Gɛlaɠaa 11:20 - Yálá laawoo hɛɓɛ (dc)

²⁰ Kɛlaa, ə mą kɛ ti, di taɠaa, di kaa-lɔi ə kɛ a Siprə da Sirɛnə, pai di mo Antiɔsə di wɛi, Grɛkəɠaa lɔ ɓə di kɛli nwəlɛɛ lɛlɛɛ laa həli diɛ, yai vilɛn ŋąąi gu Ną́mu Jesus ɓa.

Yálá laawoo hɛɓɛ

²⁰ Kɛlaa, ə mą kɛ ti, di taɠaa, di kaa-lɔi ə kɛ a Siprə da Sirɛnə, pai di mo Antiɔsə di wɛi, Grɛkəɠaa lɔ ɓə di kɛli nwəlɛɛ lɛlɛɛ laa həli diɛ, yai vilɛn ŋąąi gu Ną́mu Jesus ɓa.

Bible

²⁰ Kɛ́lɛ, ǹaa-la-ƃelai da-ŋa dí kɛ̀ a Sapɔrɔ da Sailini-ƃela nyíi-ŋai Duŋ Lɛ́lɛɛi ƃò Gurii-ŋai dîa máŋ é pîlaŋ Kúnuu-namui Zîsɛ ma, díseriɛɛ Ɛŋtiɔi.

Gɛlaɠaa 11:20 Referans Kwoze

Gɛlaɠaa 13:1

Gbɔn kɛ Antiɔsə daai, Yálá kwəi mɛ̨nį hukulɔ nuą di kɛ ɉu da mąąkwɛlikɛ-nuą. Diɛ ɓaa: Barnabasə, Simeɔn (yai da kɛ naa mɛ̨i hee ɓaa: Hulɔn-dɛɠi), Lusiusə Sirɛnə mun, Manaɛn, yai da Herodə nɔi-nwun nąmu di di lɛapɛlɛɛ pə́lə́ kɛ gee ɓa, da Solə.

Maafîu 27:32

Di kɛɛ kulɔi a Jesus taai, diɛ li la gbanwoi, di Sirɛnə mun da kaa diɛ kɛ naa ɓa Simɔn. Ɉolahiɠaa di mo mą diɛ mą: «Pa ɓɛ, ə́ Jesus nwɔ kolɔwa həɠə.»

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Gɛlaɠaa 6:9

Kɛlaa, di lɔwai, galan gbɔn ti da kɛ mą: luwɔ pɔlɔɠaa, da Sirɛnə nuą Alɛsandri nuą Silisi ɛlɛɛ, Asi nuą, hvaa ə too Etiɛnə ni lɔwai.

Gɛlaɠaa 2:10

daɠaa di həɠə Frizi lɔi hu, Pamfili, Eziptə lɔi hu, daɠaa di həɠə, Sirenaikə Libi lɔi hu, daɠaa di həɠə Romə daai,

Korɛntə dɔlɔɔ 2:2

Mąąhɔlɔɓo, ŋą́ naa gwə́i, gɛ́, və́ mɛ̨nį takpɛli mɛ̨n ka lɔwai, hvo kɛli lɔ Jesus Kristə mąą mɛ̨nį, a Jesus Kristə, yai di gbɔn kolɔwa ɓa, mąą mɛ̨nį.

Gɛlaɠaa 17:18

Mɛ̨nį kɔlɔn nuą di kɛ laa, diɛ ɓaa: Epikuri da Stoisi di wɔ kalan nɛa da Polə ni di kɛli lono kɛ, daɠaa di kɛli, kɛ diɛ: Ɛ̨i, naanɛ̨ɛ̨mąąmun ŋɛ̨i, yɛ lə? Daɠaa diɛ kɛ: Gaa kpɔ kiɛ yɛ yálá takpɛliɠaa mąą mɛ̨nį laa həli mun. Hvo gaai, Jesus mąą mɛ̨nį da nwun mɛ̨nį ɓə Polə ə kɛi naa həli.

Gɛlaɠaa 9:29

Ɉuifəɠaai kɛi Grɛkə woo ɓo, da diɛ ni di kɛi hɛa too di kee lɔwai, kɛlaa, yiliɠaai di kɛli baa pələ kwɛli.

Gɛlaɠaa 9:20

Solə ə nɛɛ ɲąąɓa yɛ mo Yálá hvɛli pɛlɛ́ɠaa mu, yɛ kɛ diɛ: Jesus kaa a Yálá lon.

Gɛlaɠaa 8:35

Filipə ə gɔwɔ tɔɔ ɉɛɓɛ́i ti hu woo mɛ̨i, yɛ Jesus ŋą wɛlɛɛ woo lɛlɛɛ hukulɔ mą.

Gɛlaɠaa 8:5

Filipə ə li Samari lɔi daa-lee ta hu, yɛ Kristə mąą mɛ̨nį laa həli nąą daai nuą diɛ.

Gɛlaɠaa 5:42

Hvóló kəlee, di kɛi li Yálá hee pɛlɛ́ mu, da bɛlɛ́ɠaa laaləi diɛ nuą kalan a Jesus ŋɛ̨i gaa a Nwun mąąɓomun Yálá ə naakwɛlanmo nwɔ wəlɛɛ lɛlɛɛ.

