Gɛlaɠaa 13:1 - Yálá laawoo hɛɓɛ (dc)

¹ Gbɔn kɛ Antiɔsə daai, Yálá kwəi mɛ̨nį hukulɔ nuą di kɛ ɉu da mąąkwɛlikɛ-nuą. Diɛ ɓaa: Barnabasə, Simeɔn (yai da kɛ naa mɛ̨i hee ɓaa: Hulɔn-dɛɠi), Lusiusə Sirɛnə mun, Manaɛn, yai da Herodə nɔi-nwun nąmu di di lɛapɛlɛɛ pə́lə́ kɛ gee ɓa, da Solə.

Yálá laawoo hɛɓɛ

¹ Gbɔn kɛ Antiɔsə daai, Yálá kwəi mɛ̨nį hukulɔ nuą di kɛ ɉu da mąąkwɛlikɛ-nuą. Diɛ ɓaa: Barnabasə, Simeɔn (yai da kɛ naa mɛ̨i hee ɓaa: Hulɔn-dɛɠi), Lusiusə Sirɛnə mun, Manaɛn, yai da Herodə nɔi-nwun nąmu di di lɛapɛlɛɛ pə́lə́ kɛ gee ɓa, da Solə.

Bible

¹ Ɣâla ŋɔlóno kɛ́-ƃela da zɛŋ lɛ́-ƃela dí kɛ̀ Kôrai-toli-kpɔŋ su Ɛŋtiɔi. Dia ƃé kɛ̀ a Banaba, Simiɔŋ nyíi da kâa dòli a Naigɛi, Lusiɔ, nyíi kɛ̀ a Sailini-nuui, da Manaɛŋ, nyíi dí díŋa kɔ̀ŋ gîe ma da gâloŋ kɛ́tɛi Ɛɛlɔ, é pɛ́lɛ Sɔ̂ɔ ma.

Gɛlaɠaa 13:1 Referans Kwoze

Gɛlaɠaa 4:36

Ɉosɛfə ə gɛ lɔ ti, yai gɛlaɠaa di naa mɛ̨i hee a Barnabasə, mukulaa ɓaa: Liilaa lon. Ə kɛ a lévi ta, gaa lɔi ɓaa kɛ a Siprə tíi ə kɛ ɲəi,

Gɛlaɠaa 15:35

Kɛlaa yaamun, Polə da Barnabasə di lɛɛ Antiɔsə, da nu takpɛliɠaa diɛ gu Ną́mu Yálá lawoo laa həli.

Galatə 2:9

Ɛlɛɛ, mɛ̨inɛ̨ɛ̨i Yálá ə gɛ mą́ą́, di ɉukɔlɔn, Ɉakə, Sefasə da Ɉaan, diɛi kɛ di kɔ́lɔnŋąą yɛ gbɔn ɉu kɔwɠaa, di di yee laa ku yəi, ɲą́ą́ kwa Barnabasə, yili a nɛ yɛ kwa diɛni ku woo tɔɔi aa kɛ tanɔ̨n, ə gɛ, kwəli huwu takpɛliɠaa pɔ, diɛi tii, di li gɛ́nɛ̨lɛa pɔ pələ.

Gɛlaɠaa 13:9

Kɛlaa, Solə, yai naa ɓaa kɛa a: Polə, Yálá ə gili ɲą pono, ə ɲɛ̨i hee kpɔ Elimasə ɓa hįį, yɛ mą:

Ifisiɛŋ 4:11

Ɛlɛɛ, ə mɛ̨inɛ̨ɛ̨ɠaa kɛ, diɛ ɓaa: Gɛlaɠaa, Yálá kwəi mɛ̨nį hukulɔ nuą, Nwɛlɛɛ lɛlɛɛ laa həli nuą, gbɔn mɛ̨ikaa nuą, da mąąkwɛli kɛ nuą;

Gɛlaɠaa 15:32

Ɉudasə da Silasə diɛ kpɛlimąn, kɛi di mo a Yálá kwəi mɛ̨nį hukulɔ nuą, di galan nɛai ti liɛwooɓo kpɔ a ɉukwɛaa, di di hvaŋąlɔ.

Lukə 3:1

Sesarə Tibɛrə nwɔ tɔɔlaa gwɛlan pow-gɔw-lɔɔli lɔwai, Pɔnsə Pilatə ə kɛ a gbahalanamą Ɉude lɔi hu. Herodə yɛ ɓo a tɔɔmun Galile lɔi hu; nəɠə Filipə yɛ ɓo a tɔɔmun Iture lɔi da Trasonitə lɔi nwun na. Lisiasə yɛ ɓo a tɔɔmun Abilɛnə lɔi hu.

