Gɛlaɠaa 11:8 - Yálá laawoo hɛɓɛ (dc)

⁸ Kɛlaa, ŋį́ nwoo ɲąąpənə gɛ́ mą: ‹Oo Ną́mu! Və́ hvaa li mą, mąąhɔlɔɓo, hɛnŋąąi tɔ́n dɔɔ mą, gɔhɔɓoɔ, və́ ta da mįi li.›

Yálá laawoo hɛɓɛ

⁸ Kɛlaa, ŋį́ nwoo ɲąąpənə gɛ́ mą: ‹Oo Ną́mu! Və́ hvaa li mą, mąąhɔlɔɓo, hɛnŋąąi tɔ́n dɔɔ mą, gɔhɔɓoɔ, və́ ta da mįi li.›

Bible

⁸ Kɛ́lɛ, ŋá mò, ǹyɛɛ, ‘Vé tí, Kúnuu-namui, kpɛ́ni fêi, mii-sɛŋ da kélee fé tá mii-sɛŋ da lɔ́ ní ńa nyíi maa fé waa níi.’

Gɛlaɠaa 11:8 Referans Kwoze

Lomaŋ 14:14

Náái na, gíli la teɛ kpɔ gu Ną́mu Jesus laa hu gɛ́ diɛ: hɛn lɔpee ta hvo kɔ́hɔɓo li, kɛlaa, nui a gaa yɛ gɔhɔɓoɔi, yaa tɔ̨nɔ̨ lɔ ɓə kɔ́hɔ ɓoɔi ɲɛ̨i ɓa.

Korɛntə dɔlɔɔ 7:14

Mąąhɔlɔɓo, ɉulɔnui hvo a laa na mun, kalan non nɛ̨ɛ̨nu yɛ ɓo ɲəi, mąąhəɠɛɛi nɛ̨ą háálai. Ɛlɛɛ, nɛ̨ɛ̨nui hvo a laa na mun, ɉilɛ yɛ ɓo a kalan non, mąąhəɠɛɛi ɉilɛ háálai. Yili awala kɛ tii, di lonnii da kɛ yɛ hali pulu nuą; yá pa, di mąąhəɠɛɛi.

Osia 9:3

Di hvo pai pɛlii lɛɛi Yai-Laa nwɔ lɔi hu, Ɛfraimə kaa pai pənəi ə li Eziptə lɔi hu, ɛlɛɛ, kɔ̨nɔ̨n tɔ́n gaa mą, gaa pai mį́į́ Asiri lɔi hu.

Markə 7:2

Yii kɛa di gaa diɛ Jesus nwɔ kalan nɛai taɠaa di kaa kɔ̨nɔ̨n mįi a di yee ŋą kpan (mukulaa ɓaa: di hvo di yei waa li yɛ pələi di wɔ huwula tɔ́n gaa la.)

Levetekɔ 11:47

Yili ɓə pai tɔ́n ɉuwɔɠaa da yiiɠaai tɔ́n və diɛ, yiiɠaai da di mįi da yiiɠaai di hva di mįi, di kulɔ nɔwai lɛi kaa.

Levetekɔ 10:10

Bələ ɓə ka pɛli hɛnŋąą lɔwai tɔɔi la, hɛn gaa a nwɔ́ɔ́ da hɛn hvo ɓaa a nwɔ́ɔ́, ɛlɛɛ hɛn tɔ́n gaa mą da hɛn tɔ́n və mą.

Gɛlaɠaa 11:7

Ŋą́ woo ta mɛ̨n yɛ kɛ mą́ą́: ‹Piɛrə! 'Ə́ muhəɠə, 'ə́ da paa ə́ mįi.›

Gɛlaɠaa 11:9

Nwooi ti ə pənə nwɔ̨nɔ̨ ə tɔɔ ɲələi pələ, a veelɛnąn, yɛ mą́ą́: ‹Hɛn Yálá ə mąąhəɠəi, hvó kɛ mą, gɔhɔɓoɔi!›