Gɛlaɠaa 11:23 - Yálá laawoo hɛɓɛ (dc)

²³ Lii kɛa ə mo, ə Yálá nwɔ nɛ̨ɛ̨laa kɛ kóló kaa, gwəi ə nɛ̨ɛ̨, ə di hvaŋąlɔ yɛ diɛ; 'Ká kanąn gu Nąmu ɓa a ka lii kəlee.

Yálá laawoo hɛɓɛ

²³ Lii kɛa ə mo, ə Yálá nwɔ nɛ̨ɛ̨laa kɛ kóló kaa, gwəi ə nɛ̨ɛ̨, ə di hvaŋąlɔ yɛ diɛ; 'Ká kanąn gu Nąmu ɓa a ka lii kəlee.

Bible

²³ Báa kɛ̀ naai, m̀ɛni lɛ́lɛɛ-ŋai Ɣâla è gɛ̀ naa ǹûai dîɛi naa kàa, ǹíi é nɛ̃ɛ. È dília-woo ƃò a gɛ́ɛ dí fɔlɔ-fɔlɔ dílaa-lai su Kúnuu-namui mɛni ma.

Gɛlaɠaa 11:23 Referans Kwoze

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Gɛlaɠaa 13:43

Yii kɛa nuą di taɠa, Ɉuifəɠaa tamąą da nuą takpɛliɠaai kɛi Moisə nwɔ tɔn pɔ yíiɓo, di hvilɛn Polə da Barnabasə di pulu, yiliɠaa diɛn, di kɛli di liɛwooɓo di lono woo hu, di yee kanąn mɛ̨nį ɓa Yálá nwɔ mɛ̨inɛ̨ɛ̨ ɓa.

Zɔ̂ŋ Maa-ŋuŋ 2:28

Yili ɓa, nónnii pɛlɛɛɠaa, 'ká ká heei kulɔ kani ɉu, əgɛ, ɓɛlɔwai gaa pai kulɔi la pono ɲą, gu kilitɔɔmąą laa walawala hɔlɔɓo, ɛlɛɛ, ba yələ, gu ɲɛ̨i hvo paa a nwumɛ̨ a gu mąąkwɛai da mo mą.

Timote veelɛ 3:10

Kɛlaa ə́ wɛi, ə́ kɛ bɔ́ gɛ́ nuą mąąkwɛli a mɛ̨nįɠaa, dúwɔ́ pələɠaa hu, nwɔ́ kiliŋąhiɛɠaa hu, nwɔ́ laa na laa, nwɔ́ liikpələ laa hu, nwɔ́ wɛlikɛmąąlaa hu, nwɔ́ tɔɔ a nwąnąi laa hu,

Kolosə 1:6

yai pa ə həli káá; bələi lɔ gaa kɛ mɛ̨nį kɛi la, ɉu yɛ kɛnɛ̨, yɛnɛ̨ɛ̨ nąą kɔlɔ kəlee, bələ lɔ ɓə a gɛ la ká lɔwai, ə həɠə ɲələ ká ká yee hee la mu, ká gɔlɔn ŋą tɛ̨ąi hu, a Yálá ŋą mɛ̨inɛ̨ɛ̨,

Gɛlaɠaa 20:24

Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Zɔ̂ŋ Zaaƃai 1:4

Yii kpɔ gwə́inɛ̨ɛ̨ kɛnɛ̨ɛ̨, ya ɓaa, nónnii kaa hiɛi tɛ̨ą kɛɛ pono hu.

Gɛlaɠaa 14:26

Di həɠə laa diɛ li Antiɔsə kələn ɉu, ɓɛi di ɉiɛ kɔwɔ tɔɔ laa, ɓɛi di di kalihva ɓo laa Yálá nwɔ mɛ̨inɛ̨ɛ̨ ɓa gólói ti kɛ mąą mɛ̨nį ɓa.

Zasua 23:8

Kɛlaa, 'ka kanąn Yai-Laa ka wɔ Yálái ɓa, yɛ bələi kaa gɛ la, aa lɛɛ ɉu háákələi yələ aa həli.

Dutɛrɔnome 30:20

Ka Yai-Laa ka wɔ Yálái wɛli la kɛ, ka ka wəli tɔɔ nwoo ɓa, ɛlɛɛ, ka kanąn mą. Mąąhɔlɔɓo, nɔi ka Yai-Laa ə gwɛla yɛ kɛ gaa dɛɛi ka kalaɓɔlɔni pɔ: Abrahamə, Isaakə da Ɉakɔbə; bələ ɓə ka yíi nɛ̨ɛ̨ hɔlɔɓo la nɔi tii hu.»

Dutɛrɔnome 10:20

Yai-Laa ka wɔ Yálái ɓə mąąnɛ̨ɛ̨ ka ɲɔw mą, kaa tí mą, ya ɓə ka ka kwɛla a naa.

Ɉaan 15:4

Ka kanąn mą́ą́, yɛ bələi gánąn ɲąą la kaa. Bələi lɔ wulu wonwo hva ɓa la gbɔɔ ɓa, hvɛɛ a kɛ a ganąn ŋąą nwulu ɓa, kaa kpɛli mąn, ka hva pɛli ɓai hvo kɛli ka kanąn mą́ą́.

