Gɛlaɠaa 11:22 - Yálá laawoo hɛɓɛ (dc)

²² Mɛ̨nįi ti bələ ə pa ə hɛli gbɔn ɓa Ɉerusalɛmə, di nɛɛmą di Barnabasə tɔɔ Antiɔsə.

Yálá laawoo hɛɓɛ

²² Mɛ̨nįi ti bələ ə pa ə hɛli gbɔn ɓa Ɉerusalɛmə, di nɛɛmą di Barnabasə tɔɔ Antiɔsə.

Bible

²² M̀ɛni-ŋai ŋí duŋ è tòo Kôrai-toli-kpɔŋ su-ƃelai wôlii kɛ̀ Zerusâlɛŋ. Dí Banaba tɛ̀ɛ a gɛ́ɛ é lí é seri Ɛŋtiɔ.

Gɛlaɠaa 11:22 Referans Kwoze

Gɛlaɠaa 9:27

Barnabasə ɓə kɛa ɉəɠə ə li la gɛlaɠaa pɔ. Bələi kpɔ Solə ə gu Ną́mu Jesus kaa la Damasə pələi mɛ̨i, da bələi nwɔ̨nɔ̨ gu Ną́mu Jesus ə pələ ɓo la mą, ə gəlee hukulɔ diɛ, ɛlɛɛ, bələi Solə ə Kristə mąą mɛ̨nį lɛ la Damasə daai a tɛ̨ą, ə yili kəlee hukulɔ diɛ.

Tɛsalonikə dɔlɔɔ 3:6

Yiihu kɛa, Timote aa həɠə ká pɔɔli aa pa, ɛlɛɛ, aa ká wɔ laa na laa da ká wɔɔ wɛlikɛmąą laa mąą mɛ̨nį hukulɔ kuɔ, yɛ kuɔ, ku nąą kili lɛlɛɛ kaa ká ɲą, ɛlɛɛ, ku kaa wɛli kaa ká hon ɉii, yɛ bələi lɔ kuɔ kpɛli ká kaa wɛli kaa ku ho ɉii la.

Gɛlaɠaa 15:22

Nąąlɔwai, Gɛlaɠaa da galaɉonŋaa, di woo ə laa mą, da gbɔn ɉu nuą, di nu taɠaa həɠə ɉu di lɔwai, di di tɔɔ Antiɔsə da Polə ni ə mą kɛ, Barnabasə. Diɛ ɓaa kɛ a Ɉudasə, yai da kɛ mą: Barsabasə da Silasə, nu hveelɛi ti di kɛ a laa na nuą galan nɛa lɔwai.

Gɛlaɠaa 15:2

Yili ə nuą ɲąąhee geeɓa, Polə da Barnabasə da nuą ti di ɉuyala kpɔ kɛnɛ̨, di woo ə pɛli ɉu, diɛ: Polə da Barnabasə da di wɔ nuą taɠaa di tɛ Ɉerusalɛmə, gɛlaɠaa da galanɉonŋaa kaai, mɛ̨nįi ti ɓo mɛ̨nį ɓa.

Gɛlaɠaa 11:1

Gɛlaɠaa da nąn nonnii yiiɠaai kɛ heeni Ɉude lɔi hu, di mɛ̨n diɛ huwu takpɛliɠaa daa di yee hee Yálá lawoo mu.

Gɛlaɠaa 8:14

Gɛlaɠaai kɛ Ɉerusalɛmə, di bələ mɛ̨n diɛ kɛ: Samari lɔi hu nuą daa di yee hee Yálá lawoo mu, di nɛɛ mą di Piɛrə da Ɉaan di tɔɔ laa.

Gɛlaɠaa 6:5

Nwóó ti ə nɛ̨ɛ̨ kpɔ galan nɛa kəlee wəlii. Di nɛɛmą di, Etiɛnə həɠə ɉu, yai Kili-Mąąhəɠɛɛ kaa ɲəi, da laa na laa, ɛlɛɛ, Filipə, Prokorə da Nikanɔrə, Timɔn, Parmenasə da Nikolasə yai a Antiɔsə mun yaai wɔlɔ lɔ Ɉuifəɠaa di wɔ kalan hu.

Gɛlaɠaa 11:19

Gɔi di bɛlɛ Yálá ŋą kpɔn ma, Etiɛnə paa mɛ̨nį hu, nuąi ə di hu taɠa, daɠaa də li kpɔ Fenisi, daɠaa də li Siprə, daɠaa də li Antiɔsə; kɛlaa, di hvo Yálá lawoo laa həli nu takpɛli ɓa, ə kulɔ lɔ Ɉuifəɠaa.

Gɛlaɠaa 11:20

Kɛlaa, ə mą kɛ ti, di taɠaa, di kaa-lɔi ə kɛ a Siprə da Sirɛnə, pai di mo Antiɔsə di wɛi, Grɛkəɠaa lɔ ɓə di kɛli nwəlɛɛ lɛlɛɛ laa həli diɛ, yai vilɛn ŋąąi gu Ną́mu Jesus ɓa.

Gɛlaɠaa 11:26

Ɓɛlɔwai ə gaa la, ə ɉəɠə da yaa di pa Antiɔsə. Da yaa di kwɛlan dɔ̨nɔ̨ kɛ laa, di gbɔn ti mąąkwɛli kpɔ kpaan a Yálá mɛ̨nį. Antiɔsə daai ɓə di kalan nɛa laa hee laa tɔlɔɔ, a: Kristalɛa.

Gɛlaɠaa 11:27

Nąąlɔwai ti ɓə Yálá kwəi mɛ̨nį hukulɔ nuą di həɠə la Ɉerusalɛmə, diɛ li Antiɔsə.

Gɛlaɠaa 18:22

Ə kulɔ gələn ɉu Sesare daai, ə li ə gbɔn túwɔ́ɓo. Yili pulu, ə yɛɛ Antiɔsə daai.

Galatə 2:11

Kɛlaa, pai Piɛrə ə mo Antiɔsə, ŋį́ haŋą mą kpɔn ɉu, mąąhɔlɔɓo, hvo mɛ̨nį lɛlɛɛ kɛ.