Gɛlaɠaa 12:6 - Yálá laawoo hɛɓɛ (dc)

⁶ Ɲələi ŋɛ̨i Herodə ə kɛi pa giti teei la, nu kəlee ɲɛ̨i ɓa, mąąyíi yələ, Piɛrə ə kɛ laa ni holahi hveelɛ lɔwai yɛ yíi ɲilɛɛ a yɔwɔn veelɛ, gaho pɛlɛ́ mɛ̨ikaa nuą kəlee tɔɔ di tɔɔi bɛlɛ́ laa ləi, diɛ nąą mąąkpɛ.

Yálá laawoo hɛɓɛ

⁶ Ɲələi ŋɛ̨i Herodə ə kɛi pa giti teei la, nu kəlee ɲɛ̨i ɓa, mąąyíi yələ, Piɛrə ə kɛ laa ni holahi hveelɛ lɔwai yɛ yíi ɲilɛɛ a yɔwɔn veelɛ, gaho pɛlɛ́ mɛ̨ikaa nuą kəlee tɔɔ di tɔɔi bɛlɛ́ laa ləi, diɛ nąą mąąkpɛ.

Bible

⁶ Ɛɛlɔ è gbɛ̀tɛ a gɛ́ɛ é Pitɛ kula gbini-pɛrɛi mu é bàa a ŋ̀ele-walai. M̀aa kpinii tí Pitɛ è kɛ̀ gbini-pɛrɛ mɛi káa-ƃelai veerɛ loai. È kɛ̀ a ŋ̀íriɛɛ a yɔlɔ feerɛ. Gbini-pɛrɛ mɛi-kaa-ƃelai dí kɛ̀ gbini-pɛrɛi lá díkɛ naa mɛi kaa.

Gɛlaɠaa 12:6 Referans Kwoze

Gɛlaɠaa 21:33

Nąąlɔwai, gɔ́laɠa nwun nąmu ə lɛɠɛ Polə ɓa, ə Ɉon, yɛ diɛ: Ka ɲili a yɔwɔn veelɛ. Yili pulu ə di mąąni kɛ yɛ diɛ: Gbɛɛ ɓɛi, ɛlɛɛ, lə ɓə ə gɛ?

Hebreu 13:6

Yili ɓa, gwa pɛli gu mo kpɔ a kilitɔɔmąą laa, guɔ mą: «Ną́mu kaa a dɔ́ɔ́ búlú, vá ɲɔw hɛn nɔpee ta ɓa. Lə kpɔ ɓə nu kan a pɛli gɛi a ɲą́ą́?»

Timote veelɛ 1:16

Yálá ə ŋą liinɛ̨ɛ̨ gwəilaa hu kɛnɛ̨ Onesiforə yəi bɛlɛ́n nuą diɛ, mąąhɔlɔɓo, a váŋąlɔ a yələ kəlee, ɛlɛɛ, hva nwumɛ̨ mą́ą́ mɛ̨nį hu, bələi mąn gáá la yɔwɔn ɲą.

Ifisiɛŋ 6:20

yai mąą kɛla ɓaa a ɲą́ą́, gɛ́ ɓo la yɔwɔn ɲą, 'ká Yálá hvɛli, ə gɛ, gɛ́ pɛli naa həli a kili la tee, yɛ bələi mąąnɛ̨ɛ̨i ŋą́ gɛ la.

Gɛlaɠaa 28:20

Mɛ̨nįi gɛ, ŋį́ ɉuhvɛli, gɛ́ kɛ ŋį́ ɲɛ̨́i tɔɔ káá, ɛlɛɛ, ŋį́ ɉukulɔ kaa, yaa li. Kɛlaa, a tɛ̨ą leelee, mɛ̨nįi Israɛlə kilitɔɔi mą, mąą mɛ̨nį ɓə ɲɔwɔn ŋɛ̨i kaa la ɲéé ɓa.»

Gɛlaɠaa 5:23

Diɛ mą: «Lii ku mo, ku bɛlɛ́ɠaa kəlee kaa naa kpulɔɔ kpɔ a nɛlɛɛ, gaho pɛlɛ́ mɛ̨ikaa nuą kaa di ɓo heeni bɛlɛ́ laaləi. Ku bɛlɛ́ laa ɓo, ku hvo nu ta kaa bɛlɛ́n.»

Maafîu 28:4

Ɉolahiɠaa tii di ɲɔ̨w di too yɛ da haa.

Ɉeremi 40:4

Kɛlaa, ə́ ɲɛ̨i hee, yiihu, háákələi, gáá ə́ wɔ yɔwɔnŋaai kulɔi ə yee ɓa, Yá kɛ ɓɔ, gwa yɛ́ gwəli Babilonə, pa ŋį́ ə́ mąą mɛ̨nį ɲɛ̨i kulɔ. Kɛlaa, gwa yɛ́ gu li mɛ̨nį Babilonə wɛli a wala kɛ yɛ́, hvó pa. Nɔi nąą kəlee kaa ə́ líila, ɓɛi lɔpee nąą a nɛ̨ɛ̨ yɛ́, lí laa.»

Mąątɛ̨nɛ̨ 4:8

Yá gwə́inɛ̨ɛ̨, a kwəinɛ̨ɛ̨ kɛnɛ̨, ə tɛɛ mɔ̨nun da lɔɔ di kɛnɛ̨ yələ nu yəi ɓa.

Zɛnɛse 22:14

Abrahamə ə gɛɛnąą tii laa hee, yɛ mą: «Yai-Laa a gili lɛɛ ɉu.» Mɛ̨nįi gɛi, háá ɓa háá, da kɛ gɛɛnąą tii laa ɓaa: «Yai-Laa a gili lɛɛ ɉu yee ɓa.»

Dutɛrɔnome 32:26

Ɲą́ą́ ɓə mo; gáá di hu teeteei a gbuwɔ kpuwɔ, gáá di laa kpɛɛi nuą lɔwai.

Ɉeremi 40:1

Ɓói dɔɔmun mąąkpɛ kɔ́kulááɠaa nwun nąmu Nebuzaradan ə mo Ɉeremi ɓa Rama daai, mąąhɔlɔɓo, ya ɓə ɲɛ̨i ə kɛ Ɉeremi ɓa, ɓɛlɔwai yili ə kɛ la yɛli ŋą, da mɛlaa gaho nąmįną diɛi kɛ a Ɉerusalɛmə da Ɉuda nuąi kɛi pa lii a diɛ Babilonə; Yai-Laa woo ə həli Ɉeremi ɓa.

Gɛlaɠaa 12:5

Piɛrə kɛɛ gaho pɛlɛ́ mu, gbɔn ɉu nuą di kɛi Yálá hvɛli kpɔ a di lii kəlee, mąą mɛ̨nį ɓa.