Gɛlaɠaa 12:4 - Yálá laawoo hɛɓɛ (dc)

⁴ Ə mo di Piɛrə hon, di doo gaho ɲą, ə dɛɛ holahi kpulu nąąn ɉeei nąąn, bɔ, diɛ di ɲɛ̨i kɛ mą. Ə kɛ bɔ ə giti tee nɔi lonnii ɲɛ̨i ɓa pakə hɛli puɔ pulu.

Yálá laawoo hɛɓɛ

⁴ Ə mo di Piɛrə hon, di doo gaho ɲą, ə dɛɛ holahi kpulu nąąn ɉeei nąąn, bɔ, diɛ di ɲɛ̨i kɛ mą. Ə kɛ bɔ ə giti tee nɔi lonnii ɲɛ̨i ɓa pakə hɛli puɔ pulu.

Bible

⁴ È zòŋ é bù kpini-pɛrɛ mu. È dɛ̀ɛ ǹɔii maa kpɛ́ nuu-kpulu seêi náaŋ pɔ́ (ǹáaŋ kɛ́ ƃo gbulu tɔnɔ su) a gɛ́ɛ dímɛi káa. È kɛ̀ gíli ŋá a gɛ́ɛ Dɛɛ-mɛi kûui à tɛ̀ɛ, é gula é pá la ǹûai ŋɛ́i.

Gɛlaɠaa 12:4 Referans Kwoze

Lukə 22:33

Piɛrə yɛ mą: «Ną́mu! Váái mą gwa yɛ́ gu tɔɔ, ə kɛ gaho, ə kɛ a haa.»

Hanwon 19:21

Mɛ̨nį tamąą ka tii nu a mąą kili tee gwəi, Yai-Laa kwəi kili ɓə a nɛ̨ɛ̨ mą.

Lukə 21:12

«Kɛlaa, gɛɛ yili kəlee ə kɛ, di kaa pai kɛi ka hon ɉii diɛ ka ɓɛlɛkpɛɛ kaa, diɛ ka kiti tee di wɔ Yálá hvɛli pɛlɛ́ɠaa mu, diɛ ka too gaho ŋą. Di kaa pai kɛi lii a kaa nwun nąmįną da ɲɛ̨itɔwɔ nuą lííla, náá mąą mɛ̨nį ɓa.

Gɛlaɠaa 4:28

Yii kpɔ wɔlɔ ə́ mąą kili tee ə́ kwəi, ya ka tii daa bɔ mɛ̨nį ə kɛ.

Gɛlaɠaa 4:3

Di mo di di hon, di di too gahoŋą, diɛ yələɓɔɔ mąąkpɔn, mąąhɔlɔɓo, yələ aa kɛa kɛ wulu.

Ɉaan 21:18

Jesus yɛ mą: «Gáá moi yɛ́ a tɛ̨ą, ɓɛlɔwai ə́ kɛ la a hulɔnon, ə́ kɛi yala tɔɔ, ɓɛi lɔpee ya kɛ bɔ, yɛ li laa, kɛlaa, ya pa pɔlɔi, ə́ kaa pai ə́ yee haŋąi, nu takpɛli ə yala tɔɔ ə́ hąą, ɓɛi hvo bɔ, yɛ li laa a yɛ́.»

Maafîu 26:5

Di kɛi kɛ diɛ: «Mąą honɛɛli, gu hvo ɉon a ɉɛli yələ, ə gɛ, nuą di hvo pa di muhəɠə gu laa ɓa.»

Maafîu 24:9

«Yili pulu, nuą kaa pai kɛi ka hon ɉi diɛ ka kɛlɛ, diɛ ka taɠaa paa. Ka wɛli kaa pai kpɛɛi nu kəlee ɓa, ɲą́ą́ náá mąą mɛ̨nį ɓa.

Hanwon 27:1

'Hvó ə́ kpɔwɔ mąątɛ̨nɛ̨ tinąą mɛ̨nį hu, mąąhɔlɔɓo, mɛ̨nįi háákələi kaa pai naai yɛ́, hvó gɔlɔn.

Gɛlaɠaa 8:3

Solə nwɛi, ə ɲąąwala kpɔ, yɛ gbɔn ɉu taɠa. Ə kɛli lɔ bɛlɛ́ɠaa mu, yɛ laa na nuą hon, hinąą da nɛ̨ąą, yɛ di too gaho ŋą.

Gɛlaɠaa 5:18

Di gɛlaɠaai hon nu kəlee ɲɛ̨i ɓa, di di too gaho ŋą.

Ɉaan 19:23

Ɓɛlɔwai gɔ́kulááɠaa di Jesus kpanwo la kolɔwa ɓa, di nwɔ həɠəɠaai həɠə di ŋąąkwɛlɛ ɉu nąąn, di tɛitɛi kəlee di da hɔlɔɓo; ə lɛɛ a wɔ həɠə kwɛa tɔ̨nɔ̨ yii kɛ ɉɔlɔɔn bɔɔ hvo kɛ mą, ə həɠə gɔn ma, ə lɛɛ la ɉu ə yɛɛ gɔwɔ la.

Woolaa 3:37

Gbɛɛ ɓə a mɛ̨ni ɓo, mąą mɛ̨nii yɛ kɛ? Kɛlɛi Hɛn Gəlee Nąmu ɓə-ee?

Lɛɛ gbɔwɔ ɓa 12:1

Yai-Laa ə hvaa Moisə da Aarɔn di pɔ Eziptə lɔi hu, yɛ diɛ:

Markə 14:1

Ə lɛɛ a hvóló hveelɛ, pakə hɛli, da hɛlii yii di kɛi bu diɛ lɛɠɛ mį́i dɛ hɛn və ɉu, yɛ həli. Ɉaláá laa həli nuą nwun nąmįną da dɔ́n galamɔ̨ɔ̨ɠaa di kɛ bɔ di Jesus hon a gbąnąlaa, əgɛ, di baa.

Gɛlaɠaa 12:3

Gaa Herodə ə mo yɛ yili aa nɛ̨ɛ̨ Ɉuifəɠaa diɛ, ə mo di Piɛrə yaa kpɛli ɉon; nąąlɔwai ə kɛ a ɉɛlii da kɛ bui a lɛɠɛi dɛ-hɛn və ɉu, bui lɔwai.

Gɛlaɠaa 12:5

Piɛrə kɛɛ gaho pɛlɛ́ mu, gbɔn ɉu nuą di kɛi Yálá hvɛli kpɔ a di lii kəlee, mąą mɛ̨nį ɓa.