Maafîu 16:24

Nąąlɔwai, Jesus ə mo nwɔ kalan nɛai diɛ, yɛ diɛ: «Nui gaa bɔ ə hvilɛn búlú, hvo kɛli ə lənə gbɔwɔ ɓa. Ə gbɔwɔ haa wulu həɠə ə hvilɛn búlú.

Zasua 22:5

Yii lɔ kɛa ka káá gɛi, ya ɓaa: dɔ́nŋąą da bɔ liɛwooɠaa Yai-Laa nwɔ tímun Moisə ə dɛɛ ka pɔ, ka ɉon, ka bɔ mɛ̨nįɠaa kɛ. 'Ka kólo kɛ Yai-Laa ɓa a ka lii kəlee, da, ka yíi pələ kəlee hu, 'ka kanąn nwɔ tɔ́nŋąąi diɛ, 'ka naa hon mo a kwəi tɔ̨nɔ̨ laa.»

Korɛntə veelɛ 1:17

Giliŋąhiɛ taaləi tii kɛi ŋą́ mo, ŋą́ gɛ mɔ̨ɔ̨ dɛ́ɠíi? Awalawala kɛ tii, gwə́i kiliɠaa kaa lɔ mɔ̨ɔ̨ a nu kan gwəi gili, yai, «ee!» kaa ɉu «kpaa!» yɛ ɓo ɉu?

Gɛlaɠaa 20:32

«Yiihu kɛa, gáá ka lɛɛi Yálá yəi da nwɔ nɛ̨ɛ̨laa woo, yaa ɓə huwalawala kaa ɲəi yɛ pɛli bɛlɛ́ tɔɔi, yɛ mąąhəɠə nuą kəlee kwɛlin dɛɛ di pɔ.

Gɛlaɠaa 15:40

Polə yaan, ə Silasə hvilɛn bɔ, di bələ həɠə diɛ li, gu nąn nonnii di di galihva ɓo gu Ną́mu Yálá nwɔ mɛ̨inɛ̨ɛ̨ ɓa.

Markə 2:5

Yii kɛa Jesus ə di wɔ laa na laa kaa, ə mo gbɛlɛɠɛlɛ ɲɔ̨n gɛ mun tii ɓa yɛ mą: «Nón ɉulɔnu, ə́ kɛ nɛ̨ŋɛ̨ mąąhvaa aa lɛɛ.»

Danîa 1:8

Daniɛlə ə giliŋąhiɛ, yɛ diɛ: «Mąą hvo nɛ̨ɛ̨li hvo gbɔwɔ kɔ́hɔɓo a tɔɔmun nwɔ laa mį́i hɛn, da nwɔ lɔɔi a kɛ gbələi.» Yili bə gɛ ə li, ə ɉu hvɛli gbɛtɛgbuwulu nwun nąmu ɓa, yɛ mą: «Və́ bɔ və́ gɔ́hɔɓo a gɔ̨nɔ̨nŋaai tii.»

Hanwon 23:28

Yaa kpinįi tii, a noo nuą tɔwɔ, yɛ toomɛ̨i kɛ mun, a woo taɠa taɠa too hinąą lɔwai.

Hanwon 23:15

Nón, yá kili mɛ̨nį wɛli la kɛ, yili a gwə́inɛɛ kpɔ kɛnɛ̨.

Mąątɛ̨nɛ̨ 17:3

Yá gwə́i kili kaa, ə mą kɛ, kpinįi ɓə, yá búlú kwɛli; yáá ɉú kɔ́ɔn, hvó mɛ̨nį ta kaa li. Gɛɛ kíliŋąhiɛ hvo too mą́ą́, yáá mąn gɔlɔn.

Gɛlaɠaa 4:36

Ɉosɛfə ə gɛ lɔ ti, yai gɛlaɠaa di naa mɛ̨i hee a Barnabasə, mukulaa ɓaa: Liilaa lon. Ə kɛ a lévi ta, gaa lɔi ɓaa kɛ a Siprə tíi ə kɛ ɲəi,

Lomaŋ 12:8

Nui nwɛi ɓaa a nuą hvaŋąlɔ, ə ŋąą wala yili ɓa. Nui nwɛi ɓaa mɛ̨inɛ̨ɛ̨ kɛɛ, ə gɛ, kiliŋąhiɛ takpɛli hvo kɛ mą. Nui nwɛi ɓaa nuą tɛnɛn dɔɔ, ə ɲąąwala mą. Nui nwɔ̨nɔ̨ nwɛi ɓaa kpɔnmąą tɛɛi nuą pɔ, ə yili kɛ a gwəinɛ̨ɛ̨.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Piɛrə dɔlɔɔ 5:12

Ŋį́ ɉɛɓɛ́ kpuɔ lon ŋɛ̨i tɛɛi kaa, Silvɛn nwɔ kpɔnmąą háálai, yai ŋą́ gaa yɛ néélon, dələnmoɔ, gɛ́ ká hvaŋąlɔ, ɛlɛɛ, gɛ́ kɛ káá, Yálá ŋą nɛ̨ɛ̨laa kpɔ-kpɔɔ ka tii káá kąnąn mą.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

Tɔɔɓɛlaa veelɛ 18:6

Ɛlɛɛ, ə ɲee ganąn Yai-Laa ɓa, hvo həɠə bulu. Dɔ́n nwooɠaai Yai-Laa ə di tɛɛ Moisə pɔ, ə ɲee kanąn gəlee diɛ.