Gɛlaɠaa 10:41 - Yálá laawoo hɛɓɛ (dc)

⁴¹ hvo kɛ gbɔwɔ lɛ li nɔi nuą kəlee diɛ, kɛlaa, gɛlaɠaai Yálá ə gbɛa di həɠə ɉu diɛ ɓə, a kuɔi ŋɛ̨i, nwunŋąa pulu kwa diɛni ku kɔ̨nɔ̨n mįi gee ɓa, ku ku kpələ.

Yálá laawoo hɛɓɛ

⁴¹ hvo kɛ gbɔwɔ lɛ li nɔi nuą kəlee diɛ, kɛlaa, gɛlaɠaai Yálá ə gbɛa di həɠə ɉu diɛ ɓə, a kuɔi ŋɛ̨i, nwunŋąa pulu kwa diɛni ku kɔ̨nɔ̨n mįi gee ɓa, ku ku kpələ.

Bible

⁴¹ Vé ǹɛ́ ní núu kélee ma, kɛ́lɛ, è ǹɛ kûa, kúai è kúlɛ̀ a sêre-ŋai. Kwa dîa-ni kú kúlaa mìi gîe ma ŋɔmu-siɣeɛɛ saa yêei pôlu ma.

Gɛlaɠaa 10:41 Referans Kwoze

Ɉaan 14:22

Ɉudə, (kɛlaa, yii ŋɛ̨i kɛ a Iskariɔtə mun yili hvəə,) ə mo Jesus ɓa yɛ mą: «Ną́mu, ya gɛ pələ kɛ ləi, yɛ kulɔ kuɔ ponoŋą, kuɔ ə́ kaa, yɛnɛ̨ɛ̨ nuą di hva ə́ kaa?»

Ɉaan 21:13

Nąąlɔwai, Jesus ə nɛɠɛ da ɉɔ̨nwɔ̨lee həɠə, ə ŋąąkwɛlɛ diɛ.

Ɉaan 14:17

Yálá nwɔ Kilii tii ɓə gaa a tɛ̨ą kili, yai yɛnɛ̨ɛ̨ nuą di hva di yee hee mu. Mąąhɔlɔɓo, di hva gaa, ɛlɛɛ, di hvo gɔlɔn. Kɛlaa, ka wɛi, ka gɔlɔn, mąąhɔlɔɓo, gaa ka pɔ, yɛ ɓo ka nįį hu.

Gɛlaɠaa 10:39

Mɛ̨nįɠaai kpɔ ə gɛ Ɉuifəɠaa di wɔ lɔi hu da Ɉerusalɛmə, ku kaa a yili mąą kɛla. Di ɉon, di gbanwo wulu.

Gɛlaɠaa 13:31

Nuąi da diɛni di həɠə Galile lɔi hu, diɛ pa Ɉerusalɛmə, ə gbɔwɔ lɛ yiliɠaa diɛ hvoló tamąą yee mu, diɛi ti ɓə mąą kɛla hvaaɓoi nuąi a Israɛlə nuą diɛ.

Gɛlaɠaa 1:22

ə gɔwɔ tɔɔ ɓɛlɔwai Ɉaan mąąwaa la, ə həli la ɓɛlɔwai ə tɛ la yələkɔlɔn ɉu, mą, hvo kɛli nu ta ə hɔlɔɓo nuą ti lɔwai, ə too gu pɔ, ə kɛ a Jesus nwun mɛ̨nį mąą kɛla ta.»

Ɉaan 15:16

Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Lukə 24:30

Di kɛɛ yələ wilii laa mį́į́ kɛi da Jesus ni, Jesus ə Yáláhɛɠɛɛɓo nɛɠɛ tii mąą mɛ̨nį ɓa, ə ɉu tee ə nu kəlee nwɛi tɛɛ pɔ.

Lukə 24:48

Ka káá a mɛ̨nįɠaa tii kəlee nwɔ kɛla.

Ɉaan 14:19

Ɉu hvo kɛa kwɛa li, yɛnɛ̨ɛ̨ nuą di hvo pai kɛa gáái, kɛlaa, ka wɛi, ka káá pai gáái mąąhɔlɔɓo, gáá a vúlú, kaa kpɛli ka káá pai kɛi a ka hulu.

Ɉaan 15:27

Ɛlɛɛ, kaa kpɛli, ka káá pai mą́ą́ kɛla hvaa ɓoi. Mąąhɔlɔɓo, ə həɠə gɔwɔ tɔɔ yələ ɓa, ə həli la yiihu ɓa, ka káá lɔ bɔ́.»

Gɛlaɠaa 1:4

Yələ ta, da diɛni di kɛi kɔ̨nɔ̨n mįi gee ɓa, yili pulu, ə di liɛwoo kɛ, yɛ diɛ: «Ká hvo ká mąą kwɛa Ɉerusalɛmə ɓa, kɛlaa, ka lɛɛ laa, ə lɛɛ ɉu, mɛ̨nįi Ną́n ə naa kwəlanmo, yai ŋį́ mąą mɛ̨nį ɓo kaa, ka mąą kpɔn.