Filipə 4:22

Kristalɛai di kaa ɓɛ, di kəlee diɛ ka tuwɔ ɓo, gəlee ə mą kɛ ləi, diɛi di kaa Sesarə yəi bɛlɛ́n.

Galatə 2:13

ɛlɛɛ, Ɉuifə yiiɠaai ti di too bɔ, diɛ yili kɛ, ə mą kɛ, Barnabasə yaa kpɛli ə həɠə ə too di wɔɔ huhveelɛ laa ti pɔ.

Korɛntə dɔlɔɔ 9:6

A wala kɛ tii, ɲą́ą́ dɔnɔ̨ lɔ kwa Barnabasə ɓə ku laa hva pɛli kulɔi kolo hu?

Lomaŋ 16:21

Timote yai kwa yaa ku kaa kólo kɛi gee ɓa, yɛ ka tuwɔ ɓo, ə mą kɛ Lusiusə, Ɉasɔn, da Sosipatrɔsə diɛi di kaa a ŋą́ nuą, diɛ kpɛli diɛ ka túwɔ́ɓo.

Gɛlaɠaa 21:9

Filipə lonnii nɛ̨ąą nąąn di kɛ laa, di hvo kɛ hulɛnu mɛ̨nį hukɔlɔn, diɛ Yálá kwəi mɛ̨nį hukulɔ.

Gɛlaɠaa 19:6

Polə ə ɲee pɛlɛ di mɛ̨i, di Kili-Mąąhəɠɛɛ hɔlɔɓo; diɛ kɛa hvaa a woo nįnɛ̨ɠaa, diɛ Yálá kwəi mɛ̨nį hukulɔ.

Gɛlaɠaa 11:30

Bələ ɓə di gɛ la, Barnabasə da Solə ɓə di di tɔɔ diɛ li a ɉąmą pilɛi tii gbɔn ɲɛ̨itɔwɔ nuą pɔ.

Tɛsalonikə dɔlɔɔ 5:20

'ká hvo Yálá kwəi mɛ̨nį hukulɔ nuą woo hviiɓo;

Gɛlaɠaa 12:25

Ɓɛlɔwai Barnabasə da Solə di kpɛɛ la a di wɔ hiɛi kulaa Ɉerusalɛmə, di Ɉaan hvilɛn di pɔ, yai naa mɛ̨i hee ɓaa: Markə.

Gɛlaɠaa 9:1

Solə yee ə kɛ lɔ gu Ną́mu nwɔ kalan nɛai hu taɠa mɛ̨nį, da di paa mɛ̨nį hu. Ə li,

Maafîu 27:32

Di kɛɛ kulɔi a Jesus taai, diɛ li la gbanwoi, di Sirɛnə mun da kaa diɛ kɛ naa ɓa Simɔn. Ɉolahiɠaa di mo mą diɛ mą: «Pa ɓɛ, ə́ Jesus nwɔ kolɔwa həɠə.»

Korɛntə dɔlɔɔ 11:4

Hulɔnu lɔpee a kɛi Yálá hvɛli, a wala kɛ tii, yɛ Yálá kwəi mɛ̨nį hukulɔ, ɓɔlɔ pɛlɛɛ nwuɔ̨, gaa ɲɛ̨i tɛ kulɔi a nwun nąmu.

Korɛntə dɔlɔɔ 13:2

Ə mą kɛ ŋą́ pɛli Yálá-taa mɛ̨nįɠaa kəlee hu kulɔi, gɛ́ ɓo a mɛ̨nį looɔɠaa kəlee kɔ́lɔnŋąa, da kili mɛ̨nį kəlee, ə mą kɛ laa na laa kaa ɲɛ̨́i gɛ́ yeeɠaa həɠə la dɔɔi, akɛ wɛlikɛmąąlaa awala kɛ ɲə́i, gáá a kpɛli-kpɛli.

Korɛntə dɔlɔɔ 13:8

Wɛlikɛmąąlaa hva kpɛɛ. Yálá kwəi mɛ̨nį hukulaa yaan? Gaa pai kpɛɛi. Hįiwooɠaa diɛn? Di kaa pai kpɛɛi. Mɛ̨nį kɔ́lɔnŋąa yaan? Gaa pai kpɛɛi.

Korɛntə dɔlɔɔ 14:29

Yii ɓaa Yálá kwəi mɛ̨nį hukulaa nwɛi, ə lɛɛ lɔ nu hveelɛ ɉaaɓa la, di ɓɛlaa di di laa pilɛ, yii nuąi tii kaa moi, diɛ ɉutɔɔ.

Korɛntə dɔlɔɔ 14:32

Gilii gaa Yálá kwəi mɛ̨nį hukulɔ mun ma, ɲąąwoo kaa na.