12 - Yálá laawoo hɛɓɛ (dc)

¹² Yii kɛa nɔi nwun nąmu ə yili kaa la, ə laa Yálá la. Gu Ną́mu Jesus mąą kalan di kɛli gɛ, yili ə nii hon.

Yálá laawoo hɛɓɛ

¹² Yii kɛa nɔi nwun nąmu ə yili kaa la, ə laa Yálá la. Gu Ną́mu Jesus mąą kalan di kɛli gɛ, yili ə nii hon.

Bible

¹² Ǹɔii-kpiniŋ mɛi-nuu kɛ́tɛi kɛ́ɛ a mɛni-ŋai ŋí naa káai, è làa la, kpɛ́ni fêi, Kúnuu-namui ŋɔsɛŋ-lɛ́ɛi è ǹá kpàla ma.

Gɛlaɠaa 13:12 Referans Kwoze

Gɛlaɠaa 13:7

Nɔi nwun nąmu, Sɛrziusə Polusə ə kɛ a kilimąą mun. Ya ɓə Barnabasə da Solə di tə li, ə kɛ bɔ ə Yálá lawoo mɛ̨n.

Lukə 4:22

Nu kəlee di kɛi mąąwiɛi kaa, ə lɛɛ, mɛ̨nį lɛlɛɛɠaa ŋɛ̨i kɛi kulɔ na yɛ mo, ə nuą kəlee kwəi pili diɛ. Di kɛi di kee mąąni kɛ, diɛ kɛ mą: «Akɛti, Ɉosɛfə lon vəi mɔ̨ɔ̨?»

Gɛlaɠaa 28:7

Kɛɛnąą ta ə kɛ nąą kwɛlɛ, a nɔi ti nąmu nwɔ lɔi; nui ti laa ɓa kɛ a Publiusə. Ə ku nwɛ̨ąlaa kɛ kpɔ a gwəinɛ̨ɛ̨, ku hvoló haaɓa kɛ gɔwɔ mɛ̨i.

Gɛlaɠaa 19:7

Da pɛli kɛ nu pow kɔ́w hveelɛ kulɔi.

Gɛlaɠaa 15:35

Kɛlaa yaamun, Polə da Barnabasə di lɛɛ Antiɔsə, da nu takpɛliɠaa diɛ gu Ną́mu Yálá lawoo laa həli.

Gɛlaɠaa 13:49

Gu Ną́mu lawoo ə taɠa-taɠa nɔi ti hu nąą kəlee.

Gɛlaɠaa 6:10

Kɛlaa, di yee hvo lɔ Etiɛnə ɓa, mąąhɔlɔɓo, Kili-Mąąhəɠɛɛ ə kɛ bɔ, yɛ mɛ̨nį ɓo la a kilikɛɲəi laa.

Ɉaan 7:46

Ɉolahiɠaa diɛ diɛ: «Ku hvo ta nu ta kaa li yɛ hvaa yɛ ɉulɔnui tii.»

Lukə 7:16

Nuą kəlee kwəi ə pili diɛ, diɛ, Yálá hɛɠɛɛɓo, diɛ kɛ mą: «Yálá kwəi mɛ̨nį hukulɔ mun gɛnɛ̨ ta kaa ku lɔwai háákələi.» Yili ɓa, «Yálá aa nwɔ nu huwui mąą kpɔnmąą ɓo.»

Maafîu 27:54

Nɔi kpɛlinɉąą, da mɛ̨nįɠaa tii kɛɛpulu, ɉolahi nwun nąmu da nwɔ holahiɠaai ŋɛ̨i kɛi di ɲɛ̨i kɛ Jesus ɓa, di yiliɠaai kaa di ɲɔ̨w kpɔ kɛnɛ̨, diɛ kɛ diɛ: «Nui ŋɛ̨i ə kɛ kpɔ a Yálá Lon a tɛ̨ą.»

Gɛlaɠaa 8:25

Piɛrə da Ɉaan di kpɛɛ a gɛla hvaa ɓoɔ da gu Ną́mu lawoo laa həliɛ, di di pulu pənə diɛ li Ɉerusalɛmə, diɛ nwɛlɛɛ lɛlɛɛ laa həli Samari lɔi hu taa tamąą hu nuą diɛ.

Gɛlaɠaa 13:8

Kɛlaa, Elimasə, pənəngɛmun. Hvó gaai, naa tii mukulaa ka ti. Ə kɛ bɔ ə tɔɔ di la, ə kpɛ̨ɲɛ̨n nɔi nwun nąmu ŋą laa na laa tɔwɔ.

Gɛlaɠaa 13:48

Nwoo tii ə huwu takpɛliɠaa kwəinɛ̨ɛ̨ kpɔ kɛnɛ̨, diɛ Yálá laawoo mąątɛ̨nɛ̨, ɛlɛɛ, nuąi kpɔ kɛ di təliɛ ɓalo hva kpɛɛ ɓa, di di yee hee Yálá laawoo.

Gɛlaɠaa 15:36

Yíikuu tawolo kulaa ɉu, Polə yɛ Barnabasə ɓa: «Daaɠaai gu Yálá lawoo laa həli ɉu, gu pənə gu tɛɛ laa, gu gu woo pili gu nąn nonnii diɛ, gu di mɛ̨i kaa, bələi di kaa gɛi la, gu gbaɠala kaa.»

Gɛlaɠaa 18:12

Galiɔn nwɔ ɲąąwooɓo yələ, Akaiə lɔi hu, Ɉuifəɠaa di wɔɔ yowolaa ə hvilɛn Polə ɓa, di ɉon di li la gití haɠa ɓa.

Gɛlaɠaa 19:10

Ə gɛ tii kwɛlan veelɛ yee mu. Gɛ pələi ti, nuą kpɔ kɛ Asi lɔi hu, ə kɛ a Ɉuifəɠaa, ə kɛ a Grɛkə, di pɛli gu Nąmu laawoo mɛ̨n ɉii.

Gɛlaɠaa 19:20

Bələ ɓə gu Ną́mu la woo hu ə kɛli kɛnɛ̨ la, vaŋą yɛ tɛ.

Gɛlaɠaa 19:38

Demetriusə da ɲɛlɛkɛ nuąi da diɛni di tɔɔi, hvaa a kɛ di lɔwai da nu ta, mɛ̨nįɓo yələɠaa kaa laa, nɔi ɲąąwooɓo nuą di ɓo ɓɛ; vaa kɛ nuą 'də li kani giti haɠa ɓa.