Gɛlaɠaa 12:3 - Yálá laawoo hɛɓɛ (dc)

³ Gaa Herodə ə mo yɛ yili aa nɛ̨ɛ̨ Ɉuifəɠaa diɛ, ə mo di Piɛrə yaa kpɛli ɉon; nąąlɔwai ə kɛ a ɉɛlii da kɛ bui a lɛɠɛi dɛ-hɛn və ɉu, bui lɔwai.

Yálá laawoo hɛɓɛ

³ Gaa Herodə ə mo yɛ yili aa nɛ̨ɛ̨ Ɉuifəɠaa diɛ, ə mo di Piɛrə yaa kpɛli ɉon; nąąlɔwai ə kɛ a ɉɛlii da kɛ bui a lɛɠɛi dɛ-hɛn və ɉu, bui lɔwai.

Bible

³ È ŋɔ́nɔ kɔ̀ a gɛ́ɛ é Pitɛ soŋ, kpɛ́ni fêi, è gàa a gɛ́ɛ Zĩi paa mɛni è kɛ̀ a Zûu-ŋai líi-laa mɛni. È kɛ̀ a Dɛ́-sɛŋ fé kpoloi maa kûui.

Gɛlaɠaa 12:3 Referans Kwoze

Lɛɛ gbɔwɔ ɓa 23:15

Lɛɠɛi dɛ hɛn və ɉu, ka mąą hɛli pu, hvóló mɛ̨ihveelɛ yee mu, lɛɠɛi dɛ hɛn və ɉu, ka mįi, yɛ bələi ŋą́ Dɔ́n naa laa ka mɛ̨i, gɛ́ guu hee a Abibə ɲąnin, mąąhɔlɔɓo, nąąlɔwai ɓə ka kulɔ la Eziptə lɔi hu. Mąą hvo nɛ̨ɛ̨li, nuą da kɛi pa nííla, nu ta hvo pa a ɲee howolo.

Gɛlaɠaa 24:27

Kwɛlan veelɛ kulaa ɉu, Porsiusə Fɛstusə ɓə Felisə mąąhvalin nɔi nwun nąmu laa hu. Kɛlaa kɛi Felisə ə mo bɔ ə Ɉuifəɠaa lii hon, ya ɓə gɛ, ə Polə lɛɛ gaho ŋą.

Ɉaan 12:43

Nuą tii di wɛi, mąąwiɛlaai a həɠə nuą pɔ, ya ɓə di kɛi gwɛli, ə tɛɛ yii a həɠə Yálá yəi mą.

Gɛlaɠaa 25:9

Kɛi Fɛstusə ə mo bɔ ə Ɉuifəɠaa liihon, ə mo kɛa Polə ɓa, yɛ mą: «Ə́ kaa bɔ də li a yɛ́ Ɉerusalɛmə, di ə́ kiti tee laa ɲɛ̨́i ɓa?»

Galatə 1:10

Gaa ká kwəi nuą di di ɲɛ̨i lɛlɛɛ hee mą́ą́ mɛ̨nį ɓə, a wala kɛ tii, Yálá nwɛi? Gaa ká kwəi nu liiɓa ɓə gáá gwɛlii? Akɛ yili ɓə, vá pɛli kɛ kɛi a Kristə ŋą tímun.

Gɛlaɠaa 20:6

Ku wɛi, ku həɠə Filipə daai kələn ɉu, nɛɠɛi dɛ-hɛn və ɉu mąą hɛli puɔ pulu, ɛlɛɛ, hvoló lɔɔli kulaa ɉu, ku həli diɛ Troasə, ku lɔwɔ́ tɔ̨nɔ̨ kɛ laa.

Tɛsalonikə dɔlɔɔ 2:4

Kɛlaa, Yálá ə ku mąąkpɛɛ, yili ɓə gɛ, ə nwɛlɛɛ lɛlɛɛ kalihvaɓo kuɔ; yili mɛ̨nį ɓə ku kaa naa həlii la, ku hvo ku nɛ̨ɛ̨i kwɛlii nu kanŋaa hu, kɛlaa, Yálái ku kwəi kili mąąkpɛɛ, ya ɓə ku kaa niiɓa kwɛlii.

Ɉaan 21:18

Jesus yɛ mą: «Gáá moi yɛ́ a tɛ̨ą, ɓɛlɔwai ə́ kɛ la a hulɔnon, ə́ kɛi yala tɔɔ, ɓɛi lɔpee ya kɛ bɔ, yɛ li laa, kɛlaa, ya pa pɔlɔi, ə́ kaa pai ə́ yee haŋąi, nu takpɛli ə yala tɔɔ ə́ hąą, ɓɛi hvo bɔ, yɛ li laa a yɛ́.»

Ɉaan 19:11

Jesus ə́ nwoo pulu pənə yɛ mą: «Hvá pɛli kɛ mɛ̨nį lɔpee ta kɛi a ɲą́ą́, akɛ hvo həli li həɠə yələi. Yili ɓə gaa mą, nui nɔ́wɔ́ tɔɔ yɛ́, nwɔ nɛ̨ŋɛ̨n kɛnɛ̨i ə́ nwɛi ɓa.»

Maafîu 26:17

Pakə hɛli voló dɔlɔɔ yələ, galan nɛa di pa diɛ Jesus ɓa: «Mįnɛ̨ ɓə ə́ kaa bɔ ku ɉɛli kɔ̨nɔ̨n bɛli laa?»

Mąątɛ̨nɛ̨ 76:10

A ɓɛlɔwai Yálá a muhəɠə la, giti mɛ̨nį ɓa, yɛ nɔi lonnii mąąwɛliɛ kəlee ɓalo.

Gɛlaɠaa 4:13

Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Gɛlaɠaa 2:14

Piɛrə ə muhəɠə ə tɔɔ da mɛlaa pow kɔ́w tanɔ̨n ti, ə mo kpɔ a nwoo kɛnɛ̨ yɛ diɛ: «Káái ɓaa Ɉuifəɠaa, da nuąi di kaa ɓɛ Ɉerusalɛmə, ka ka wəli tɔɔ nwóó ɓa a nɛlɛɛ.

Gɛlaɠaa 12:4

Ə mo di Piɛrə hon, di doo gaho ɲą, ə dɛɛ holahi kpulu nąąn ɉeei nąąn, bɔ, diɛ di ɲɛ̨i kɛ mą. Ə kɛ bɔ ə giti tee nɔi lonnii ɲɛ̨i ɓa pakə hɛli puɔ pulu.