Gɛlaɠaa 4:36

Ɉosɛfə ə gɛ lɔ ti, yai gɛlaɠaa di naa mɛ̨i hee a Barnabasə, mukulaa ɓaa: Liilaa lon. Ə kɛ a lévi ta, gaa lɔi ɓaa kɛ a Siprə tíi ə kɛ ɲəi,

Ɉaan 7:35

Ə həɠə ɲələ ɓa, Ɉuifəɠaa di kɛi kɛ diɛ kɛ di kee ɓa: «Mįnɛ̨ ɓə gaa pai lííla yai ku hvo pai gaai? Akɛti, Ɉuifəɠaa ŋɛ̨i di taɠa-taɠa hį́i takpɛliɠaa lɔwai nąą pələ ɓə mɔ̨ɔ̨ gaa pai lííla, yɛ ɉį́i takpɛliɠaa tii kalan?

Gɛlaɠaa 6:1

Naalɔwai, galan nɛa kpulu hu ə kɛi kɛnɛ̨, Ɉuifə yiiɠaai kɛi Grɛkə woo ɓo, di kɛi Hebreuɠaa laa ɓo, kɔ̨nɔ̨n mɛ̨nį hu, mąąhɔlɔɓo, di hvo kɛi di wɔ kalaninŋaai mąą mɛ̨nį ɲɛ̨i kulɔ a dənən gɔ̨nɔ̨n ɲąąkwɛlɛi lɔwai.

Gɛlaɠaa 6:5

Nwóó ti ə nɛ̨ɛ̨ kpɔ galan nɛa kəlee wəlii. Di nɛɛmą di, Etiɛnə həɠə ɉu, yai Kili-Mąąhəɠɛɛ kaa ɲəi, da laa na laa, ɛlɛɛ, Filipə, Prokorə da Nikanɔrə, Timɔn, Parmenasə da Nikolasə yai a Antiɔsə mun yaai wɔlɔ lɔ Ɉuifəɠaa di wɔ kalan hu.

Gɛlaɠaa 11:19

Gɔi di bɛlɛ Yálá ŋą kpɔn ma, Etiɛnə paa mɛ̨nį hu, nuąi ə di hu taɠa, daɠaa də li kpɔ Fenisi, daɠaa də li Siprə, daɠaa də li Antiɔsə; kɛlaa, di hvo Yálá lawoo laa həli nu takpɛli ɓa, ə kulɔ lɔ Ɉuifəɠaa.

Gɛlaɠaa 11:22

Mɛ̨nįi ti bələ ə pa ə hɛli gbɔn ɓa Ɉerusalɛmə, di nɛɛmą di Barnabasə tɔɔ Antiɔsə.

Gɛlaɠaa 11:26

Ɓɛlɔwai ə gaa la, ə ɉəɠə da yaa di pa Antiɔsə. Da yaa di kwɛlan dɔ̨nɔ̨ kɛ laa, di gbɔn ti mąąkwɛli kpɔ kpaan a Yálá mɛ̨nį. Antiɔsə daai ɓə di kalan nɛa laa hee laa tɔlɔɔ, a: Kristalɛa.

Gɛlaɠaa 11:27

Nąąlɔwai ti ɓə Yálá kwəi mɛ̨nį hukulɔ nuą di həɠə la Ɉerusalɛmə, diɛ li Antiɔsə.

Gɛlaɠaa 14:26

Di həɠə laa diɛ li Antiɔsə kələn ɉu, ɓɛi di ɉiɛ kɔwɔ tɔɔ laa, ɓɛi di di kalihva ɓo laa Yálá nwɔ mɛ̨inɛ̨ɛ̨ ɓa gólói ti kɛ mąą mɛ̨nį ɓa.

Gɛlaɠaa 15:22

Nąąlɔwai, Gɛlaɠaa da galaɉonŋaa, di woo ə laa mą, da gbɔn ɉu nuą, di nu taɠaa həɠə ɉu di lɔwai, di di tɔɔ Antiɔsə da Polə ni ə mą kɛ, Barnabasə. Diɛ ɓaa kɛ a Ɉudasə, yai da kɛ mą: Barsabasə da Silasə, nu hveelɛi ti di kɛ a laa na nuą galan nɛa lɔwai.

Gɛlaɠaa 15:23

Di ɉɛɓɛ́ tɛɛ di pɔ. Ɉɛɓɛ́ hu woo ka: «Gɛlaɠaa, galanɉonŋaa, da gu nąn nonnii, diɛ ku nąn nonni túwɔ́ɓo; diɛi a huwu takpɛliɠaa, di ɓo Antiɔsə Siri lɔi hu, da yiiɠaai Silisi lɔi hu.

Gɛlaɠaa 15:30

Yii kɛa, di nwɛlɛɛɓo nuąi ti tɔɔ bələi; yiliɠaai də li Antiɔsə. Di laa na nuą kəlee ɲąąkpɔn, di ɉɛɓɛ́ tɛɛ di pɔ.

Gɛlaɠaa 18:22

Ə kulɔ gələn ɉu Sesare daai, ə li ə gbɔn túwɔ́ɓo. Yili pulu, ə yɛɛ Antiɔsə daai.

Galatə 2:11

Kɛlaa, pai Piɛrə ə mo Antiɔsə, ŋį́ haŋą mą kpɔn ɉu, mąąhɔlɔɓo, hvo mɛ̨nį lɛlɛɛ kɛ.